福龍葡國餐

Open Now

Now Closed

係澳門食過咁多次葡國餐，依間都真係最難食既一間，仲要等位，真係唔明白咩事。唯一好處可能就係有百老匯酒店既賭場會員卡有9定95折，但有折我都真係唔會再食！我地點左馬介休球、香燒牛肋骨同葡國雞。🤢香燒牛肋骨一黎既時候，已經覺得好cheap，牛仔骨黎咋喎，好似茶記叫扒咁，味道同個樣一樣極普通；🤢之後黎葡國雞，望落個樣好似好d，但d雞又係差啦，本身完全無味，葡汁既味同大家樂個葡國雞飯無咩分別，分分鐘大家樂既仲好食。等緊依兩樣既時候已經覺得馬介休球係咪漏左單，因為遲黎既人都上左馬介休球，但見到依兩樣咁既質素，真係多謝佢漏單…

跟住朋友推介來到這間位於百老匯美食街既著名葡國餐廳試下，建議提早預訂，到步的時侯聲稱沒有訂桌當天Full Booking，但是又叫我們在旁邊等，一等就等了半小時。可以先到美食街的小食攤當買零食，邊等邊食。餐廳內部裝潢用賁木的顏色，好舒服好有氣氛。桌子都好大，位置十分寬躺。桌上有枝礦泉水，可以自行決定開不問開MOP28，都可以問店員要求普通水。💙厚切芝士包 MOP58推薦指數:★★★★★   厚厚的一層芝士，熱騰騰十分香，旁邊有少許伴菜可以解油膩💙馬介休球(半打) MOP98推薦指數:★★★★★  葡國菜必食之一，由薯仔.馬介休,香料等等整成，味道剛剛好💙葡國臘腸炒雜菜 MOP98推薦指數:★★★☆☆  葡國臘腸沒有很特別，偏重口味💙葡國雞 MOP138推薦指數:★★★★☆ 可能我自己食開偏淡味，原來葡國菜好濃味，必須拌飯。雞肉很大，不過多骨💙焗鴨飯 MOP268推薦指數:★★★★☆ 很像香港的臘鴨脾飯，都是很濃味整體而言去到澳門必須要食葡國菜，這間價錢中上，環境不錯，可以一試

去澳門🇲🇴緊係唔少得食葡國菜啦，見到網上介紹一間米芝蓮葡國菜，我哋去澳門就訂咗呢一間，餐廳地方寬敞，有室內及室外座位，餐廳面向橫琴，風景非常優美，餐廳內牆上掛上代表澳門的相片，整體感覺舒適。❤️焗鴨飯$268我見到寫住焗鴨飯，再加上張相見到只得3片葡國臘腸係面，我應該唔會叫🤣，但我妹妹話要食，所以就叫咗，食咗一啖後，覺得好食到不得之了，飯面焗至非常焦脆，飯內有啖啖鴨肉，鴨肉唔韌，成個飯好有鴨味，超推👍。❤薯蓉青菜湯/南瓜忌廉湯$50 /雜菌忌廉湯$55非常足料，味道剛剛好👍。❤️香蒜炒雜菜$68配料有草菇、紅蘿蔔、粟米芯仔、椰菜，味道較淡，但其他食物都比較濃味，所以味道配搭得剛剛好。❤️ 硬脆豬仔包（Free)豬仔包外皮超脆，塗上牛油，好香好食。❤️香燒牛肋骨$238香燒牛仔骨雖然好貴，但真係好好食，醃得非常夠味，燒得好香，嫩滑多汁，牛肉味濃，真係食一碟都唔夠喉呀！🤣❤️厚切芝士包$58芝士包可以拉絲，記得要熱食呀！❤️馬介休球（半打）$88用葡國鹹魚+薯仔混合炸成球，香脆可口，咸度適中。❤️葡國雞$138葡國雞配料有薯仔、黑橄欖、洋蔥、紅蘿蔔、雞件，好香椰汁味，如果雞件滑啲就perfect 喇！。

