中、日菜係受歡迎嘅主流菜系，有時唔知點揀好，不如用盡優惠，咁就可以慳返啲食多餐。而家透過OpenRice訂座預付，可以73折起嘆旺角米芝蓮級酒店中菜廳、貝類主題鐵板燒餐廳嘅精選秋季套餐，即睇邊款啱你口味啦～
明閣甄選四人套餐 [4位用] 73折 
可以自選菜式嘅明閣甄選四人套餐包括8道菜餚，當中以經典粵菜為主，重有餐廳招牌菜𠻹。
必配嘅招牌明閣八小碟包括經典嘅至尊蜜汁叉燒、酥脆嘅五香燒腩肉、酸甜嘅遠年陳皮柑桔牛𦟌等開胃小菜。另外小食則提供辣子雞絲或七味金磚豆腐，兩款都係惹味之選。
招牌明閣八小碟、七味金磚豆腐
湯品方面推介粵菜經典嘅花膠螺頭蜜瓜爵士湯！花膠、螺頭滋陰養顏，配上蜜瓜更加香甜清潤，啱晒而家秋燥時分飲用。
花膠螺頭蜜瓜爵士湯
小菜同主食則以高級肉類、海鮮或海味入饌。其中鮮胡椒東星斑球用爆炒洋蔥、鮮胡椒同羅勒提味，魚肉嫩滑鮮香；遠年陳皮和牛面頰則選用逾15年嘅陳皮、花椒、八角等燉煮，入口軟綿，肉味濃郁又帶啲和牛獨特嘅油脂香氣。另外濃湯鮮竹花膠絲浸時蔬、窩燒鮑魚粒瑤柱燴飯就啱鍾意清新口味嘅朋友。最後以清潤唔甜膩嘅楊枝甘露、遠年陳皮紅豆沙或蛋白杏仁茶收尾，夠晒豐富。
鮮胡椒東星斑球
遠年陳皮和牛面頰
明閣 （香港康得思酒店） 
地址：旺角上海街555號香港康得思酒店6樓
秋。廚師發辦晚市20品套餐 [2位用] 第二位半價
海鮮控出動喇～旺角一間以貝類食材為題嘅席前料理餐廳，以廚師發辦形式設計唔同套餐，而自家調配嘅醬汁可突出食材鮮味，令每道菜都與別不同。
秋。廚師發辦晚市20品套餐包括多款貝類菜式、壽司6貫等
「秋。廚師發辦晚市20品套餐」以時令貝類、北海道帶子、海膽、富山灣白蝦、松葉蟹等鮮味食材入饌。現時包括五色米通唐揚帶子、柑橘富山灣白蝦、鬼蝦刺身伴蝦油、清酒鮑魚、魔鬼魚臉頰等特色菜餚。
天婦羅小菜
菜式以煮、炸、燒等方式製作，讓你一餐品嚐唔同口味。師傅亦會因應食材轉換烹調方式，帶畀食客新鮮感。
時令貝類
清酒鮑魚、鬼蝦刺身伴蝦油
如果想Lunch食好啲，呢度亦有「川。廚師發辦午市19品套餐」。套餐包括刺身、壽司、燒物等，用料新鮮，其中富山灣白蝦刺身、紫蘇松葉蟹、有馬煮魚都鮮味十足。
套餐以時令食材入饌
貝‧料理
地址：旺角彌敦道575號Ladder Dundas19樓
