水上宮美食

Open Now

Now Closed

今日一行10人黎到澳門行下，晚餐黎到漁人碼頭內嘅水上宮。外出環境優美，對住靚景食飯心情都好好坐露天環境好舒服，陣陣海風吹來，食欲大增餐牌圖文並茂，夠吸引，食物上枱同相片都有9成相似1. 紅酒逼牛尾($98)，牛尾啖啖肉，食落真係肉軟鬆潤2. 豬仔包($12)，外皮脆，佢主要作用係點牛尾汁同咖喱蟹汁，超正3. 咖喱蟹($388)，蟹夠新鮮，肉質鮮甜，咖喱夠香，配豬仔包一流4. 西洋焗鱸魚($198)，原條焗，熱辣辣上枱，香味同鮮味十足。5. 海南雞($250)，雞肉嫩滑有彈性，雞味香濃皮又爽6. 炒什菜($78)7. 三文魚蟹籽炒飯($78)，飯炒得乾身，粒粒分明8. 雙皮奶，焦糖布甸(免費)，贈送嘅甜品亦有水準，為美味嘅晚餐劃上完美句號。