影片
更多
2007-10-18
21 瀏覽
睇佐阿蘇O既介紹, 兩日前終於有機會同埋女朋友去老年咁遠O既中環新鋪試下呢度O既奶茶同埋比較出名O既野食. 講下食佐O的咩先~ 1. 凍奶茶2. 熱奶茶3. 西多士4. 雞扒撈丁5. 豬扒包6. 牛脷包7. 凍咸檸七(叫佐for to go) 2 個人冇食LUNCH, 走佐去呢度食TEA, 份量剛剛好, 8成幾飽. 熱奶茶一流~ so far 係我飲過最好飲O既好奶茶. 茶味好濃, O的奶又滑. 非常好O既一杯奶茶.凍O既就有阿蘇介紹O既奶茶冰. 不過得個2粒咁大把. 唔係好夠皮. 聽閒O個度成日都會冇晒。不過幾得意. 西多O既芥央唔夠多, 唔係太甜. 我覺得幾好. 不過女朋友話多O的芥央會好食O的喎~ 雞扒撈丁勝在夠original~ 因為聽講佢地係原創~ O的雞扒幾香~撈丁都幾好食~ 最好食O既就係個汁~ 豬扒包OKAY~ 不過豬扒唔係好夠大塊~ 有O的唔係咁抵.牛脷包幾SPECIAL ~反而unexpectedly good ! 幾香口.走O既時候叫佐杯咸檸七to go, 成粒咸檸俾你, 同其他茶餐廳唔同~ 其他就得個半粒OR 1/4 粒... 仲有, 7up 都係成罐上, 飲到
講下食佐O的咩先~
1. 凍奶茶
2. 熱奶茶
3. 西多士
4. 雞扒撈丁
5. 豬扒包
6. 牛脷包
7. 凍咸檸七(叫佐for to go)
2 個人冇食LUNCH, 走佐去呢度食TEA, 份量剛剛好, 8成幾飽. 熱奶茶一流~ so far 係我飲過最好飲O既好奶茶. 茶味好濃, O的奶又滑. 非常好O既一杯奶茶.
凍O既就有阿蘇介紹O既奶茶冰. 不過得個2粒咁大把. 唔係好夠皮. 聽閒O個度成日都會冇晒。不過幾得意.
西多O既芥央唔夠多, 唔係太甜. 我覺得幾好. 不過女朋友話多O的芥央會好食O的喎~
雞扒撈丁勝在夠original~ 因為聽講佢地係原創~ O的雞扒幾香~撈丁都幾好食~ 最好食O既就係個汁~
豬扒包OKAY~ 不過豬扒唔係好夠大塊~ 有O的唔係咁抵.
牛脷包幾SPECIAL ~反而unexpectedly good ! 幾香口.
走O既時候叫佐杯咸檸七to go, 成粒咸檸俾你, 同其他茶餐廳唔同~ 其他就得個半粒OR 1/4 粒... 仲有, 7up 都係成罐上, 飲到中環地鐵入閘後都仲有~ 爽~
有好多人都係呢度講佢地O既customer service 唔係咁好, 不過我就覺得唔係啦~ 我地同佢地講唔該, 人地o的waiter and waitress 都笑笑口咁話唔使~
個牛脷包送錯去隔離, Sorry 前, 又Sorry 後~ 我就覺得比好多餐好好多啦~ 計我話,唔知係唔係個食客本身對人地冇禮貌, 所以人地先冇咁客氣對返你呢? anyway, 我自己就覺得呢度幾好啦~ 果度個女待應仲見我地唔識搞個咸檸檬, 仲走過黎幫我地篤個咸檸檬添~ 好唔好service, 見仁見智啦~
2 個人食佐咁多野, 又3杯野飲, 一百一十蚊有找. 去邊度搵~ 最仲要係我地2個食得開心~
張貼