喂，冇呀！之前咪話日本出咗隻士多啤梨蛋糕味嘅撈麵嘅？原來靜靜雞咁過咗嚟香港喇！開飯仔有日行街喺間日系零食舖度見到佢嘅真身呀！梗係即刻買盒嚟試啦~ 大無畏！
同平時食開嘅撈麵一樣，裡面有兩包醬同一包乾料，倒出嚟就知一包係豉油、一包係雲呢嗱醬（呢包堅係大陣味呀！聞到係有啲淆嘅老老實實）。乾料就有士多啤梨乾、棉花糖同朱古力條！！！好緊張呀，究竟撈埋一齊係咩味嘅呢？？？
答案係……
冇乜味！
啲豉油得好少，基本上係唔夠撈勻成盒麵，然後包雲呢嗱醬，聞呢就好勁嘞，食落呢就弱少少喇，但都食得到些微酸酸甜甜嘅，另外嗰啲士多啤梨乾之類，細粒到撈完都唔知去咗邊，但如果咁好彩食中嗰啖呢，咪有啲啲味覺衝擊咁囉。
嗯，結論係有啲失望嘅，expect真係士多啤梨蛋糕咁嘅味㗎嘛。Anyway，開飯仔係食晒，清盒嘅。
詳情
發現地點：松坂庫
售價：$15
文、相：Kar
其他飲食潮流：
3、4月去海洋公園……飲酒？ 新推夜間美酒佳餚薈
全球第一間 Hello Kitty主題超巿空降西環 率先睇有咩賣
傳統餅店推限時優惠 5毫子個老婆餅！
隨時接收最新資訊
讚好OpenRice專頁！