一家

营业中

休息中

筲箕灣有一間幾好食嘅上海料理，佢仲要係連續兩年2023同2024都攞到米芝蓮必比登推介餐廳 😇😇 嘢食非常之正宗，好有質素，價錢方面都好合理，午餐仲可以叫一個餸配埋白飯、前菜同埋是日例湯，都幾豐富㗎😆七里莊酒糟醉雞 🐥 醉雞賣相好吸引，仲有好香嘅酒味，啱晒做前菜 🍷 什果糖醋排骨 🐷 呢個咕嚕肉整得好出色，唔會太多肥膏，再配埋菠蘿甜甜酸酸好惹味 🍍 蔥爆牛肉配薄餅 🥩 呢個菜式超好食，牛肉大大片，啲蔥好爽口，估唔到佢可以配薄餅食添，薄餅令到食落冇咁油膩，第一個幾好嘅配搭😛蟹粉扒豆苗 🥬自己本身好鍾意食豆苗，估唔到呢度仲有蟹粉配豆苗添😊 佢嘅豆苗炒得好爽口，蟹粉份量超多，啱晒鍾意食蟹粉嘅你😍滋潤養生茶 🫖而家開始涼嘅天氣要飲返啲保暖嘅滋潤養生茶，呢個茶有好豐富嘅材料，又有馬蹄又有竹蔗，全部都係啲好解渴滋潤嘅材料😌

同親戚食晚飯，想有啲新意，唔想成日都係去酒樓，今晚就同屋企人黎呢度試下，又坐得舒服，裝修又具特色既上海飯店！1）七里莊酒糟醉雞 $88味道唔會話俾啲酒香蓋過雞味，雞皮同雞肉之間既脂肪可謂係無咩脂肪，雞皮爽彈，肉質厚實，為今晚既豐富晚飯喚醒好我地既味蕾😆😆😆2）小籠包（4件） $58手工好靚既小籠包！筷子拎起個小籠包「丁」喺度郁幾下係完全無穿㗎！！慢慢咬開皮薄既小籠包，爆多湯汁，可以用「飲」字黎形容😆😆😆3）蒜蓉爆鱔絲 $188呢個上碟好體面！有火焰表演睇下，令平常的炒鱔絲生息不少！呢個係正宗版，所以味道係今晚食左咁多樣餸的最濃味的一款小菜。所以同個炒飯好匹配！4）金銀蛋煙腿炒飯 $108炒飯炒得好乾身，份量多！粒粒珍珠米都均勻地染到金銀蛋金黃色，芥蘭丁同煙腿比例為1:0.5（目測），調味自然，主要黎自煙腿本身的鹹香，食完個碟底都無油，係一個好健康既炒飯！正！5）滋潤養生茶 （季節限定） $40 （熱）呢杯嘢超正！超足料，有：新鮮雪梨、雪梨乾、無花果、蜜棗、沙參、玉竹、乾百合等豐富潤喉材料，每朝用心新鮮炮製。而且會根據當令季節，每兩個星期會轉換唔同款既養生茶。而而家屬秋涼時節，所以就有呢

中菜博大精深，唔同地方嘅菜系都有唔同嘅特色、烹調方法同味道。今次嚟到一家，結合傳統同創新嘅菜色，仲係米芝蓮必比登推介餐廳！ 七里莊酒糟醉雞酒味清香唔會苦，雞肉入味，連雞胸肉都好嫩滑。 藤椒豆干絲炒苦瓜用豆豉蒜蓉爆炒苦瓜，非常鹹香。豆干絲索晒藤椒嘅辣，好惹味。 韮菜鍋貼外皮香脆，內餡多汁。韮菜味勁香。 樟茶鴨呢道菜皮酥肉嫩，色澤呈深紅色，煮法一啲都唔簡單。除咗用唔同香料醃過，鴨肉經過蒸煮之後用油炸，從而達至脆皮效果，最後用樟樹葉煙燻，為之樟茶鴨。用掛包夾住食，令鴨肉鹹味冇咁強烈，同時令個包都好香。 炸芝麻團即炸芝麻糯米團煙煙韌韌，黑芝麻餡唔算太甜。