6月份好評餐廳十強共有4間新餐廳上榜，包括兩間近期大熱的台式珍珠奶茶店貢茶及小巨蛋，以及本地少見的Bagel百吉圈專門店Yo Bago及日本意菜連鎖店薩莉亞，今個月一於試勻抵食的日式意菜、配搭多變的百吉圈及台式珍珠奶茶新貴。

*排名機制：以當月的笑臉減去喊臉食評數目計算，如結果相同再按笑臉數目以及當月餐廳所得的平均得分排名。

注目上榜餐廳

（Photo by small jj&羊家兄妹）
第四位 Yo Bago
Bagel（百吉圈）向來在北美地區流行亦是猶太人的最愛，最近鰂魚涌一間Bagel專門店開業就令香港人見識到Bagel變化多端的食法，每日供應9款Bagel，Cream Cheese味道選擇亦有9款之多，加上煙燻牛肉、火箭菜、吞拿魚等配料，無論做早餐或者Lunch都夠飽肚。
small jj：1如以往，餡料豐富，個包又鬆高(可惜唔夠熱)，食嗰時，真喺要撐大個口。煙3文魚雖然唔喺好濃嘅煙薰味，但個質感結實，而個菠蘿嘅甜，就令個包個整體味道豐富起嚟。
不眠王子：大啖咬落去，個bagel本身比想像中軟熟，加咗層忌廉芝士更好味，再配埋咁多新鮮配料，感覺真係好健康。
羊家兄妹：一咬下去…那cream cheese很香很幼滑…濃濃的cream cheese味在口中久久不散…blueberry和honey n walnut同樣出色…不會太甜…就連我這個鹹魔也深深愛上這甜點。

（Photo by 唔食都知唔好食&henrylauhenrylau）
第七位 貢茶
貢茶早於兩個月前已首次打入每月餐廳好評十強，今次首度上榜的是其位於西洋菜南街的分店，號召力同樣驚人，6月開業即好評不斷，而且登打士街分店每日都有長長人龍，想飲招牌奶蓋貢茶而免受排隊之苦，可到此分店碰碰運氣。
nakajima：面頭一層奶忌廉，下面是綠茶，首先淨飲下啲奶，好香奶味，再飲一下綠茶，幾過隱，但切記要即買即飲，否則，啲奶同綠茶會混成一杯，飲唔到佢嘅特色，會變為一杯普通奶茶。
阿丸：咖啡只得一種：手工冰咖啡 (奶蓋+$5)。跟從「好喝秘訣」，先打開杯蓋,飲一啖奶泡，嘩！驚喜得很！一朕奶油酥咸香，又滑，好特別！在新興的珍珠奶茶店比較下，我覺得呢間好飲得來，亦加有好既特色！令人回味！
唔食都知唔好食：奶泡跟茶同時進入口腔，感覺果然是妙極，那種既有茶香及奶香的味道，加上一清一 濃的感覺，真的如太極一樣的精彩，而且茶甜度剛好，不會太甜，喝起來甚至有點回甘的。

（Photo by 不眠王子&小KAY）
第九位 Saizeriya Italian Restaurant
走平價路線的日本意式餐廳Saizeriya，在日本及內地已有超過800間分店，選址旺區邊陲位置及裝潢簡潔的店舖特色，Pizza、意粉每款不過$20多元，價錢比不少茶餐廳還要便宜，而且主菜加$13就可在飲品吧區任飲，亦不設加一服務費，難怪個個食家都話價錢抵。
不眠王子：吞拿魚蕃茄比薩size足足有9吋咁大個，賣$28咋！吞拿魚肉同芝士都落到足，而且芝士仲係用到Mozzarella咁富貴，只係稍嫌無乜蕃茄味。
數碼子：周打海鮮湯($14)：賣相吸引，有唔少蜆同薯仔粒，幾好味~野菇忌廉汁意粉($26)：意粉煮得岩岩好有趙口，汁杰，味道幾好的。
早晨：埋單不收加一服務費，環境不錯，六人亦有卡位，價錢平宜，聚舊談天是不錯的選擇！

（Photo by搵食能手&蝗蟲同學）
第十位 小巨蛋
台北的小巨蛋是多功能體育館，位於太子的小巨蛋則是新開的台式飲品店，標榜用傳統泡茶方式，加入黑糖泡製，用黑糖的味道是否更好就因人而已，但肯定的是不少食家都齊聲說這裡飲品的珍珠份量超多，夠晒飽肚。
qrace0721hk：一飲落去D奶茶好香茶味wor，我無叫少甜，但佢一d都唔會有過甜既感覺，而且佢好冰凍呀，夏天飲真係透心涼!!!
搵食能手：由於杯內附送大量珍珠，飲品一拎上手即感到份量十足，淺嚐幾口覺得甜度剛好，茶味相對較淡但巨冰入口十分涼爽，是大熱天時消暑的良品。
蝗蟲同學：茶味幾香，亦真係飲到「黑糖」的香甜味道，不過無special request的情況下，我覺得甜咗d，下次叫「少甜」吧；珍珠稍腍身，唔夠 Q，份量就勁多，飲晒d奶茶底部仍然剩返勁多珍珠。