築地日本料理 (金百利廣場)

营业中

休息中

夏天最想食就係壽司，好姐妹話帶我去銅鑼灣嘅築地食日本料理！餐廳喺金百利廣場， Menu主打日式食物，壽司、刺身丼飯、卷物、拉麵，石鍋飯都有！價錢親民，丼飯都係百零蚊，性價比極高！ 🍱三文魚海膽丼🍣  $118 厚切三文魚有四片，油脂均勻，味道鮮甜，海膽味甘甜濃郁，魚生同飯量適中，魚生下面仲有芝麻同紫菜碎，令成個飯更惹味香口！🥗三品豆腐 $ 52 沙律我地揀左三品豆腐，嫩滑嘅豆腐配上胡麻海老、海膽、泡菜三種唔同口味，3樣都咁好味！推介！🥑牛油果軟殻蟹卷 $48 軟殼蟹炸得酥脆唔油膩，加埋蟹籽同香口牛油果，一個卷物雙重好味！🍤海老天婦羅 $68炸得香脆嘅海老天婦羅，炸粉剛好唔厚唔油膩！份量足，唔錯！ 🍵綠茶冷麵🍜 $58好耐冇食冷麵，淡淡綠茶味配上傳統醬汁，食落每一啖都清涼掛湯，係夏天嘅最佳選擇！

日本料理一直都係我至愛🥰呢間築地日本料理餐廳坐得好舒服，食物又唔錯！重點係杯茶，每一杯都會跟一個獨立茶包，水滾茶靚😂🦪吉列炸生蠔四大粒炸到脆卜卜嘅生蠔，咬入口蠔汁出哂嚟！炸得啱啱好，唔會太乾，又夠大隻👍🏻👍🏻👍🏻🍙海膽帶子卷一口帶子刺身加上火炙海膽，味道鮮甜！配上牛油果加青瓜，口感柔軟加爽脆👍🏻👍🏻👍🏻🥠日本芝士年糕外脆內軟嘅芝士年糕，食極都唔夠喉😋🍜黑蒜油豬軟骨拉麵點解？點解？一碗望落平平無奇嘅拉麵點解可以咁好食㗎🤩豬軟骨嘅size差唔多有手掌咁大呀✋🏻質地炆得好腍！味道有啲似扣肉味，夠入味！拉麵煮得夠彈牙，而且條條分明，每條都掛上湯汁，一流👍🏻黑蒜油夠哂香，飲落又唔會覺得好油膩👍🏻喺香港好難得食到一碗煮得咁好嘅拉麵😍感動🥺🍱三文魚海膽丼厚切三文魚，配上鮮甜海膽加埋一件玉子，猶如喺日本食到嘅味道👍🏻

突然間想食海膽，所以無視左佢個午餐紙，單點左個三文魚海膽丼 $118賣相一般，丼飯有跟麵豉湯，麵豉湯一般，刺身尚算新鮮海膽係加拿大海膽，有兩片，其中一片海膽唔知點解無左一忽，有少少扣分三文魚係厚切，有四塊丼飯仲有一堆青瓜同飯素整體評價：刺身新鮮夠晒飽，但唔算抵食。Wasabi 無跟飯上，問侍應拎果時話師傅唔記得左擺落去，好快比番一碟仔我，職員都幾有禮貌！同埋d wasabi 係堅山葵，有料到，唔係出面成日遇到既雞野！

位於銅鑼灣金百利廣場7樓，裝修簡單，感覺乾淨。.🔸牛油果軟殼蟹手卷($36)分數: (7.8/10)新鮮包起，軟殼蟹炸得脆，拼牛油果，沙律醬一齊食perfect match..🔸三文魚海膽丼($118)分數: (8/10)配麵豉湯，好多湯料，味道啱啱好，唔會太鹹。三文魚幾靚幾肥美，海膽刺身都好新鮮，好好味。.🔸綠茶冷麵($58)分數: (7.5/10)入口口感細滑，咬落亦唔會太冧。可惜粒鵪鶉蛋入面有啲唔新鮮。

同朋友嚟到銅鑼灣行街，由time square行到hysan，行行下就嚟咗呢棟金百利廣場買衫最後揀咗呢間日本嘢食，坐低落order冇耐，店員就奉上兩碗味噌湯，有香菇同豆腐粒店舖燈光都幾明朗，但係唔知點解啲相影出嚟較暗海膽三文魚丼好豐富，有兩層厚厚嘅海膽同4快厚厚嘅三文魚，望落都覺得好肥美另外仲有隱約印咗餐廳名嘅玉子，葉後面有啲青瓜海膽夠甜夠creamy，三文魚都好凍好新鮮下面嘅醋飯同刺身之間放咗啲海苔芝麻飯素，食落更香，唔會太寡炸物拼盤有3種唔同嘅食物紫薯甘栗餅係我嘅 all time favorite，因為每次食紫薯餅都好甜美，加上原粒栗子，簡直食緊甜品咁炸曲薯條上面有好多芝士粉，甜甜地，有啲似韓國炸雞嘅芝士粉咁樣食落去薯條都唔會太油膩，而且新鮮炸好有脆又香雞軟骨炸得啱啱好，外皮好脆，入面嘅軟骨好爽口調味用咗胡椒粉，食落有啲似kfc啲雞嘅味宇治金時豆腐係抹茶紅豆嘅結合，煮過嘅紅豆paste好甜，下面嘅抹茶豆腐好清澀，兩者配合得剛好一開始食較重抹茶味，食真啲更重豆腐味，真係一道唔錯嘅日式甜品

一入門口就見到張挪威三文魚cert，可以喺呢度放心食三文魚刺身了。前菜沙律、小食串燒、壽司刺身、炸物鍋物、甜品飲品都應有盡有，我哋都要花咗啲時間先決定到。最後決定order兩款燒物用埋兩碗丼飯。枱面有齊刺身豉油、山椒粉、七味粉同埋wasabi呢啲常用嘅日式調味料。Asahi $30連隻酒杯都有雪過，夠晒消暑！鹽燒牛舌 $28牛舌燒至僅熟，保留了很多肉汁，點少少七味粉更惹味。連伴碟嘅椰菜絲都有沙律醬，二話不說，清晒。汁燒魷魚筒 $68魷魚燒得恰到好處，微辣的醬汁跟魷魚味很配合，非常惹味。推介三文魚海膽丼 $118海膽味道不算太濃郁，三文魚大大片厚切，夠晒肥美。頭一次食丼飯係有加飯素的，配微酸的壽司飯，都頗有特色！三文魚親子丼 $115三文魚一樣大大片，三文魚籽粒粒飽滿，很鮮味，飯底都係有加飯素。