Video
Read full review
2012-10-24
1761 views
住路氹城搵食真喺好方便，今次仲要喺住銀河添，一出酒店渡假村門口，過條馬路對面就已經喺氹仔舊城區。葡國美食天地位處生央街，走入舊城區左穿右插，就算無地圖兜吓兜吓都搵到。晏晝攞房安頓好，就先參觀下銀河，尤其佢個天浪淘園，好大好正，跟住閒遊一下龍環葡韻，早少少去葡國美食天地開餐，因為今日喺星期日，雖然都已經訂咗位，但都怕有咩萬一。之前幾次嚟澳門玩都喺得我倆公婆，我哋梗會食番一餐葡國菜，可惜兩個人試唔到幾多。今次唔同喇，搵埋個表姪女跟埋一齊，雖然佢哋兩個都喺唔大食，但3個人點都可以叫多少少嘢嘅。餐廳唔喺好大，青白細格地磚，紅白格仔枱布，古雅吊扇，一兩枱十多人嘅家庭客，一室洋溢歡笑聲，甚有在家食飯嘅感覺。店家所賣都喺地道出品嘅葡國菜，之前試過近議事亭前地嘅Restaurante ESCADA、黑沙海灘嘅法蘭度餐廳，兩店都帶嚟美味經歷，今回晌度又會點呢？Sangria MOP68葡國美食天地嘅Sangria只有將幾片橙片放入紅酒內，加冰便成，紅酒內帶少許幽幽橙香。不過，比起ESCADA嘅Sangria，無冰而加有連皮帶肉嘅蘋果香橙，我較鍾意後者多啲，因為味道多帶一份清甜。巨型硬豬麵包籃雖然獨沽一味
晏晝攞房安頓好，就先參觀下銀河，尤其佢個天浪淘園，好大好正，跟住閒遊一下龍環葡韻，早少少去葡國美食天地開餐，因為今日喺星期日，雖然都已經訂咗位，但都怕有咩萬一。之前幾次嚟澳門玩都喺得我倆公婆，我哋梗會食番一餐葡國菜，可惜兩個人試唔到幾多。今次唔同喇，搵埋個表姪女跟埋一齊，雖然佢哋兩個都喺唔大食，但3個人點都可以叫多少少嘢嘅。
餐廳唔喺好大，青白細格地磚，紅白格仔枱布，古雅吊扇，一兩枱十多人嘅家庭客，一室洋溢歡笑聲，甚有在家食飯嘅感覺。店家所賣都喺地道出品嘅葡國菜，之前試過近議事亭前地嘅Restaurante ESCADA、黑沙海灘嘅法蘭度餐廳，兩店都帶嚟美味經歷，今回晌度又會點呢？
Sangria MOP68葡國美食天地嘅Sangria只有將幾片橙片放入紅酒內，加冰便成，紅酒內帶少許幽幽橙香。不過，比起ESCADA嘅Sangria，無冰而加有連皮帶肉嘅蘋果香橙，我較鍾意後者多啲，因為味道多帶一份清甜。
巨型硬豬麵包籃雖然獨沽一味，只得硬豬，但就相當巨型，仲要3個咁多。枱上早已放有橄欖油，不過小弟還是鍾意塗牛油多啲。麵包送嚟時喺暖和和，外層確實相當鬆脆，咬落「咯咯聲」，而包心綿密，質感鬆軟，連外皮一齊食時又多份煙韌。
馬介休球 MOP38葡菜名物之一，而小弟今次先喺第一次食。一客3粒啱啱好一人一粒，個子唔喺好大，大概一隻普通雞蛋嘅大細。炸得外型幾金黃，一切開熱氣騰騰，麵包糠外皮甘香脆口唔油膩，而中間嘅薯蓉搓成半爛，食落更有口感，點點馬介休同芫茜碎，令味道帶點鹹香。如果鍾意食辣就更好，因為蘸點枱上自家制嘅辣油，惹味中多份刺激。
葡萄牙香腸 MOP50事前唔喺好認識葡萄牙嘅香腸，更加未食過，好奇之下叫咗一客嚟試試。一見「香腸」二字，已經對號入座，定性為類似德國香腸、雞肉腸之物，嚟到發現可以話喺一場小誤會。「香腸」食落近似我哋嘅臘腸，口感較實淨有嚼勁，但肥肉甚少，有朕煙燻味，不過，齋食真喺有啲過鹹，所以小弟就用硬豬嚟夾一夾。伴菜仲有啲青橄欖、黑橄欖同酸醃菜，但整體都唔喺太啱自己口味！
燒鱲魚 MOP110份燒鱲魚賣相好簡單原味，就咁伴一片檸檬、兩舊烚薯就喺喇，不過條鱲魚燒得好香，外皮略帶焦脆，魚肉燒得啱啱好，既鮮甜又有彈性，唧啲檸汁味道就更鮮活，百鬆啲蚊真喺食得過。
西班牙海鮮飯 MOP135兩款唔同嘅海鮮飯，我哋揀要西班牙式嗰款，以原鑊煮好即時奉上，份量方面真喺唔好睇少，一客夠3-5人食。材料無偷雞，有大蝦（原隻連殼）、蝦仁、魷魚、青口、蜆（原隻連殼），款款海鮮都用料不頗，大蝦味鮮爽彈、魷魚軟腍好食、蜆肉飽滿無沙……；飯粒煮得少少濕潤，唔會乾爭爭，帶點海鮮味，大家都讚個海鮮飯好得，值得推介。
因為無話比第二輪需要交枱，所以嘆得輕輕鬆鬆，食吓飲吓，飲吓又傾吓，好愉快嘅一餐！嘆夠返酒店，焗吓桑拿、蒸汽室，爽晒啦。Post
