Hello Kitty Obrigado (Closed)

在澳門閒逛，路過見Hello Kitty（真係無特登搵，我唔係佢粉絲）之前都有熟澳門朋友介紹過，既然咁有緣，當然要打下卡，影下相！門口有大大個kitty公仔，白色主調，配藍色葡國花紋瓷磚（Kitty icon蝴蝶花）雪櫃有好多蛋糕及馬卡龍，馬卡龍面嘅Kitty花好靚！仲有一set聖誕節特別版馬卡龍，但一定要買Set!講真我唔係kitty迷，又唔鍾意馬卡龍，但晚飯都未食，無理由買件蛋糕！所以我都係比面散買一個馬卡龍，比肥髀自己揀味道，佢揀了個「開心果」淺綠色Kitty花好靚，店員小姐攞出來放入透明膠袋比我！仲送了張書籤比肥髀！攞出門口長櫈食，個面好脆（因為咁短路程肥髀已經整碎個面）咬落外脆內煙韌，好甜！成個包括中間忌廉都好甜，唔覺有開心果味！店員小姐態度好好，有笑容！我慢慢揀款都無炸型！我只買一個馬卡龍都好好笑容！