奧旋自助餐 (Under Renovation)

今天過澳門準備明天跑馬拉松，於是book 左今日自助午餐於奧旋，現在下載微信優惠券可以二人同行，第二位半價，埋單2位 $388，都算抵食。食物方面，海鮮有凍蝦，青口，龍蝦仔，蜆仔，翡翠螺，但d螺有沙。刺身就試左吞拿魚及三文魚，師傅厚切，口感不錯。燒味油雞及燒鴨，選擇不多，熱盤燒雞扒不太新鮮，入口有點莓莓地，生炒牛肉飯好乾，葡腸又鹹又凍，四季豆炒豬頸肉好 juicy 好味，白酒青口，好香好入味，即燒沙爹雞串，好惹味，肉質鬆軟好好味，火腿、三文魚薄餅，熱熱的，餅底脆，細細件，好。冷盤有凍茄子，煙三文魚，八瓜魚沙律，cold cut，芝士碟，冇乜特別。燒沙甸魚，吾夠味。點心蝦餃皮好厚，燒買肉質有點不新鮮，奶皇包入面d奶皇一舊舊，义燒包包皮鬆軟好味，珍珠雞入面d料同d汁調味調得剛剛好，吾錯。即灼了一碗菜及幼面，湯頭味道不錯。燒肉眼扒，燒得生熟剛好，不下汁醬食也不俗，燒雞攞左隻雞肶就吾熟。甜點好一般，選擇也吾多，朱古力心太軟好硬，付竹白果糖水，好似水加糖，冇味，蘋果酥皮，外型美觀但入口淋曬，砵仔糕，其實系馬豆糕，神奇，木糠布甸，吾夠味，普通，葡撻細細個，微溫撻皮鬆化，連食3個，瑞士卷，旦糕食得出