煥記海鮮飯店

Open Now

Now Closed

撞啱節日，決定一家大細去澳門玩兩日一夜。一落船，其實都差唔多要食中午。但係因為我哋有老有嫩，所以都選擇食中餐會比較合適。雖然酒店在氹仔，落船都是氹仔，但是親戚們還是對舊城區那邊的餐廳情有獨鍾，於是我哋就決定去呢度好多人話食翅應該喺紅屋街嗰邊，不過我覺得其實只要熱辣辣整出嚟都會好食，所以我哋就喺呢度分別叫咗湯同埋翅。好好味，男女老幼都啱食。除咗翅同埋湯之外，我哋都係叫返一般炒粉麵飯同埋菜仲有雞丁。始終我哋唔諗住食得太飽，因為去到澳門旅行都係行到邊食到邊，午餐之後都會沿途食吓豬扒包啊牛雜等等。呢間餐廳最值得推薦嘅係佢嘅地理環境，因為一出餐廳外面，附近就已經有得買手信，而且因為係呢一區凹咗落去，遊客排隊唔會多，唔似得要去大三巴附近買手信排晒長龍咁，喺呢間餐廳外面嘅手信街俾你隨便試隨便睇，所以臨走嘅時候其實可以去呢度食返餐在去手信街掃貨。