車品品小食 (已結業)

朋友就快要去一年英國, 今日0黎同佢「最後的午餐」=P 我叫了個小辣咖喱豬大腸+ 魷魚鬚烏冬(圖上) 自己食, 再同朋友share 個魯肉餃(圖下).豬大腸洗得好乾淨, 幾夠肥, 有少少羶羶0地好好食; 魷魚係土魷, 夠腍, 唔錯; 烏冬有咬口; 咖喱汁幾惹味, 不過對我呢個唔食得辣0野0既人0黎講, 「小辣」已經好辣, 結果都係愈食愈頂唔住, 飲晒杯秋梨茶(老闆娘話係自己煲的, 味道唔錯唔會太甜, 飲得出心機, 諗起細個屋企整的燉雪梨水!) 之餘仲要加杯金牛(ie cream soda + 0云呢拿雪糕) 解辣. 金牛係我最鍾意的飲品之一, 諗起細個成日飲的忌廉溝鮮奶! 味道唔算特別, 不過真係要提0下呢間鋪頭對細節0既處理有幾細心... serve 時係一支支裝玉泉忌廉+ 一個裝了雪糕的杯, 隻杯係超凍的, 無放任何冰, 應該係放了0係雪櫃一段時間, 令雪糕0係room temperature 無咁快溶. 認真細心!魯肉餃依然好食, 皮薄餡靚, 蝦籽亦好香. 推介!朋友叫0個碗車仔麵好多餸 (芝士腸, 鹵水蛋, 仲有唔記0左乜0野), 其中包括蘿白, 又係我0黎呢度一定會食