呢個世界有啲食物反應好兩極，例如榴槤，又或者呢篇文章嘅主角芫荽咁，愛嘅會一直追捧，討厭嘅會立刻避之則吉。以下介紹一間即將於8月27號喺日本新宿開張嘅芫荽主題食堂，無論你要立刻飛去試，定搵埋你身邊最憎芫荽嘅朋友一齊去以毒攻毒都係必睇！

到底討厭芫荽有無得以毒攻毒呢？之前開飯仔Share過東京中野區一間泰國餐廳嘅招牌菜芫荽鍋，就有人留言話「越驚嘅野越要去克服」啦。

雖然呢間芫荽主題食堂無芫荽鍋，但就有大大份芫荽沙律，名副其實真係一大碟真·生芫荽配醬料。

覺得芫荽沙律太單調嘅話，仲有芫荽薯仔沙律。有嘢食當然亦有嘢飲，芫荽Lassi同芫荽Highball你點揀？

除咗芫荽菜式之外，食堂亦有賣泰國美食，例如青辣椒泡菜同冬蔭功湯，冬蔭功湯上面有芫荽是常識吧！

其實就咁睇呢張美食集合相，唔計個芫荽沙律，其他大部分都係正常泰式料理。如果唔鐘意芫荽嘅朋友仔真係唔小心去到嘅話，寫定句「不要香菜」應該就無問題嘅......應該係，除非唔係。

Pak-chee Village (パクチー ビレッジ)
地址：東京新宿區新宿3-20-6 FSビル8F

資料來源：＠Press