影片
電話號碼
29824838
開飯介紹
一間可邊看書，邊上網，邊進食的特色餐廳。食物以天然有機蔬菜為主，適合素食者，而且環境寧靜，是一個消磨時間的好地方。有室內及室外坐位以供選擇。
繼續閱讀
特色
飲o野傾計
營業時間
今日營業
全日休息
星期一至二
11:00 - 19:00
星期三
全日休息
星期四至日
11:00 - 19:00
以上資料只供參考, 請與餐廳確認詳情
食家推介
招牌菜
相關文章
🔸香蒜白酒蜆意粉 Pasta Vongole $115呢個意粉真係好有驚喜，鍾意食蒜嘅會覺得好幸福，啲蜆嘅份量仲要好多🔸香濃蝦汁海蝦意粉 Shrimp Pasta $130*相較*呢個比較失色，必須要強調只係相較，其實單睇呢個item都係好好的haha，但我一方面見佢話「濃汁」，而家實際上碟意粉上枱嘅色澤真係好靚，所以我一心以為係超入味嗰種，但結果香蒜蜆意粉搶咗風頭XD 同樣地雖然佢收你$130，但份量十份，好多喺市區嘅cafe，同價/甚至貴過佢嘅都冇俾咁多海蝦🔸蜜糖烤排骨配薯條 Roasted Pork Rib with fries $110排骨烤得恰到好處，唔會好乾好柴，啲肉唔會痴實舊骨，好易咬開，蜜糖醬味道亦都夾得好好，鹹鹹甜甜lamlam脷。配菜薯條相信係即炸，所以全部都又熱又脆身▫️Signature Drinks 蘋果 甘荀 薑 $45相信係鮮榨，因為只有咁先會喺上枱嘅時候有咁多泡。加咗薑呢個element令飲品更加有層次，唔係一味甜▫️Signature Drinks 青瓜 雪梨 $45夏日炎炎，呢杯冇得輸，味道就係你想象嘅清爽、清甜，一如意料之內，同樣地相信係鮮榨，所以唔係死甜📌成餐飯如果要評，唯一係節奏，一方面可能因為大家入得去就係想chill吓想放慢落嚟，二來店入面人手唔係咁多，所以上菜速度頗慢，item之間亦隔得有啲耐。如果喺趕船期/ 比較肚餓想好快補充能量嘅可能會扣啲分，不過我覺得係worth the wait^^
繼續閱讀
訂錯索罟灣民宿，應該住榕樹灣較方便。每次都要搭出中環再搭回榕樹灣巿集，幸好60分鐘內完成。未肚餓食晚餐，走入迷宮一樣的橫街窄巷尋幽探秘。不經不覺廿十幾年無踏足南丫島，見住宅、小店、食肆都比當年為多，而環境壓迫感大了。逛到疲倦口渴體溫飈升，見有間茶座即衝入去歇歇。非常自助沒職員招呼，自己搵好位便走到櫃面落單比錢，再等候取餐。因為差不多要到目標餐廳 BB 海景餐廳晚膳，依家要忍忍口只點飲品吧！內籠裝潢家庭簡約式，算得上舒服，不過冷氣不太夠凍呢！青瓜雪梨汁，天氣酷氣要點清新不太甜不太膩的，依杯都係揀得非常恰當！青瓜味鮮而突出，搭著雪梨天然的甜，鮮撞甜不用添加糖水，狠狠大大啖吸啜，即時透心涼打通任督二脈！凍朱古力咖啡，奶泡實在過多，我要朱古力咖啡而不是泡沫咖啡啊！因為飲凍，冰會使味道變淡，所以奶味出而朱古力及咖啡味十分薄弱，平庸沒特別，解解渴可以的。
繼續閱讀
星期六同朋友去南丫島散心。 見依間餐廳環境唔錯，同幾多人幫襯就入去去試試。餐廳採用自助形式，客人首先掃QR code睇餐牌選擇，再到counter落單比錢，然後可以喺隔離攞餐具同斟水。餐廳不設加一服務費。❇️香濃蝦汁海蝦意粉成碟意粉一上枱已經好吸引，蝦都幾多同幾大隻，無雪味亦都唔霉！而且佢個蝦汁令到成碟意粉都充滿著蝦嘅味道。意粉質地幾好，唔會話好淋，而且份量都算多，我哋每人都分到兩碟。❇️蜜糖烤排骨配薯條排骨肉質好腍，容易分開食。有蜜糖味。薯條只係一般般，口感偏軟及粉身。總結：食物質素很好，環境適合兩個女仔傾吓偈。
繼續閱讀
餐廳空間雖小，但環境舒服放鬆，讓人遠離都市煩囂。之前疫情期間，幾次經過這家餐廳門口都大排長龍，把我嚇退。這次終於有機會嘗一嘗啦！食評：1. 香濃蝦汁海蝦意粉（必推主食‼️）新鮮彈牙的蝦，再加上意粉的蝦汁是用了蝦頭、蝦殼、蝦粉等熬制而成，蝦汁香而濃稠，非常掛面。2. 香蒜白酒蜆意粉意面偏乾身不油膩，吃之前建議要撈一下底下的蒜，香味便撲鼻而來了，味道很不錯～3. 蜜糖烤排骨配薯條店家自家醃料特製烤豬肋骨，烤的剛好，醃制入味，好正～不過我還真沒吃出蜜糖味，起初以為蜜糖烤會讓排骨表面帶點焦脆，裡面鎖住肉汁。結果沒有，略扣些分吧🤏4. 芒果芝士蛋糕 （必食甜品‼️）用了酸奶芝士，中間芒果鮮肉，蛋糕表面淋上香濃芒果醬，色彩鮮艷，味道酸酸甜甜，沒有一般芝士蛋糕的厚重感，清新解膩。好評不斷絕對是有道理的😋👍整體而言，餐廳菜品不多，但食物質素有保證。可謂用料講究、用心製作👍我看店家自己在廚房做菜，由於人手有限，製作需時，請大家注意耐心等待😌慢慢等～體驗離島慢生活～
繼續閱讀
來到南丫島點可以唔去下CAFE到CHILL下先，我同友人行左陣就入左依間南島書蟲，餐廳偏海洋渡假FEEL，以半自助形式，需要自己拿餐具，而且要先付款後取餐，沒有食用時間限制。蜜糖烤排骨配薯條(HK$95):排骨整塊上，肉嫩香口多汁，好易咬開，好方便，而且排骨下面薯條好香脆，超級好味，超級推介。脆皮炸雞翼(HK$70):一碟有6雙雞翼，皮脆肉嫩，味道唔錯。香蒜白酒蜆意粉(HK$98):白酒味道唔算濃，可以帶返蜆味，意粉質感剛剛好，完成唔會乾身。每碟份量都好足，三五知己一齊分享就剛剛好，而家價錢合理，不過清潔度略為稍遜色，餐廳環境有特色，還可以打卡，下次去南丫島會再次光顧，會想試下食其他菜色。
繼續閱讀
您可能會有興趣的...