想食榴槤？梗係去馬來西亞榴槤園食最新鮮嘅榴槤

話說榴槤真係一樣非常矛盾嘅水果，中意佢嘅將佢捧成水果之王，大讚其味道同氣味，但有啲人就覺得榴槤異常難聞，見到都避軍三舍。不過喺馬來西亞，榴槤控肯定係多數，當地唔單止有各式各樣榴槤甜品，仲有一大片榴槤園。一個個榴槤掛喺樹上，鍾意就摘個落嚟，仲唔係食到最新鮮嘅榴槤？

Jimmy’s Durian Orchard

Photos by Jimmy’s Durian Orchard
Jimmy’s Durian Orchard位於文冬，係一個家族式經營嘅榴槤園。成個榴槤園有成300幾棵榴槤樹，而榴槤品種都幾多，如貓山王、甘榜榴蓮、D24和D101等。園主仲會教你點分榴槤品質同品種添！當然呢度唔止榴槤，還有其他當季水果，等你可以帶多啲唔同水果番去。

Karak Organic Farm

Photos by Karak Organic Farm
呢度嘅榴槤全部有機種植，冇添加任何化學品，夠哂健康。大熱天時行到攰攰吓，又可以試吓老闆特別推出嘅榴槤紅豆冰，消暑一流。

Malaysia Musang King Durian Orchard Farm

Photos by Malaysia Musang King Durian Orchard Farm
最出名嘅榴蓮品種就係貓山王，仲有好多港人平時較少接觸嘅水果，如红毛丹、山竹、白香果、黃梨等，只要俾咗入場費，園內嘅水果都係可以隨便試食。

Raub Durian Orchard

Photos by Raub Durian Orchard
擁有超過400棵榴槤樹，仲有其他水果如紅毛丹、山竹和椰子等。最特別係佢提供一站式服務，除咗食榴槤外，你仲可以去蜜蜂園參觀同釣魚，輕輕鬆鬆又塞滿一日嘅行程。

Bao Sheng Durian Farm

Photos by Bao Sheng Durian Farm
位於檳城嘅Durian Seng頗有名氣，唔少旅客都大讚佢嘅榴槤好食。榴槤園入面有幾棵榴槤樹都係超過40年，所食味道與眾不同！值得一提嘅係，園主提供兩日一夜嘅住宿配套，園子內有度假屋、泳池，環境優美，試諗吓喺大片樹林度生活，食著新鮮水果，聞著水果香，咪話有幾嘆！

Sim Koa Yen

Photos by Sim Koa Yen
Sim Koa Yen攞過馬來西亞榴槤冠軍，就知佢啲榴槤味道一流，而且都係有機種植，唔驚食啲化學物落肚。呢個園林依偎著水庫，睇水果之餘可以欣賞埋湖光山色。

隨時接收最新資訊
讚好OpenRice專頁！