Le Viet (已結業)

餐廳嘅主理人係柬埔寨華僑嘅第二代🇰🇭所以主打創新嘅越南新派混合菜色，場內佈置以紅黃藍色作裝潢為主調，行走型格氣派😎💗越式咖哩軟殻蟹配法包($93)咖喱香濃稠身，味道甜中帶辣，椰汁味濃郁，富香茅同薄荷葉各種香料味，配菜有彩椒同洋蔥🥘重點當然係炸至金黃嘅軟殼蟹，𥚃面有蟹肉同蟹膏🦀墊底有幾舊炸薯仔，薯肉好綿密🥔最細心係佢會另上，所以唔會浸到冧哂。另外仲送半條烤至外層脆卜卜，裡面質感煙韌嘅法包，餸埋咖哩汁食一流🥖💗精選越式拼盤($98)🦐炸蝦餅：外表沾上麵包槺炸至香脆乾身，內𥚃嘅蝦膠結實，食落爽口彈牙，味道鮮甜。🌯札肉蒸粉包：滑溜嘅粉皮包住大量豬肉碎、爽口嘅本耳、鮮味嘅冬菇粒同炸香嘅蝦米，味道較清淡。面頭仲有扎肉薄片、炸蒜片同蔥油。🍤春卷：鬆脆春卷皮帶點煙韌，內𥚃包住爽脆嘅木耳、清甜嘅紅蘿蔔絲、Q彈嘅粉絲同少量豬肉碎。點埋酸辣醋食落好開胃。🐷香茅燒豬頸肉：邊位燒得焦脆，油脂經炭燒後好甘香，肉質肥瘦均勻，而且唔算薄身，食落爽口彈牙，充滿肉汁，茅香醃得夠入味。💗生牛肉湯河($68)湯底以大量牛骨、越式香料同草果等餚製 12個鐘而成，味道鮮甜濃郁，湯面清澈唔油膩🍲幼身河粉好薄夠滑溜溜，生牛肉有5成熟

旺角行行下街肚餓就去食野，係銀行中心2樓有呢間越泰菜地方好方便，餐廳都好大，可以容納好多檯客🔶香茅豬頸肉炒金邊粉 $72味道可接受，不過有啲金邊粉痴埋一舊🙈豬頸肉好嫩口！🔶蒜蓉炒西蘭花 $62最好食👍🏻炒得好惹味！健康之選！🔶香茅燒木棉魚 $145因為是現煮，所以點後要等大約30-45分鐘😲表面有層鹽，所以食時要起左層皮先好食，唔係咸死🙈跟一個酸醬，食魚點佢酸酸甜甜會更開胃🔶三色冰 $28椰汁好香好濃，唔會太甜，好飲但啲餡料少左啲，有綠色粉條、紅色馬蹄、黃豆

約朋友食飯大都離不開油尖旺，正因為是港九新界的集散地，而旺角區人多車多，尤其是女人街一帶水洩不通， 出了名是遊客區，也是很多年輕人的浦點，所以不難想像人多的情況，今天朋友便約我們到旺角銀行中心的LE VIET餐廳，主打越南菜式， 餐廳佈置簡約舒適為主，我們一行四人坐在窗旁的位置，眼見街道上川流不息的人流，與自己舒服坐在餐廳裏有天淵之別的感覺。我們鍾意食一些刺激的食物，所以便叫了一客咖哩炒大蜆，滿滿咖哩汁盛載著大蜆，有青椒、紅椒及蔥段等，大蜆隻隻都有番咁上下size，咖哩不算好辣，可以用惹味來形容，蜆肉新鮮無沙，咖哩汁煮得不錯，食完蜆肉剩下的咖哩汁不要嘥，我們另外叫了一客印度薄餅，拿來混和咖哩汁來吃，果然好好味，這樣配搭也不錯。另外，我們亦叫了半打串燒，分別是雞肉、豬肉和牛肉串燒各兩串，肉烤得很香，咬落去肉爽不會嚡，配上沙嗲醬來吃也不錯。我們分別叫的三色冰和綠豆冰，正好解一解近來天氣不穩定的納悶心情，一邊嚐食物，一派悠然自得。