The Night Market (ELEMENTS圓方) (已結業)

可能個名叫night market，比人感覺間野好street food，但原來一D都唔street，而且菜式好特別，係非一般既台灣野！首先值得一提既係碗碗碟碟好別緻，十分Instagram-worthy！我地叫既野食包括：三杯雞飯，招牌牛肉麵，魯肉蛋麵，新竹炒米粉 ，至於小食就叫左鹽酥雞同埋蛋餅。因為我地係分開叫，所以除左自己叫既米粉之外，其他淨係試左一兩啖，所以就唔多作評論了。不過每一碗既賣相都好好，朋友都話好好食！至於我碗米粉，份量唔算太大，不過加埋D小食都食得飽。米粉好幼細，係真既新竹，D料好足 ，蛋絲肉絲菜絲應有盡有，令成個米粉既口感好有層次。鹽酥雞好脆好香口，細細粒令人忍唔住愈食愈多。不過唯一不足既係蛋餅真心麻麻，有股好奇怪既椰子味，同個蛋格格不入，而且太油太酥，同平時食開既蛋餅好唔同，個人就唔太喜歡。不過整體黎講呢間野真係好高質！雖然價錢比起平時食開既台灣菜貴好多，但味道同埋服務認真唔錯！會再回來的！

第一次食嘅時候無乜胃口 散點左碗麵線 勁唔抵食（侍應生有提醒過：怕你唔夠食喎、只是當時趕時間沒想太多了）份量係少的 味覺當然唔夠台灣的好吃今次又嚟到再次遇上 好喇 見到都好多人用膳中⋯再試多你一次先今次點左套餐 「三杯雞」+$15仲有杯嘢飲俾張相大家望下先🤔係咪好吸引呢淨係小食都有三款 餸嘅份量十足 味道好好 好野味呀 送飯一流 圓方嚟講總算抵食 夠飽 滿足 食飽飽仲有杯飲品 （珍珠奶茶）可以嘆下⋯午市餐牌不時會更換 不過我還是會選擇三杯雞

小編既生日雖然過左但仍然陸陸續續有生日飯食真係好開心好感恩！有陣時覺得朋友同事比起屋企仲有心，唔知點解呢～當然阿爸阿媽就一定唔會唔理你既但兄弟姐妹結左婚既既都已經唔係自己人啦。同事朋友會買曬蛋糕同你慶祝、屋企人反而就冇lu，可能小編唔好彩啦都係講返正題先，今日以前公司同事請我食生日飯、因為我公司ｏ係中環而舊公司同事ｏ係九龍區、所以就選擇個中間位就係圓方啦！又易搵位泊車，我ｏ係中環食過呢間既外賣，印象中係唔錯既，所以今次就去試下堂食啦。因為係午市繁忙時間所以係冇得book檯既，小編大約12:30到達，拎左飛等唔夠5分鐘就入🉐️啦，非常👌🏽。與此同時，同事們都到達啦。我地各人嗌一個套餐、再加2個小食，都好夠飽，特別要讚下個酥炸蚵仔同埋宮保蝦球，超級好味又惹味，確實唔錯。個滷蛋都OK，另外同事嗌既沙茶牛肉同埋三杯雞佢地都話唔錯！不過我另外一個同事嗌既set a餐（滷肉麵）同埋餃子、賣相一般、佢話都唔特別好味道。所以大家下次去記得嗌佢地既蝦球、三杯雞同埋沙茶牛肉啦