Irina (已結業)

我係去太古城中心果間。不過OR好似無呢間餐廳，就寫住響度先。話說好姊妹生日，想買個靚啲既蛋糕，就試下呢間新野。六個人食，就揀左三層十二件果款。承惠三百八十八，算係中價蛋糕。佢有得自選十二種味，花多眼亂，亦都終於唔洗擔心邊個鍾意乜味，唔鍾意乜味。見到盒蛋糕哇一聲，都真係幾靚。另一個哇係都幾難拎出黎，佢個頂粒生果係痴住個盒，基本上好易整到。同佢既生日牌係分開上，要自行搞掂。不過真係好靚，一拎出黎所以姊妹都話好特別。仲可以好多味大家開心互試。十二款味唔逐款講，重點講幾隻印象深刻啲既。開心果 - 好香開心果味，好正，推介！杏仁豆腐 - 係杏霜味，好多人未必會鍾意，不過我覺得幾特別同好味！甜醬油 - 未去到好正，不過幾搞笑幾特別，甜甜地不過又食得出少少豉油個feel。其他啲咩抹茶，芝麻，tiramisu，咖啡等等野都好味，不過係好大路做到既野啦。總括黎講係一百分靚同二百份好玩既蛋糕！

親友生日諗唔到買咩蛋糕好🤔？不妨跟✨妹豬仔👧🏻咁，試試呢款與眾不同嘅蛋糕啦！其實所謂嘅蛋糕🎂，係由多個口味唔同、由日本直送嘅迷你卷蛋組併而成😆，然後放上新鮮生果，增添蛋糕色彩，令賣相更吸睛😍！而且唔駛煩要點樣分蛋糕，就咁一人一件就搞掂👍🏻！·話你知吖💡～迷你卷蛋係可以自選心水口味咖😎，而且有多款口味選擇添～真係令人選擇困難症發作🤯！包括：蘋果🍎、芒果🥭、白桃🍑、黃豆粉、乳酪、布丁🍮、抹茶🍵、雜果忌廉、白朱古力、甜油葡萄干🍇、原味、檸檬🍋、咖啡☕️、Tiramisu、開心果、和栗🌰、朱古力🍫、南瓜🎃、焦糖、黑芝麻、杏仁豆腐、香蕉🍌、甜醬油。·✨妹豬仔👧🏻💬: 今次買嘅係 ，季節限定嘅緣故，所以生果方面主要用上咗赤肉蜜瓜🍈。雖然價錢偏貴 (HK$420)，但整體迷你卷蛋嘅味道唔錯😋，仲要賣相吸引，啱曬同壽星主角影相打卡📸！提提大家，如果想自選口味，就記得要最少一日前落單喇！