楚撚記大排檔 (馬頭圍道) (已搬遷) 新店位置

老實講，有少少失望，唔係因為佢難食，而係因為網上好評太多，期望太大。我覺得佢就係普通既大排檔水平，係大排檔入面，唔係最好食果d，又唔係最差果d，就係中規中矩。第一次去食既關係，三味餸都叫左d招牌菜，炸豆腐，沙拉骨，燕麥蝦球，三味我都覺得份量偏少，唔係難食，但差d香味同穫氣 (可能係因為食物上枱既時候唔夠熱🤔)，所以食完會覺得有種印象唔深刻既感覺。除非咁啱經過附近，如果唔係，應該唔會專登再跨區入黎食🤔

朋友介紹呢間喺土瓜灣巷仔入面，個名好特別嘅楚撚記大排檔。喺OpenRice見到booking最快都要去到20號😱好彩朋友一早訂咗位😆！一入嚟見到裝修風格好懷舊，同以前嘅大排檔好相似，連店員用嚟斟茶嘅茶壺都係舊式大排檔嘅不鏽鋼長嘴壺～菜式選擇好多，朋友推介豬油撈飯，一場嚟到一定要試下！叫咗酥炸黑松露菌醬芝心乒乓波牛丸（$78）、香煎黑松露蓮藕墨魚餅（$79）、七味黃金炸一口金磚豆腐（$58）、豆漿杞子鮮腐竹浸時蔬（$65）、媽媽鮮茄蛋煮牛肉（$60）同豬油撈飯（$20）。牛丸份量好多😱，有成八九粒，粒粒都大過乒乓波。一咬開入面嘅芝士黑松露餡爆哂出嚟，牛丸濃郁嘅牛味同芝士餡好夾。香煎黑松露蓮藕墨魚餅，賣相唔係好靚但未上檯已經聞到好香黑松露味。咬落去食到好多切到細細粒嘅蓮藕粒，墨魚餅亦好彈牙，啖啖黑松露香🤤唯一缺點係有少少油膩。七味黃金炸一口金磚豆腐份量超多😂食到尾都未食完。粒粒都好金黃好脆，入面嘅豆腐好滑。豆漿杞子鮮腐竹浸時蔬就普普通通，勝在豆味夠香濃。媽媽鮮茄蛋煮牛肉嘅蛋就少咗d，反而牛肉好重牛味同份量好多😂食落都好滑！豬油撈飯係一個砵咁上嘅，有蔥同芫茜可以落，豬油同豉油可以自己控制份量