海灣餐廳 (下環)

Open Now

Now Closed

男朋友之前曾經嚟過呢間餐廳，質素佢覺得幾好所以今次帶我過嚟試吓。因為呢邊都屬於舊區所以街上都好少遊客，入到黎餐廳好友葡式餐館嘅感覺。價錢屬於中上，不過間唔中一次半次都可以接受既😆馬介休球葡式鹹魚味道唔會太咸，馬介休球雖然炸過但唔會好油膩，配上薯蓉嘅鬆軟口感一齊食感覺好好！豬肉球口感比馬介休球厚實，微微帶有豬肉既香味而且味道適中唔錯。紅酒煮牛尾飯價錢雖然要三位數字但係上枱超吸引牛尾份量都幾多而且煮得好林，食落好軟熟牛尾汁散發著好香濃既香味，醬汁唔算好杰身但撈飯食真係一流！好好食👍🏻😋