Video
Read full review
2019-09-12
5928 views
_話說我幾鐘意食韓燒，平時經過好多次，今次係第一次去，點好餐後，店員會準備所有小菜同醬汁，最重點既一樣野係小菜任食，對小菜狂熱者黎講真係福音，食肉配埋菜先解到膩。呢到好適合偶然想耍廢既人用餐🤣，是因店員會由頭幫你燒到尾，你只需要靜靜的坐係到等食。.✅ 弘大2套餐 ($400)帶子、烤牛肉、牛舌、紫菜卷飯、炒年糕凍檸茶 ($23)米水 ($23).烤帶子易咬彈牙，鮮味一般。牛舌係最重牛香，咬落口感岩岩好，牛肉係肥牛部分，烤到香口，店員烤到差不多熟時，會用紙巾抹一抹油，配埋大量生菜同小菜，感覺健康左。.熟食部分，紫菜卷飯同平時一樣，用料亦夠，有美乃滋配埋。炒年糕一拉起芝士拉絲就治癒🤤🤤，年糕魚糕同蔬菜類，唔會話太辣，可能因為有芝士平衡下，食到尾幾膩，真心要食多幾條菜中和番。.飲品方面，個人建議揀咩都好，唔好選米水呢類咁細罐，雖則好好飲，但一罐超市只買5蚊，心理突然有啲唔平衡😅，加上一罐捱唔到成餐飯。.（附送：甜品一份）刨冰底似酸奶feel，面上灑滿左黃豆粉，鋪左椰果、麻糬同紅豆，淋一大堆煉奶，燒完烤就係需要一個咁既冰品，可以👌🏻！_⭐️需加一服務費
話說我幾鐘意食韓燒，平時經過好多次，今次係第一次去，點好餐後，店員會準備所有小菜同醬汁，最重點既一樣野係小菜任食，對小菜狂熱者黎講真係福音，食肉配埋菜先解到膩。呢到好適合偶然想耍廢既人用餐🤣，是因店員會由頭幫你燒到尾，你只需要靜靜的坐係到等食。
.
✅ 弘大2套餐 ($400)
帶子、烤牛肉、牛舌、紫菜卷飯、炒年糕
凍檸茶 ($23)
米水 ($23)
.
烤帶子易咬彈牙，鮮味一般。牛舌係最重牛香，咬落口感岩岩好，牛肉係肥牛部分，烤到香口，店員烤到差不多熟時，會用紙巾抹一抹油，配埋大量生菜同小菜，感覺健康左。
.
熟食部分，紫菜卷飯同平時一樣，用料亦夠，有美乃滋配埋。
炒年糕一拉起芝士拉絲就治癒🤤🤤，年糕魚糕同蔬菜類，唔會話太辣，可能因為有芝士平衡下，食到尾幾膩，真心要食多幾條菜中和番。
.
飲品方面，個人建議揀咩都好，唔好選米水呢類咁細罐，雖則好好飲，但一罐超市只買5蚊，心理突然有啲唔平衡😅，加上一罐捱唔到成餐飯。
.
（附送：甜品一份）
刨冰底似酸奶feel，面上灑滿左黃豆粉，鋪左椰果、麻糬同紅豆，淋一大堆煉奶，燒完烤就係需要一個咁既冰品，可以👌🏻！
_
⭐️需加一服務費
Post
