Video
Read full review
2009-02-21
56 views
補返1月7日所吃過既一餐既食評我第一次去澳門，之前亦從未食過葡國菜。今次同女朋友去澳門玩3日2夜。第3日臨走前既LUNCH，決定去內港食返餐葡國菜，作為行程既壓軸節目。因為非公眾假期以及非繁忙時間，所以我地一開門入到去，到食完走人，全程都係得我同女朋友兩位顧客，對於未去過呢啲地方食嘢既我地嚟講，呢度環境好靚.......全程都播住音樂(好記得Eagles既Hotel California)，對於平時鍾意聽音樂既我嚟講，印象分亦大增。食物方面，我地兩個人一共叫咗五樣嘢，分別係焗鴨飯、忌廉焗馬介休、芝士焗青口、海鮮湯以及白雪金沙......首先嚟海鮮湯、芝士釀青口。個湯鹹鹹地，我就唔算好鍾意，但可以接受。至於芝士焗青口，嘩﹗係我食過最好食既﹗一共6隻，我要咗4隻；換言之，平時見到青口都乸埋口面既女朋友，都食咗2隻﹗焗鴨飯......表面三塊血紅色既葡國臘腸，再加上鋪滿芝士粉既飯.....入面仲啖啖鴨肉......臘腸好香.......個飯最上面嗰度焦焦地，配埋啲芝士粉，.好香，鴨肉淡淡地，夾埋飯一齊食，剛好可以中和一下。good~唯一要挑剔既.......係對大食既我而言.......份量
我第一次去澳門，之前亦從未食過葡國菜。今次同女朋友去澳門玩3日2夜。第3日臨走前既LUNCH，決定去內港食返餐葡國菜，作為行程既壓軸節目。
因為非公眾假期以及非繁忙時間，所以我地一開門入到去，到食完走人，全程都係得我同女朋友兩位顧客，對於未去過呢啲地方食嘢既我地嚟講，呢度環境好靚.......全程都播住音樂(好記得Eagles既Hotel California)，對於平時鍾意聽音樂既我嚟講，印象分亦大增。
食物方面，我地兩個人一共叫咗五樣嘢，分別係焗鴨飯、忌廉焗馬介休、芝士焗青口、海鮮湯以及白雪金沙......
首先嚟海鮮湯、芝士釀青口。個湯鹹鹹地，我就唔算好鍾意，但可以接受。至於芝士焗青口，嘩﹗係我食過最好食既﹗一共6隻，我要咗4隻；換言之，平時見到青口都乸埋口面既女朋友，都食咗2隻﹗
焗鴨飯......表面三塊血紅色既葡國臘腸，再加上鋪滿芝士粉既飯.....入面仲啖啖鴨肉......臘腸好香.......個飯最上面嗰度焦焦地，配埋啲芝士粉，.好香，鴨肉淡淡地，夾埋飯一齊食，剛好可以中和一下。good~唯一要挑剔既.......係對大食既我而言.......份量唔夠﹗
至於忌廉焗馬介休.......呢道菜，真係可以話係我有生以來，食過最好食既嘢之一﹗馬介休原來唔係我地預期中既"鹹魚"味，夾埋忌廉一齊焗.......嗰種香濃既味道.......我女朋友唔鍾意食濃味食物，但都讚不絕口，係呢一餐最好食既一碟﹗推介﹗﹗﹗﹗﹗﹗﹗﹗
最後一道白雪金沙，整得都幾精緻，味道甜而不膩，口感香滑，值得一試。
而外值得一提係個服務。或者係因為得我地兩個人......老闆對我地非常熱情，攞相簿將佢地啲食物如數家珍地向我地介紹。同埋原本我地諗住叫埋個海鮮飯，但佢話我地兩個人好有機會食剩嘢，會嘥咗，所以勸我地唔好叫，真係好少見到啲咁有良心既商戶。
包埋貼士，埋單400蚊。
下次去澳門......要再食葡國菜，內港會係我既首選。
P.S. 環境真係幾靚，但如果可以响餐廳內播葡萄牙Fado音樂，會更加好﹗
Post