今日跟住澳門米芝蓮推介搵食，去到路氹城呢間本地葡國餐廳。福隆 老店位於 澳門福隆新街佛笑樓旁的小店，其後得到米芝蓮加持，喺路氹百老匯大街開設分店!福隆新店 地方寬敞，分室內和室外座位，可以遠眺對面橫琴風景。木系裝修，行簡潔休閒風格！食物方面主打傳統葡國菜和澳門菜！硬豬仔包暖暖的豬仔包 外皮脆身煙韌，內裏軟綿綿 ，塗上牛油加添柔順香滑！馬介休球用葡國鹹魚和薯仔攪碎混合炸成球狀! 甘香味美、香脆可口，咸度調和得十分適中！燒沙甸魚這裏的沙甸魚比我們常見的罐頭沙甸魚 體積較大，但魚刺較少！魚皮燒烤乾身脆口，散發陣陣焦香，非常惹味！燒牛仔骨每次嚟澳門必食之選，是我的至愛！賣相 吸引，肉質嫩滑多汁，牛仔骨牛肉味濃鬱，令人垂涎欲滴！葡國雞經典澳葡名菜， 有薯仔、橄欖、香料和雞件 烤焗而成，面陣陣焦香，薯仔和雞件非常入味！啖啖肉，大快朵頤！硬豬仔包每枱是免費奉送的。而餐廳提供礦泉水是要收費的，一公升支裝售20蚊。 另外值得一讚，服務員態度良好細心有禮！睇完整份餐牌 ，大部分菜式都係一百蚊左右上落，價錢確係實惠！

見weekend得閒，同11個朋友去澳門一日游。呢間係朋友媽媽推薦既，所以我地就早幾日book左晚餐既枱，行到攰同去完賭場就可以直接過去。佢位置係銀河嗰邊，基本上跟著d signs行10幾分鐘就會搵到係邊，都幾分便。我地十幾個人基本上成個menu既菜都有叫到。我覺得西餐主要都係食個醬汁，如果佢個醬煮得好味，咁都成功咗一半。 總體嚟講呢間嗰啲醬汁都偏鹹， 但係配埋麵包食或者同夾埋d肉都唔錯。葡國雞雞都幾滑， 入邊有蘿蔔，洋蔥，同薯仔做配料。燴牛尾蕃茄味道好濃郁，煮到好軟熟。叫左兩款馬介休 (一紅一白)我鍾意紅色嘅嗰款多啲，但兩款個魚都好嫩滑。厚切芝士麵包可以拉絲葡國焗鴨飯個人對鴨麻麻，飯有d乾咁，但朋友話都ok。比較特別嘅位係好少食到焗鴨飯，嗰個汁都幾好食， 唔好睇佢咁個樣，其實鴨肉好多㗎，不過都係下面白酒檸檬炒蜆雖然佢話係白酒檸檬 ，但係唔知點解會食到好香牛油味，用黎點麵包岩岩好。埋單12位3000幾港紙(約每人250)，叫左超多餸，飲左兩支酒，食得好飽。Overall都推薦大家試下，係幾有特色既葡國菜

呢邊通常係酒店住客過黎，夜晚黎到唔多人，夏天竟然安排左坐室外，有風扇唔覺得熱，加上海邊有風，氣氛本來係幾好，但係有蚊！建議一定要坐室內啊講下食物先餐包，外脆內軟，正正常常。第一次食馬介休，友人話馬介休係葡國菜必食，所以叫左試下。原來味道同咸魚差唔多。個飯炒得好香，粒粒分明，唔會太乾太淋。咖喱雜菜，啲菜好入味，而且菜既種類都幾豐富，加上有咖喱汁，好適合送白飯。葡國菜，我覺得個味道同咖喱雜菜差唔多，不過呢個有肉類。雞件大塊軟身，好易咬，同個汁好夾，好淋好入味雖然價錢唔平，但係份量好多，性價比唔錯👍🏻今次嗌啲野食大部份偏濃味，我地不停飲水，waiter服務好好，一見杯水少左就即刻過黎斟。

午餐品嚐一間「車胎人推介」，喺澳門歷史悠久「土生葡菜」餐廳～福龍葡國餐其中有幾樣菜式做得唔錯包括厚切芝士包、馬介休球、白酒檸檬炒蜆、非洲雞同焗鴨飯「土生葡菜」～名副其實「Fusion料理老祖宗」，一般只會代代相傳，少有對外公開，導致一啲菜式面臨失傳，因此喺2012年被列入「澳門非物質文化遺產」名錄

