話咁快又就嚟聖誕節啦！講到聖誕節就梗係同朋友外出用餐嘅日子啦，OpenRice Pay今期同多間餐廳合作推出聖誕優惠，無論西餐、日本菜、西班牙菜、泰國菜同韓國菜都應有盡有，以OpenRice Pay堂食結賬單一消費滿$500，輸入優惠碼【XMAS50】即減$50！快啲約埋親朋戚友一齊共渡佳節啦！名額1000個，先到先得，快啲去搶呀。另外，只需於12月內以OpenRice Pay完成3個交易，及淨消費滿＄1,000或以上，額外再賞你$50開飯賞，實行折上折！

人氣自助餐 8度餐廳   

一眾大胃王想食聖誕大餐，去食自助餐就至啱喇！呢間餐廳於多個時段都會供應自助餐，生蠔、煎鵝肝及芒果拿破崙係必試之選。另外皇牌芒果下午茶都好受歡迎，選用菲律賓優質呂宋芒，製作鹹甜美點包括芒果芝士餅、芒果糯米糍、香煎黑椒吞拿魚沙律伴芒果汁、脆香雞翼、黑松露芝士焗薯餅等，當然唔少得招牌芒果拿破崙，芒果控必試。

西班牙Tapas及伊比利亞火腿專門店 Reserva Iberica   

伊比利亞火腿專門店開嘅Tapas Bar及咖啡店，全日供應西班牙Tapas、高質橡果餵飼伊比利亞火腿及House Blend阿拉比卡咖啡。必試有伊比利亞火腿拼盤配西班牙番茄多士，鹹香嘅伊比利亞火腿配上清新番茄多士好夾，食多兩件都無問題。西班牙凍湯都值得一試，香濃杰身，鹹度啱啱好。最後梗係要食埋甜品西班牙油炸鬼，香甜熱辣辣，為一餐畫上完美句號。

圖: Kanaheipp

高質日式串燒 緻   

去唔到日本串燒店食串燒？相信將軍澳呢間日式居酒屋可以帶畀你一樣嘅感覺。裝修以木系為主，仲有榻榻米嘅座位，真係好有日式風味。餐廳主打串燒及小食，招牌牛小排串，選用牛肋骨位置，油花均勻，入口軟腍，簡單只灑上蔥花無多餘調味，更能突顯牛味。加拿大豬拖羅都係必食，食落竟然有種食拖羅嘅感覺，重油香但唔肥膩。另外仲有日式炸鮮奶及油甘魚鮫都係人氣菜單。

泰國流水蝦放題 泰.夯蝦   

唔止可以體驗日本食飯嘅感覺，泰國都得！唔少人去泰國時都會試過流水蝦放題，原來香港而家好多區都有得食啦～餐廳設有20米長蝦缸，可以即夾即燒，隻隻都好生猛，燒完後肉質彈牙又香口，如果鍾意食蝦嘅朋友一定要去。另外仲有多款海鮮如元貝、生蠔、青口等及牛肉如牛板腱、一口牛、牛翼板等都係任食，一定可以食返夠本。

圖: ShuHangYiu

韓國1++高級韓牛 韓牛牧場   

喺香港食韓燒都好多選擇，但主打韓國1++高級韓牛嘅餐廳就唔多啦。1++韓牛比起普通韓牛牛肉味更突出，而且肉質再軟腍啲。除咗燒肉仲會用1++韓牛製作唔同菜式，包括1++韓牛他他丼，麻油味好香濃又無蓋過肉味，有驚喜。火炙1++韓牛爆丼王一碗有齊有肉眼、肋骨眼、肩胛及免治牛肉，啱晒咁多位牛魔王。

更多OpenRice Pay聖誕聚餐之選：（按此查閱）