六記粥麵

Open Now

Now Closed

之前朋友帶過嚟食宵夜，真係一試難忘。今次再同其他朋友嚟食，一坐底，就叫蝦子麪，蟹粥，鮑汁鳳爪，大腸，鮻魚球。蝦子麪爽彈，而且落蝦子嘅份量一D都唔會孤寒呀！不過就唔建議大家買麪餅返去自己煮啦。因上次友人食後愛上咗，買咗一打返香港，依照店員所講方法去煮，點知分別3-4人煮，都係失敗，共通點都係煮起個麪好"傑"身，所以都係喺舖頭食好啦！蟹粥(大鍋）$200都抵食呀，有3隻蟹，好鮮甜，分量足，我哋6個人分每人都有2-3碗。鮑汁鳳爪同大腸都炆到好入味，尤其鳳爪簡直一咬就可以骨肉分離。鯪魚球大粒彈牙又有魚味，我唔鐘意食魚嘅人，都覺好味。之後友人話見外面閃燈招牌有黑掓牛肉炒麪，話都想試試係咪推介，叫咗個試，原來都係用竹昇麪炸過，脆脆哋都ok喎，牛肉好香黑椒味，而且咬口仲剛剛好，唔會過熟。但魚蛋+豬皮就真係可以唔洗試啦，味道好一般吖。