食韓燒抵抗寒風！6間韓式燒肉店推介

嚟緊天氣終於進一步轉涼，除咗搵返衣櫃啲冬天衫出嚟之外，更係約朋友食燒肉暖身嘅好機會！繼上次嘅5大CP值高日式燒肉，今次嚟介紹韓式燒肉啦。提提你記得善用OpenRice網上訂座服務，賺Rice Dollars當錢使啊～

韓國街頭風格燒肉店平昌

旺角呢間樓上韓燒餐廳今年為咗慶祝開業九週年，搵嚟林祥焜及甘小文兩位香港漫畫家創作充滿香港本土同韓國文化特色嘅璧畫，加上餐廳本身嘅紅色鐵桶櫈，更有韓國Feel呀。餐廳由韓國主廚主理，走放題形式，當中嘅世子御膳套餐更可以任食醬油蝦！

大角咀今年新開嘅韓式燒肉店，店內有唔少真·Oppa店員，最貼心嘅係可以幫手烤肉，就算唔識燒肉都完全無問題！招牌烤豬肉套餐有齊豬腩肉同豬頸肉，前者肥瘦分佈均勻、有脂香而唔油膩，後者肉質軟滑爽彈，配埋泡菜食一流！烤豬皮同烤牛排骨都可以一試。

呢間韓式燒肉位於尖沙咀樓上店，坐窗邊可以望到街景，夜晚加上燈光更有情調啊。牛魔王可以試韓牛1++ 腹心肉或者牛肉拼盤，後者有牛小排、醃製牛肋肉、光陽烤牛肉、牛舌芯。但每枱必點嘅其實係佢哋嘅醬油海鮮拼盤，醬油蟹、蝦同鮑魚都好高質。

訂座優惠：現金8折優惠

韓式燒肉店同韓團BIGBANG嘅G-Dragon有咩關係？原來係呢間餐廳嘅創辦人朴奉哲係GD父母嘅好朋友呀。餐廳設有自家熟成牛肉工房，以乾式熟成方式進行60至90日風乾，令牛肉更富香濃鮮味。另一推介係用上自家醬汁嘅調味特級牛肋骨。

鍾意食肉而且想試勻唔同部位嘅話，呢間喺旺角同大埔都有分店嘅韓式燒肉店就有兩款拼盤好啱：牛氣沖天和牛拼盤同黑毛豬拼盤！和牛拼盤有1++韓牛肉眼、日本A4背峰肉、美國上肩胛肉、澳洲和牛舌等共九款肉。而黑毛豬就勝在肥瘦適中，肉味濃郁。

呢間韓式燒肉店可以話係本地韓式燒肉店始祖之一，當初「韓流」襲港嘅時候就進駐尖沙咀，而家喺銅鑼灣同旺角都有分店，都係約飯局嘅熱點！特色之一係有豬護心肉，即係橫膈膜同肝之間嘅肌肉，脂肪少但相當鮮嫩。另外爐邊蛋同自助前菜吧都好加分。

文：Cathy.H