勁回味

营业中

休息中

印象中呢間壽司店開好晏，今日下午兩點令鐘來到，見到竟然有開門，就諗住買舊手卷食。如果未來過嘅人，其實好難搵到間舖嘅位置，一來個招牌已經甩哂色，二來門面好窄，好易擦身而過。餐牌選擇好多，基本上咩選擇同配塔都有。宜家啲壽司舖開到周圍都係，同埋好多都係十令蚊有找，對比之下勁回味唔算平。我並非第一次前來，之前食過知道佢夠新鮮同足料，所以就算覺得少少貴都想買來食。（今午實在太想食壽司！）三文魚帶子手卷 （$25）唔知幾時開始習慣左食壽司唔點醬汁，咁先食到啲食材嘅鮮味。呢個手卷份量同新鮮度仲keep到，帶子鮮甜，都大件厚身，一路咬一路唔捨得食哂。三文魚切條，食到最尾都仲有，味道都唔錯。失望嘅係啲紫菜仲係淋身，要咬住先扯開到。我用左個‘仲’字，因為好耐之前食幾次都淋嘅。雖然紫菜係配角，啲料新鮮較重要，不過就令手卷整體口態失色左少少喇。希望下次去會有改善啦。

大家到尖東可以到海旁走走逛逛亦可以到酒店吃高水準的自助餐和蛋糕，不過如果想來一點小吃就不防去呢間日式手卷小店試一試。小店真係「真細小小小」，同行晚朋友吃過呢度手卷都非常驚喜大讚手卷「抵食不離地」。🔹三文魚帶子手卷 第一次試吃又有選擇困難的就可以點三文魚帶子這個配搭一定肥美甜美。🔹海膽手卷 最怕就是吃手卷時紫菜變軟又難咬開！不過這裡的手卷紫菜乾身脆口，絕無問題。而且唔洗怕手卷只有「頭啖香」因為普通的手卷只有頂頭有刺身，相反這店的手卷不只是放在最頂我可以由第一口吃到最後一口都「啖啖」海膽。有時這裡會賣不同地方來的海膽，當然要吃「靚」膽就要早點來嚕。小店經常「排長龍」可能店內只有一兩個店員吧，拿了手卷後就要自行自助倒醬油啦。日式手卷終於一嚐，又真係幾地道、貼地又抵食既。

成日經過都見到大排長龍，今日甘岩得閒又餓餓地，就排隊試下手卷，睇下間野甘多人食。原來呢間店有好多選擇，唔同配搭。我最後揀左三文魚加帶子卷。店員會問你加唔加wasabi同埋係咪依家就食。4/5 - 三文魚同帶子都好新鮮，咬落去仲彈牙，好正。可惜個飯暖暖地，有少少怪。不過，呢個價錢食到甘新鮮既手卷真係好難得。難怪甘多人排隊甘耐都排啦。由排隊落單到羅到個手卷要半個鐘。呢到d魚生真係好新鮮，下次可以買魚生就甘食。其實海膽都好抵食，不過我個人唔捨得食。

每每路經新文華，都會見到這裏有長長的人龍，終於在星期三晚一探虛實七時半左右，小小的店子外已經有十人左右下了單等取餐，排在我前面等落單的有三人，本來慶幸排隊人龍不太長，可惜我錯了...等了接近二十分鐘才可以下單！本來想吃三文魚腩手卷，可惜沽清了，於是點了三文魚帶子手卷。下單時要求不要wasabi，老板娘也重覆問了兩次，怎料等了十分鐘後到手的手卷，仍然有不少wasabi！ 手卷的size不太大，吃幾口就吃完了。即叫即做的手卷，紫菜竟然一點也不脆，魚生份量尚算足料，飯的份量與魚生約是1:1，可惜味道鮮美不足反而頗為平凡。二十五元加上半小時的等候，值得不值得？排在我前面的人花了好幾百元，而我呢？恐怕再也捨不得為此花上十數元了。

是日與女友閒遊尖沙咀，想起這聞名已久的手卷小店，便前來一試。當天星期六，我們5點左右來到店外，從遠處已看見長長的人龍在等候，與附近冷清的餐廳形成強烈的對比。到我們排隊時，前面約有15人左右，但因為這小店只有一位老闆娘和一位師傅在工作，分別負責落單和製作手卷，我們結果等了近半個小時才有得吃。三文魚帶子手卷：材料新鮮而豐富，算是有水準的作品，但沒有太大的驚喜。半板馬糞海膽手卷：海膽味道鮮甜，而且有足足半板的份量，讓我們每一口都吃得到海膽，滿足了我們對海膽的慾望！ $45雖然不算便宜，但以其質素與其他日式餐廳相比而言，絕對是超值之選！唯一美中不足的，是手卷送到我們手上的時候，紫菜已經變淋，沒有了手卷應有的脆卜卜的口感。這小店的手卷算是用心之作，價值平民化而合理，但材料絕不兒戲，值得大家排隊試一次！ 但記得要預多一點時間來排隊，否則真的可能會等到發瘋喔！

夜晚十點幾 條隊仲係好長，起碼等咗二十分鐘都有，不過真係又抵又有質素！舖頭面積真係好細，得兩個人 一個負責落單收錢 一個負責包手卷，所以都要體諒一下。三文魚帶子手卷$20 叫咗個最人熱嘅手卷，算係幾新鮮，食到尾尾都仲有三文魚碎，起碼冇偷工減料！紫菜正常，飯都包得幾多，女仔細食的話可能一個手卷都飽飽地。