【虎年開飯】龍精「釜」猛好意頭！ 5間特色釜飯推介

釜飯係日本一種傳統鍋飯，將白米、湯同食材放入鍋中慢煮，再蓋上木蓋，感覺有啲似香港嘅煲仔飯～加上日本早期係用大鍋烹調釜飯嘅，亦因此帶有「同吃一鍋飯」嘅寓意。咁「虎」年開「飯」，就梗係食「釜飯」啦，然後再*「墊住大阪的聲音，當去鬼咗旅行」啦 ^.^

風味居酒屋南瀛水產 

鍾意海鮮嘅，可以試下呢個松葉蟹海膽釜飯，一打開就會見到份量十足嘅海膽、蟹肉同蝦米等食材，為咗保持鮮味，只係加少少調味料調味。一入口先食到微微嘅飯焦香，加上濃郁嘅海膽同松葉蟹鮮甜，鮮上加鮮。

圖: Mr.Baguette、irisss_foodie

訂座優惠：正價7折單點餐牌 (按此)

日本傳統釜飯岩鹽日本料理

主打日本傳統釜飯嘅日本餐廳，特意從日本訂造釜飯機，可以同時煮到10份釜飯，同時更有助控制同穩定火候。選用日本秋田米，煙韌有飯香。釜飯選擇都好多元化，如海膽三文魚釜飯、燒鵝肝牛小排釜飯同銀鱈魚釜飯等，不過最推介係廣島蠔釜飯，廣島蠔嘅鮮味滲晒入每一粒飯，所以每食一啖都好香蠔味呀～

圖: Voracious

抵食釜飯專門店 釜之魂釜飯專門店

佔地近二千呎，裝修以簡約和風為主嘅釜飯專門店。供應多款唔同配料嘅釜飯，蒸鍋為真空加熱，加上球形鍋底令飯粒受熱均勻，粒粒分明。最推介當然係招牌金魂蒲燒釜飯，選用鰻魚中間最寬最厚嘅部分，啖啖肉香甜惹味，兩食嘅話可以喺食到差唔多嘅時候，倒入鰹魚高湯然後冚木蓋，焗兩分鐘再搭配自己鍾意嘅配料，焦香嘅飯焦同清甜嘅高湯非常夾！另外仲有汁燒牛肉釜同五花豚肉釜都幾出色～最抵係餐廳性價比幾高，招牌金魂蒲燒釜飯午市同下午茶都唔使一百蚊啊！

圖: caloriefoodie