來澳門玩，當然是起碼有一餐要吃葡國菜，才叫到此一遊。可不是每次都吃到好吃的，什麼木偶，小飛象，都不太好吃，今次和老公家人來吃的這間福龍，倒真的不錯！一如其他萄國菜，味道還是太重！吃完「口呱呱」。不過，現在澳門好味葡國菜難找到，值得再來的！我們一行六人點了7個菜1個甜品，還在餐廳外剛巧做的drink & dine小檔買了一支紅酒入來喝，這餐確是不錯啦！第一個來的菜 - 白酒花甲 - 白酒湯超清甜，我們每人快盛了多湯匙喝，花甲肉也多，不會甩到只剩花甲shell而沒有肉。而愛吃的莞茜真的perfect match！讚！馬介休薯餅 - 都不錯，只是咸了些，或許是加了咸魚，所以少咸吧！海鮮飯 - 海鮮飯一直是每人最愛點的一個菜，不過不是每次都吃到好吃的，而九成是味道超重的，這個也是其一。味道ok的！海鮮很多，蟹身蟹鋼、魷魚、魚、花甲、青口，海鮮多過飯；湯飯，不過不能當湯喝，像蠔仔粥那個湯和飯的比例就是。咖喱牛尾 - 這個不錯，雖然看得出是煮好一大鍋，上碟前再去微波爐叮一下。咸味ok，送飯一流！馬介休炒椰菜 - 讚！咸淡適中，味道好！我覺得是最好吃的一個菜，必試！用的是新鮮馬介休，吃得到魚肉，菜也

有鑑於澳門與葡萄牙之間的聯繫，葡國菜自自然然被列入作我們此行的目標 我們選擇一嚐友人大力推薦的福龍葡國餐，但就沒有專程去新馬路福隆新街一店 人在氹仔，百老匯大街分店較為就腳，而這家分店亦被收錄於米芝蓮指南之中 誰知當晚大雨滂沱，好在目的地離我們所住的酒店不遠，叫做來得太合時 餐包為豬仔包，不另收費，外層乾身硬脆，包心軟身綿腍，食感煙韌好嚼 但正因帶韌偏乾，要抹上牛油才比較潤順易入口，又或者蘸配餐點的醬汁 即使剛才店方已送上餐包，我們還是執意點了Cheese Bread 厚切芝士包 MOP40 看似平平無奇的芝士包實為福龍的人氣之選之一，芝士足料多如滿瀉 烤焗後的金黃焦意實在吸引，香口而不油膩，不過我還會想蘸點酸甜醬，更為開胃滋味 Stewed Ox Tongue with Red Wine 葡國紅酒燴牛脷 MOP98熱騰上桌 牛脷大塊厚片，份量不少，燴煮過後軟腍濃香，食味不會過重腥臊 其實醬汁鹹香帶稠，調味不會濃得過份，酒味幽幽不烈，拌飯吃也屬不錯 既然一場到來，就算澱粉質易飽肚也想一嚐Baked Duck Rice 葡國焗鴨飯 MOP198 焗鴨飯是福龍的名物，我們趁新鮮熱

Very delicious food with Portuguese style. Seafood rice and fish dishes are the best. And the bread texture are the really local food style, soft and crunchy. It is facing the back side in the broadway street, it is a little difficult to find, but it facing the sea gap which is very cozy with open space.You go there, only need to get off at Broadway Hotel main entrance to walk to the back toward the sea gap for about 2mins walk.Or you can stop at Galaxy Hotel which the drop off point is 10 mins

去澳門，食過公雞、船屋同不知名嘅葡菜，未食過一間係好食，間間食完之後，淨係得個「咸」字。對葡國菜其實冇乜好感，有得揀真係唔會食。同朋友一齊，跟大隊無辦法。今次嚟咗呢間米之蓮推介嘅福龍葡國菜，本身冇乜期待，結果出乎意料超級好食一入座，一人送一個熱辣辣豬仔包（翠華同澳門果d真係唔入流）炸馬介休，即炸酥香燒魷魚🦑超級推介，新鮮爽林，果汁勁正👍🏻綱評推介中意芝士嘅我超like,但要快食食評冇介紹錯必食葡式海鮮飯，咸左少少炒雜菜好好食，第一碟完成仲有一疊紅豆豬手唔記得影6個人飽到暈，埋單先$1200，真係好抵！下次去澳門，一定會再去

跟友人來到澳門百老匯大街，暑假還未開始所以遊人較少。跟周末假日人山人海相比，可以放慢腳步挑選想吃的餐廳，不用趕著去排隊的感覺真好。 澳門最受歡迎的菜式非葡國餐莫屬，所以這次到百老匯大街看到有葡國餐廳就二話不說到店了。 餐廳要先在度小月旁邊的路走進去，面向橫琴，有天有山有水又有草地，景色相當一流。 但外面三十度以上高溫，我們當然趕快逃到室內冷氣地方啦。 午餐餐牌，頭盤加主菜連飲品$98 先送來外脆內軟豬仔包 頭盤可選薯蓉青菜湯或馬介休沙律，我們就每樣來一客分享。 薯蓉青菜湯是我很愛喝的葡國湯，入口粗糙的口感來自薯仔，加上切成絲的菜及葡腸，味道較鹹，但會越喝越停不下來的。 馬介休沙律，顧名思義就是放了馬介休的沙律，馬介休鹹鹹香香，配沙律菜吃味道不錯。 葡萄白酒燒豬仔骨，肉質很軟腍多汁不會乾。 非洲雞外面脆脆，肉質很嫩滑，醬汁帶點辣很惹味能刺激食慾。 喝過餐飲很飽很飽！ 兩人共付了二百多元，以這餐質素來說可以說是物有所值。

