疫情下大家都食多咗外賣，但原來外賣都有酒店級體驗㗎！唯港薈係全港首間酒店推出「Drive-Thru免下車取餐服務」，只要先透過網上商店落單，再經指定 WhatsApp(結帳時顯示) 提供訂單號碼及車牌號碼；到達酒店前 WhatsApp 或致電通知酒店職員，屆時就有專員將餐點直送上車畀你，一享安心舒適又方便嘅餐飲體驗。

此外仲有外賣自取/外送服務，同樣經網上商店落單即可。外送地區涵蓋香港島、九龍、新界，無論住邊都可輕鬆食到正宗「星馬泰外賣盛饌」。

Drive-Thru 免下車取餐服務
地點：酒店正門(科學館道）
取餐時間：中午12時至晚上9時

外賣自取/外送服務
自取地點：二樓餐廳 The Market
取餐時間：中午12時至晚上9時
•*指定菜式需一日前預訂

「星馬泰外賣盛饌」新鮮食材及香料    夠地道惹味
唯港薈The Market 嘅自助餐一直好高人氣，特別係新加坡、馬來西亞及泰國菜更令人讚不絕口。疫情期間掛住佢哋嘅東南亞風味，新推嘅「星馬泰外賣盛饌」一定滿足到您。由馬來西亞及泰國主廚親自主理，全以當地傳統方法炮製，所有醬汁更係自家調配，風味正宗。就算疫下無得外遊，都可以安在家中或辦公室輕鬆上網預訂，以味蕾一解旅遊癮。

星馬風味系列
今次選用新鮮時令食材、地道香料入饌，30幾款醒胃惹味菜式，包括 新加坡白胡椒肉骨茶($128/1位、$408/4位)、馬來西亞藥膳肉骨茶($108/1位、$368/4位)、黑胡椒炒肉蟹等。

白胡椒肉骨茶一向係新加坡代表菜式，主廚特別選用馬來西亞砂拉越最優質白胡椒，加埋玉竹、當歸、黨參等香料煮製2小時，濃郁辛香；一字骨煮得肉嫩甘香，入口超鬆化，配埋豉油、蒜蓉同辣椒一齊食，香辣鮮甜兼備呀。

另一推介黑胡椒炒蟹，用辛辣白胡椒、香濃惹味黑胡椒及四川花椒炒香磨碎後，再加黑豉油、牛油及蒜頭同炒青蟹，啖啖蟹肉勁香口。

最後仲有班蘭千層蛋糕、班蘭戚風蛋糕，由酒店糕餅團隊親手製作，口感軟綿不膩，又有班蘭葉天然香氣。

榴槤控福音！多款馬來西亞頂級榴槤
唯港薈行政總廚何偉誠師傅(Danny Ho)，更特別推介多款馬來西亞頂級榴槤果肉(各200克)，包括貓山王、X0、紅蝦、黑刺等品種，同場加映 豪華榴槤果肉拼盤、榴槤班蘭卷 (半打/一打)、迷你D24 榴槤芝士撻 (半打/一打)。

泰式風味系列
泰式風味兼具酸、辣、鹹、甜，主廚拿手招牌菜式包括冬蔭功湯、泰式咖喱豬肉包，同埋近年香港大受歡迎嘅泰國特色傳統水上小吃—泰式牛肉船麵。湯底以豬骨、牛肉加入香茅、南薑等藥材熬足6小時，湯頭清香又有層次；配料則有生牛肉、越南扎肉、泰國直送馳名牛筋丸及豬筋丸等。

泰式牛肉船麵由泰國主廚Jack 師傳主理。

另一推介紅咖喱海鮮拼盤，有波士頓龍蝦、泰國空運大頭蝦、松葉蟹腳、青口及花蜆等，海鮮好足料，並以檳城咖喱拌炒，鮮甜惹味。

食泰菜，一定要食埋經典甜品芒果糯米飯先圓滿。黑糯米軟糯煙韌，伴上香甜多汁嘅芒果肉同鹹甜濃厚嘅椰奶食超正！

「星馬泰外賣盛饌」
推廣日期：由 2022年3月1日至另行通知
預訂時間：早上11時至晚上8時(最遲晚上9時前提取)
網上預訂：https://hotelicon.zeek.store/?lang=zh-HK
了解更多：https://www.hotel-icon.com/zh-tw/dining/icon-takeaway-service?utm_source=openrice&utm_medium=featured&utm_campaign=takeaway
查詢：3400 1305

FOODCATION+ 「食+住」優惠
入住一晚，享用雙人自助早餐並享用餐飲優惠券港幣 800 元*（適用於房間叫餐服務菜單）
價錢︰港幣1,840元*起
推廣日期：由 2022年3月1日至2022年3月31日
了解更多：https://www.hotel-icon.com/zh-tw/offers/foodcation?utm_source=openrice&utm_medium=featured&utm_campaign=takeaway
查詢：3400 1688