餃子屋

营业中

休息中

最愛湯餃嘅我一見到餃子屋好評如潮，立即忍唔住要去試！去之前都預左要排隊，但冇諗過會咁多人！餃子屋係一個小商場入面，店面可以話完全唔起眼，但晚飯時間成層擠滿哂等位嘅人，好誇張。憑住對餃子嘅執著足足等左40分鐘有多先有位！！餃子口味選擇都幾多，想試多幾款直接叫個傳統四併。湯係一大重點，魚膠淮山煲豬骨湯好香濃，而且飲極都有魚膠，堅足料！餃子真係極大隻，基本上我食到第五隻已經覺得飽，皮薄但唔易散，餡調味都岩岩好，相信係用新鮮肉又冇加重味精。不過餃子餡食到唔少肥肉同筋，我較喜歡食幼滑嘅餃子餡，呢度係有咬口嘅類型。 比起湯餃，我更欣賞呢度嘅煎餃！同樣懶諗所以點三併煎餃，有辣味、紫菜同芝士，同湯餃一樣超大隻，外皮煎得夠脆，入面仲有肉汁。我就最愛芝士豬肉煎餃，加左芝士更香口。最正係呢度好貼心，叫煎餃會跟一碗湯，煎餃點都會有少少油，飲兩啖湯即刻解膩！為湯餃而黎，最後竟然愛上左煎餃。事實上我好想Encore，但見到咁多人排隊又好矛盾，下次再有決心一定會黎食埋其他口味！

餃子屋係荃灣黎講應該都算係一間幾出名既食肆即使係裝修前定裝修後每一日 每一刻都見到佢門口有好多人排隊究竟係乜嘢動力驅使啲人排咁耐隊呀？係大大粒既餃子呀！🤰🏻 -8隻韭菜豬肉湯餃$38（魚膠淮生煲豬骨湯底）餃子好大粒 個大匙羹都就黎裝唔落佢啦😍皮薄多餡 好足料 抵食！個湯底仲正 好鮮甜好清 係真材實料 抵食！好彩既話會有一兩塊小魚膠仔係碗湯到🤣-三式煎餃（芝士、紫菜、香辣餃 各3隻） $46呢三種口味既煎餃其實食落分別唔算好大芝士煎餃既芝士味唔重紫菜煎餃食到好香紫菜味 香辣餃唔算好辣 適合啲唔食得好辣既人雖然啲味差唔多 但煎得好脆好好味！已經加哂分而且同湯餃一樣都係大大粒架😍 -上海麵 +$8如果本身嗌湯餃既 佢就會同湯餃放同一碗嗌煎餃既就會另上我覺得上海麵味道無咩特別如果想食煎餃但又想飲湯既話都可以嗌但小心會太飽因為啲麵既份量麵好多下🍜-其實我已經食過餃子屋好多次 幾乎每一隻味都食過我會覺得始終韭菜煎餃係最好食既😍🥟另外 雖然佢裝修完之後舖位大左 環境比以前乾淨左 但都會有少少迫 同埋都仲有好多人排隊 晚餐時間大概都要等起碼半粒鐘先入得座🙀

泡泡小子以前係附近做facial 時發現依間小店， 一直都覺得好味， 佢個湯係小子好鐘意， 但無黎一排， 今日突然掛住依間小店， 二話不說拉埋泡泡姐一早黎。小店開10:30，小子10:25到小店未開門外經有10多人排隊， 幸好佢準時入去有位了， 小店擴大左裝修過比以靚同乾淨餐牌簡單易明仲可雙拼，單雙拼價錢一樣👍餃子係即叫即整， 要比d耐性等候等候等左陣，店員送上辣菜甫， 枱上有辣椒醬、醋自行調配韭菜豬肉餃拼雲耳白菜豬肉餃韭菜豬肉餃好味， 小子一向都鐘意食韭菜餃加依個湯底好滿足， 雲耳白菜豬肉餃小子食到好似有d薑味個人喜好問題， 小子麻麻粟米香菇豬肉餃拼香菇木耳雞肉餃粟米香菇豬肉餃內有好粟米，但食唔到冬菇而香菇木耳雞肉餃比較濃味三色煎餃（芝士/紫菜/香辣）依3款餃都各有特色， 每隻餃子都好足料3款餃都較濃味加上做剪餃係好味但不能食太多， 始終煎餃比較膩

今日同女朋友去荃灣最有名的餃子屋品嚐美味的餃子，由於想品嚐到不同的口味，所以叫了2個拼盤可惜煎得過火左小小，所以比較硬，但個餡幾滋味，香辣味最好食，因為本身個餡餃重口味，所以如果加上芝士個味就會過重。紫菜味可以不試。傳統四併 ，個湯係豬骨湯，餃子味道合格。其中椰菜味餃子相對較清甜。題外話提議買外賣去其他地方食，店內的位置坐得十分唔舒服，非常迫。抵玩指數:🌟🌟🌟⭐️(3.5)其中一粒星被環境扣左，另外個半粒係價錢不算十分抵。

之前已經試過一次，但因為成日都太多人等位，所以好少來食。今次與男友游完水之後，見時間算早，所以來睇下會唔會少啲人。雖然有人等位，但都好彩無等好耐。尼間出名有好多口味嘅餃子，鐘意食餃子嘅朋友真係要來食下。除咗傳統嘅韭菜、白菜等，仲有好多創新口味。上次來嘅時候食過咖哩薯仔豬肉餃，我就覺得內餡味道唔錯，不過唔太適合做餃子。🤔今次我哋就點咗傳統嘅韭菜水餃加上海麵，另外再叫咗煎餃加麵。加麵都係加七蚊，有豬骨湯同重慶湯。我哋兩款都有叫，可以試曬兩隻味。尼度嘅餃子都大大隻，勁足料。豬骨湯好清甜，好味！個人都好鐘意尼個重慶湯底，唔太辣，亦都唔會好濃味，反而有啲香菜嘅香味。👍三式煎餃有芝士，紫菜同埋香辣。雖然都係大大隻，但我覺得新式口味嘅味道反而一般，或者如果係湯餃可能會比較好味啲。香辣豬耳味道都數錯，唔會太辣，唔食得辣嘅人都可以試下。😉不過想來食都要俾啲耐性排下隊，或者可以避開繁忙時間來碰碰運氣。

今天和老公回家前先吃點東西。朋友試過這間餃子，他說很出名，所以便來試試。想不到八點多仍然有很多人等位。等了20分鐘終於有位。我們叫了一個三式煎餃， 有芝士、紫菜和香辣味。紫菜味很讚，而且很多肉汁，非常推薦。然而香辣及芝士味就很一般，吃不到芝士的味道。另外我們叫了一個羊肉餃子配重慶辣湯和一個香菇木耳雞肉餃子配淮山湯。前者味道很搭配，羊肉餃只有一點點騷，喜歡吃羊肉的人應該會喜歡。重慶辣湯只是微微的辣，很不錯。後者的雞肉餃子一般，而淮山湯亦只是淡淡的，不過不失。順帶一提，這裏的餃子size頗大。 細食的人不要叫太多。