大本瀛日式放題

营业中

休息中

同男朋友行旺角，經過兆萬見到傳單姐姐派傳單，發現大本瀛放題分時段收費，價值合理，當時太約下午6：30，見只需要$188一個人就可以食放題，又多選擇，又有刺身食，於是就同男朋友上去食個early dinner.到餐廳後還要有窗口位置，感覺好開揚，食飯心情都爽爽的。先去看看飲品，飲品絕對是這店的其中賣點，選擇之多，非一般只提供汽水選擇的放題店可比，只是單單飲品連啤酒種類應該已超過20種。及後當然是點菜哪，見到枱面的菜單，已經差不多10張菜單。看著哪麼多選擇的菜單，已經胃口開動，好想所有菜式都點點試試，第一個要點的，當然是刺身哪！排得靚靚的刺身上枱已經好吸引，每件刺身都厚切的。第一口要試的當然是三文魚，三文魚肥美，厚切的三文魚油脂很香口，放入口已經忍不住夾第二件了。很驚喜刺身還有泰式生蝦，還有很多泰式酸辣醬，完全符合我這醬怪的口味。而令人印象深刻的是200蚊不到的放題，竟然有象拔蚌壽司，而且象拔蚌口感，鮮味都很到位，象拔蚌成本不少，一向到其他放題店都難有這選擇，不難明白，成本高嘛，所以很值得一試啊！及後天婦羅上枱，上枱也是排得美美的，送到枱的時候食物仍然熱辣辣，好新鮮啊！吃酸的可以開開胃，令

很久沒食過放題，路過兆萬中心，見到有很多放題的食店，於是揀了這間...... 多人等候的食店，再看看價錢，每人大約 $200，都頗合理。等了一會兒便可入座。地方不太大，座位大多是卡位，而且有竹簾與鄰座相隔，可自成一角，盡情與友人談天 ^_^飲品任飲之餘，放題的食物種類有十頁紙這麼多！當然有刺身、壽司、卷物、小食、炸物、鍋物和燒物，但意想不到會有泰式食物！首先點了三文魚刺身，很鮮甜美味！接著是幾款火炙壽司，暖暖的，燒得剛剛好！仲有鹽燒活海蝦，有少許鹽味，燒得很香口！當然要食下泰式食品啦......肉碎生菜包，一人份量，味道不錯！居然有叻沙食，很驚喜！海鮮叻沙米線，材料豐富，米線滲透了叻沙湯，味道恰到好處。最後一定會點的燒菠蘿，酸酸甜甜，幫助消化 ^_<再食埋雪糕及雪米糍，很滿足呢！

今日公司lunch meeting，由於我負責present，所以緊張到冇乜胃口，只係咬左件三文治。晏晝又忙到飲水都冇時間。O完T差不多8點就決定同戰友出旺角食放題，補償吓我個可憐嘅胃。Blue Monday嘅八點半都人頭湧湧，等左廿分鐘終於有位，即刻神速落order。刺身 - 都算大件同埋幾厚。鮑片刺身 - 好鮮甜，咬落仲出水，質素不錯。【必食推介】馬刀貝刺身 - 其貌不揚，但原來鮮甜之餘仲要係超級爽，食到「嗦嗦」聲，以為食緊黃芽白咁爽。黑松露壽司 - 放題有黑松露壽司食係比較少見。黑松露唔多但咁先唔會遮到壽司嘅鮮味。特別推介黑松露甜蝦壽司 - 爽甜嘅蝦配黑松露味道幾特別。火山溫泉蛋 - 滑溜溜嘅溫泉蛋配上濃濃嘅日本甜醬油，味道同口感都幾match。岩鹽燒牛舌 - 牛舌幾有咬口，燒得幾香，再鹹多少少就Perfect。香茅燒豬頸肉 – 泰國嘢都有得食～香茅味唔夠重，不過勝在夠肥美夠熱，食落有少少油脂，正。【必食推介】鹽燒活海蝦 – 一上枱就好驚喜，放題都食到咁大隻蝦~ 鹽燒燒到好惹味，最緊要係夠熱。Encore咗幾次。【必食推介】海老天婦羅 – 出晒煙嗰隻熱，蝦比較細條，不過唔怕，任食

係人都知兆萬係放題集中地，同時係人都知嗰度嘅放題質素參差。稍為行近大廈，都有一堆宣傳單張圍住你，睇哂有乜食再慢慢揀。週四試左10樓呢間大本瀛，收費按時間入座計算，6pm-6:45pm入座就$188/位，加一，食兩個鐘。最平嘅去到11pm宵夜只係$158。我見宣傳單張都算幾多野食，不過由於冇訂座，我地呢枱就冇海膽送，想食嘅不妨預先訂座。餐廳空間感足，以卡座為主，坐得舒服，同隔離枱中間隔住塊木簾，唔洗大家眼望望不過燈光稍暗偏黃調，呢點我唔太喜歡，一來唔係好睇到啲食物新唔新鮮，二來影相唔靚。幸好全晚播住嘅都係supper moment嘅歌，我地都忍唔住一路食跟住哼唱。入座計兩小時，唔好講咁多，即刻點野食。一般放題有嘅食物，呢度都有供應，上菜速度算快，我地點左兩輪，就冇出現冇情況。刺身刺身居然有15款，例如三文魚、劍魚腩、珍寶赤蝦、泰式生蝦、馬刀貝、角螺、手切原隻八爪魚等，都幾多選擇。通常都係唔理三七廿一，乜都點少少試下，例牌冰底上，刺身都係建議盡快食啦，以免影響新鮮度，而且冰都溶得幾快。三文魚就唔算切得好大塊，不過都算肥美，食落幾新鮮。比起甜蝦，我就比較鐘意呢款珍寶赤蝦，大隻啲，鮮味啲。其他