食點心都可以好chill！山頂呢間環境雅致嘅粵式點心專門店，可以坐窗邊座位一邊曬太陽，一邊望住高空靚景嘆點心，而家用OpenRice預付訂座服務，包括10款足料點心嘅2人午市套餐有71折𠻹。

窗邊座位景致開揚

【2人粵式點心午市套餐】

[2位用][三至五] 雅致招牌粵式點心午市套餐[未連服務費]（按此預付訂座）
[2位用][六至日及假期] 雅致招牌粵式點心午市套餐[未連服務費]（按此預付訂座）

套餐包括大部分嘆茶必食之選，如大隻飽滿嘅晶瑩鮮蝦餃、潮州粉果、牛肉球、醬皇蒸鳳爪等，由鮮味到濃味款式都有。

晶瑩鮮蝦餃、潮州粉果嘅蝦肉餡料爽口彈牙

牛肉球大大粒，醬皇蒸鳳爪則微辣惹味

另外重有飽肚嘅珍珠雞，入口軟糯香噴噴；以及香口嘅安蝦咸水角、炸芝士長春卷同香煎蘿蔔糕。其中皮薄卜卜脆嘅長春卷亦加入蝦肉做餡料，口感層次更豐富。

炸芝士長春卷 、香煎蘿蔔糕大人小朋友都鍾意

食完香口嘅點心，飲啖湯清一清啦！平時係特點之一嘅金華火腿雞湯灌湯餃，都包括喺套餐之中，高湯以金華火腿、大量雞骨、雞腳同蔬菜熬煮，清甜鮮美。

金華火腿雞湯灌湯餃

收尾嘅甜品柚子果凍，柚子味突出，底層鋪滿一絲絲果肉，一啖入口有爆汁效果，酸甜又清爽。

柚子果凍以食用花作點綴

裝修走西式休閒風格，氣氛輕鬆寫意

點心廊   
地址: 山頂山頂道118號山頂廣場1樓101號舖