愛美的姊妹們實識得美國化妝品牌Benefit，今次聯乘帝京酒店獅子樓推出「紅粉佳人下午茶」，三層透明架放滿色彩繽紛的「化妝甜品」，充滿春日甜蜜氣息！三層架有紅桑子玫瑰蛋糕、草莓3.6牛奶布甸及迷你龍蝦卷等13款甜品及鹹點，種類豐富唔怕食唔飽。

第一層有提子鬆餅、軟心牛奶朱古力蛋糕、草莓甜甜圈及迷你蟹肉牛油果薄餅，眉盒造型好神似！

第二層最靚，西柚雲尼拿香草撻以GALifornia陽光女孩蜜粉胭脂造型示人，其實係西柚啫喱加大溪地雲尼拿籽製成的慕絲甜品，五六月仲會轉造型。唇膏曲奇都好吸引，放上IG一定好多like！

第三層係鹹點為主，有脆炸水牛城雞件、美式迷你龍蝦卷、香辣牛肉野菌卷芝士、焗煙三文魚伴甜粟批同燴海鮮釀迷你香草包。

另每人包一杯玫瑰味特飲，Rose Latte拿鐵咖啡結合玫瑰花糖漿，加咗石榴糖漿打出粉紅色奶泡，而Apple Eye則由蘋果汁、玫瑰花糖漿及梳打水製成。

兩位幫襯仲送美妝套裝一份及優惠劵兩張，價值超過$229，抵返晒！4月開始供應，快快約埋閨蜜一齊去食啦。

獅子樓 紅粉佳人下午茶
地址：九龍太子道西193號帝京酒店3樓
訂座電話：2622 6167
供應日期：2017年 4 月 1 日至 6 月 30 日 3:00pm- 6:00pm
價錢：$508/兩位 ，$270/一位（設加一服務費）

文：Perrins