雲壽司 (德和大廈)

营业中

休息中

呢間壽司舖除咗有做午市套餐，仲有做omakase, 由於我哋趕時間所以就叫咗兩個丼飯🍚就算啦，套餐會附送一個味增湯🫕同埋一個芝麻醬沙律🥗，前菜屬於正常水準。三色丼 148三色當包括海膽、魚子同埋帶子，論呢個價位可以食到咁多嘅海膽都算係相當超值！而且每一粒魚子都大大粒，數量又多！相比之下由於帶子切開咗變得比較薄身，對於我呢個帶子控嚟講略嫌有啲不足，但總括嚟講魚生都相當新鮮，所以呢個飯唔錯，可以回頭😋火炙魚生丼 138同行嘅朋友就叫咗火炙魚生丼，裏面有燒過嘅左口魚，味道都相當唔錯，值得推介！總結：魚生新鮮，但店內size 不算大，以位於中環地段嚟講呢個價位一啲都唔貴，下次可以試埋omakase😋

雲壽司開到嚟中環😋今次試咗最抵食嘅＜翔＞，廚師發辦有壽司10件同手卷1個，仲有麵豉湯，依個價錢食到有質素嘅壽司真係好難得！師傅精心挑選當日新鮮嘅食材，令我地有機會試到好幾種平時少食嘅魚類，款式如下：大呑拿魚腩、平政、飛魚、赤鯥、赤貝、北海道牡丹蝦、帶子、北海道海膽、呑拿魚面頰肉 、銀鱈魚北海道海膽甘甜細滑，留喺口腔嘅滋味令人回味無窮；平政食落好有新鮮感，肉質較結實有咬口，冇咁肥膩；大呑拿魚腩冇筋好肥美，相較起嚟呑拿魚面頰肉就有彈性啲，經炙燒後亦充滿油脂香。另外點咗個丼飯，三色丼上滿滿嘅三文魚籽令人流晒口水🤤 海膽、三文魚籽同醋飯非常夾，每一啖都充滿鮮味，帆立貝大粒又鮮甜，食完有幸福感☺️ (如果海膽再多啲就好喇🙈)

雲壽司🍣最近開左中環店，作為佢既fans又點可以錯過🙈🙈 中環店位置好方便，好近蘭桂芳，定價就同銅鑼灣差唔多，店面一樣係只有約12座位，細細間但有4-5個師傅坐陣🤗.收工時間大約19:30都7成滿，幸運地唔使等位直接入座，餐牌分定食/盛盒/單點... 平時食開既午市定食都有，但晚市食就無沙律同面豉湯送😖.▪️特上刺身拼盤$360最愛食佢地既sashimi😍又鮮甜又抵食，叫刺身拼盤最抵係有大卜口+海膽👍🏻 物超所值，刺身拼盤唔使食咁多飯岩晒我😂刺身包括：（吞拿魚腩，牡丹蝦，海膽，赤貝，深海池魚，真鯛），全部都新鮮鮮甜，尤其欣賞個海膽，甜得黎無苦澀味；赤貝係新鮮活赤貝；大卜口無筋又厚切😋 真係食過返尋味 .▪️三色丼 $148同事話糧尾🤣叫個三色丼就算，三色丼仲抵食，有海膽，帆立貝，三文魚籽🥰🥰 全部都係貴價食材，鍾意食飯既朋友應該會好鍾意佢地個壽司飯，好既醋飯，唔沾手又唔會過硬，同事都話好鍾意佢地個飯🤗當然刺身都係正既，最重點應該係真係好抵食😏.▪️鰻魚手卷 $35口痕加個手卷食，紫菜唔算好脆身，有點硬硬地，但個鰻魚就幾唔錯，會整返熱個鰻魚，而且都算幾厚身，好滿足既感覺❤️.中環區黎講我覺得價錢