Video
Read full review
2009-02-04
436 views
呢篇已經係積壓咗好耐嘅稿件，宜家先有時間寫番。話說當日天氣有點秋意，我一個人食晏，心諗就嚟出糧，不如食好少少。行吓行吓，都唔係好知自己行咗去邊度，响一條斜路旁邊出現一間黃色嘅餐廳，原本呢間舖頭係賣巴西菜嘅。筆者未食過巴西菜，但又知道巴西盛產食用牛，於是乎就行咗入去試吓。舖頭唔大，地下放咗三張檯，閣樓放咗幾多就唔係咁清楚，不過多極有限。我見到餐牌上做緊午餐特價套餐，而且仲係燒牛肉，於是就叫咗一客試吓。先嚟一碗濃湯。外國人飲濃湯好普遍，同中國人鍾意飲清湯唔同。呢碗濃湯係用牛肉同埋薯仔、少少蒜頭去肴嘅，味道充滿咗濃烈嘅牛肉味，係一個唔錯嘅濃湯。麵包暖烘烘，用牛油一搽即溶，有麵包香味之餘仲有牛油味，啱晒我嘅「河車」。主菜冇幾耐就奉上。燒牛扒好多肉汁，牛肉嘅特別味道好容易就可以感受到。飯加入小量蒜頭爆香，配合牛肉嘅獨特味道，相得益璋；可惜伴菜絲係苦嘅，有少少破壞咗成碟飯。食緊嘅時候，侍應無厘頭拎咗一細碗醬汁，但係有一大舊豬肉，配上黑豆去肴，齋食都幾好味，不過用嚟點牛扒就有啲怪怪地。 埋單一啲都唔貴，只係三十八蚊。我係度諗呢間餐廳細細地，最啱包場開私人派對，一面同一大班朋友一齊玩，另一方面可以享
舖頭唔大，地下放咗三張檯，閣樓放咗幾多就唔係咁清楚，不過多極有限。我見到餐牌上做緊午餐特價套餐，而且仲係燒牛肉，於是就叫咗一客試吓。先嚟一碗濃湯。外國人飲濃湯好普遍，同中國人鍾意飲清湯唔同。呢碗濃湯係用牛肉同埋薯仔、少少蒜頭去肴嘅，味道充滿咗濃烈嘅牛肉味，係一個唔錯嘅濃湯。麵包暖烘烘，用牛油一搽即溶，有麵包香味之餘仲有牛油味，啱晒我嘅「河車」。主菜冇幾耐就奉上。燒牛扒好多肉汁，牛肉嘅特別味道好容易就可以感受到。飯加入小量蒜頭爆香，配合牛肉嘅獨特味道，相得益璋；可惜伴菜絲係苦嘅，有少少破壞咗成碟飯。食緊嘅時候，侍應無厘頭拎咗一細碗醬汁，但係有一大舊豬肉，配上黑豆去肴，齋食都幾好味，不過用嚟點牛扒就有啲怪怪地。
埋單一啲都唔貴，只係三十八蚊。我係度諗呢間餐廳細細地，最啱包場開私人派對，一面同一大班朋友一齊玩，另一方面可以享用巴西牛肉，實是一個不錯嘅構想。
Post