趁週一比較空閒，也補記一下澳門遊於福龍葡國餐的午餐；這間分店，在去年三月也來淺嚐其湯品，很開心見它得到認同、獲得米芝蓮推介。反而總店卻沒推介的！ 福龍葡國餐景觀臨海，十月底時還有不少 Halloween 佈置，環境算是很舒服，重點是食物非常不錯，人在銀河想找地道風味葡菜，這裡是不錯選擇，另一可考慮的是葡軒。 這趟旅程就是放任，吃葡菜嘛當然要來 Sangria，這裡的酒味及果味平衡、十分好喝；又以特色酒壺呈上，更添風味。 再吃一件脆豬包，以及清新沙律後，誘人的芝士包也上檯了！半融芝士可拉成長長拉絲，極之誘人，可惜早餐吃太飽不能多吃啊.... 這裡的炸馬介休也香口不油，值得一吃；如喜歡吃牛脷的，一定要點焗牛脷，我雖不愛，也試了那汁及洋蔥，非常香口柔滑美味～ 從來都喜歡微辣的非洲雞，這裡也做得非常好吃，又嫩又滑；妹妹就幫忙吃西蘭花及薯條，一樣開心。 最後還有蒜炒雜菜，以及很香口又好吃的葡式焗鴨飯，飽是很飽了，但好像總是少了一點甚麼？  沒錯，就是生命中不能缺少的甜品，吃完葡菜，最理想當然是來份地道葡式甜品---木槺布甸 Serradura，但這份甜品，卻是要我們親手製作！有興趣

呢間葡國餐館其實已經有20幾年歷史！老店喺新馬路附近嘅福隆新街裏面。百老匯大街呢間係佢分店！還記得舊時佢個葡式咖喱炒蟹二人餐，大概都係三百零蚊... 已經有兩個薯蓉湯、葡式肉腸炒雜菜、馬介休炒飯同咖喱炒蟹！當然而家價錢已經唔同咗啦！今次就嚟試吓佢呢間開業兩年嘅百老匯大街分店！職員好有禮貌...招呼唔錯啊！店鋪位置都好大，佈置方面雖然都係以葡式為主，但係分店環境燈光比較舒服。食物方面必叫嘅當然係咖喱炒蟹同白酒煮蜆。果然水準依然👍👍👍今次冇叫馬介休炒飯...就叫個焗鴨飯...都👌湯方面...因為本身洋蔥湯係偏鹹...所以我就比較鍾意飲個薯蓉湯多啲。甜品方面叫咗一個焦糖布甸同一個木糠布甸...兩個都不相伯仲..超好味😋

今日和太太往澳門遊玩, 中午於澳門百老匯福龍葡國餐食葡國菜, 我們點了葡國薯蓉青菜湯, 香蒜炒椰菜、葡式焗朱扒飯和吞拿魚意粉。葡國薯蓉青菜湯好香薯蓉味, 湯好夠熱, 紅蘿蔔絲和青菜好新鮮好足料,好味；香蒜炒椰菜賣相一流份量十足, 材料有小粟米, 椰菜和蘿蔔, 蒜蓉味好香口惹味, 椰菜新鮮爽口, 小粟米好清甜, 咬落爽脆妞和蘿蔔口感清新, 足足料的香蒜炒椰菜；葡式焗朱扒飯葡汁味度適中, 朱扒預先切成一小件, 食落方便, 朱扒好入味, 肉質鮮甜；配菜有菠蘿和青椒, 前者甜度適中,後者新鮮爽脆, 橄欖食落鮮甜, 炒飯好有蛋香配上葡汁食落開胃, 口感豐富；吞拿魚意粉吞拿魚味道濃香, 意粉好滑, 配上吞拿魚食落惹味, 口感十足。餐廳環境舒適, 值得三五知己聚會好地方, 餐廳有很多以前澳門景物的舊相, 可以緬懷以前的澳門 而且食物美味,份量十足, 賣相一流, 我和太太享受一頓豐富的葡國菜