Video
Read full review
2009-11-02
277 views
9月5日, 我們的8週年快樂!終於都黎到我地正式慶祝8週年大餐, 當然唔可以馬虎! 黎得澳門, 一定要食番餐正宗葡國菜啦, 幾間出名嘅葡國餐館都係喺媽閣廟附近, 我地就揀咗呢間, 因為D環境好似靚d~ ::: 餐前麵包 :::一人一個, 有手心咁大, 表面又有少少脆, 搽埋牛油又香又鬆軟~ 作為開胃小食十分滿足~::: 焗蟹蓋 (2個) ::: $160呀菲十分想食~ 賣相十分精緻,係釀蟹蓋上面加2粒橄欖, 做到好似一隻蟹咁, cute爆!加埋d配菜, 真係有d唔捨得食~ 真係齋望都覺得叫呢個係冇錯~ 俾足200分! 用小匙羹吃一口, 香脆, 熱辣, 新鮮蟹肉味, 全混在口裏, 味道十分豐富! 最滿足嘅係啖啖純蟹肉, 無乜點溝其他野去做, 又唔會炸得太油膩, 混咗d白汁又好好帶出蟹肉嘅味道! 不愧為葡國出名菜~ 唔大食嘅人食完其實都應該飽咗一半~ ***超級推介***::: 燒牛肋骨 ::: $128叫嘅時候以為係好似嗰d西式餐廳嘅燒豬肋骨咁, 點知原來係用中式牛仔骨嘅切法, 上枱嗰陣有d心驚, 以為好普通. 好在食落唔差, 係高級肉地嘅牛仔骨, 半肥瘦得剛好, 大慨5-6成熟, 外面
終於都黎到我地正式慶祝8週年大餐, 當然唔可以馬虎! 黎得澳門, 一定要食番餐正宗葡國菜啦, 幾間出名嘅葡國餐館都係喺媽閣廟附近, 我地就揀咗呢間, 因為D環境好似靚d~
::: 餐前麵包 :::
一人一個, 有手心咁大, 表面又有少少脆, 搽埋牛油又香又鬆軟~ 作為開胃小食十分滿足~
::: 焗蟹蓋 (2個) ::: $160
呀菲十分想食~ 賣相十分精緻,係釀蟹蓋上面加2粒橄欖, 做到好似一隻蟹咁, cute爆!加埋d配菜, 真係有d唔捨得食~ 真係齋望都覺得叫呢個係冇錯~ 俾足200分! 用小匙羹吃一口, 香脆, 熱辣, 新鮮蟹肉味, 全混在口裏, 味道十分豐富! 最滿足嘅係啖啖純蟹肉, 無乜點溝其他野去做, 又唔會炸得太油膩, 混咗d白汁又好好帶出蟹肉嘅味道! 不愧為葡國出名菜~ 唔大食嘅人食完其實都應該飽咗一半~ ***超級推介***
::: 燒牛肋骨 ::: $128
叫嘅時候以為係好似嗰d西式餐廳嘅燒豬肋骨咁, 點知原來係用中式牛仔骨嘅切法, 上枱嗰陣有d心驚, 以為好普通. 好在食落唔差, 係高級肉地嘅牛仔骨, 半肥瘦得剛好, 大慨5-6成熟, 外面熟得黎好香, 而內裏生得黎又肉味夠, 一d都唔韌~ 而且咬落勁牛脂味超濃郁, 真係鋸扒都無試過咁濃牛味嘅牛仔骨!!
::: 葡式焗鴨飯 ::: $148
呢個反而冇想像中咁好, 飯偏乾, 飯焗到起焦係好, 不過中間嘅飯都有一種乾硬感, 可能係佢葡國嘅特色啦… 鴨肉同葡國腸都過鹹, 除咗面頭幾塊看上幾肥, 裏面撈咗喺飯嘅鴨肉都偏瘦. 整體個感覺乾爭爭. 同埋其實個飯都幾油… 不過作為葡國特色菜, 叫做試過就算…
::: 木糠布甸 :::
意外地我地坐嘅船公司可以換一杯紅酒或木糠布甸, 咁我地就要咗木糠布甸啦~ 細細杯味道都唔錯, 質地比較creamy, 雲呢拿味濃d~
其實呢餐已經十分滿足, 起碼食到d好特別嘅菜式, 尤其是焗蟹蓋! 服務十分周到, 環境衛生都好好~ 看到很多外國人黎食, 不枉我地揀咗呢到黎慶祝我地嘅8週年!~
Post
