木船泰國粉麵專門店 (已結業)

久違係太和搵食，行過木船，覺得啲裝飾好吸引，又好耐冇食泰國野，所以就入去食😚成間餐廳嘅裝飾都係用木組成🪵，充滿泰國風情，亦有麻繩等裝飾好似喺船入面咁🛶，環境唔算細，都坐得舒服 😋嗌左燒豚肉飯定食同青咖喱吉列豬扒飯定食，用兩杯龍眼冰 龍眼冰🍹首先黎嘅係龍眼冰，比預期中有啲甜，但龍眼數目好多，適合用黎解辣！燒豚肉飯🐖🐖聽講燒豚肉飯係招牌黎，果然豚肉好好味，一片片唔會太肥膩，入口食到醬味好出，加上個飯有蛋係中間，昇華左成個飯～飯係上面都鋪滿木瓜絲，特別得黎都幾好味😋青咖哩吉列豬扒飯🥢🥢至於青咖喱吉列豬扒飯，因為本身唔係好中意食咖喱，所以覺得不過不失啦，吉列豬扒炸得剛剛好配菜方面，係有啲失望嘅，冬陰功湯太肥膩，而肉丸湯就普通，三款配菜都唔係好夾，有蛋沙律、brownie同肉丸，三款嘅味道都好唔同，同主菜唔太夾。 總括黎講，推介燒豚肉飯，下次再黎會想試jumbo湯河，見隔離台食緊，賣相好似幾好😋👍🏻另外都想讚佢哋店員服務好好，咁啱聽到隔離枱有個客人跌咗口罩，店員即刻話佢哋鋪頭有可以比個佢，好有人情味。😊 仲有係午飯時間咁忙店員都仲好有禮貌，抵讚！

太和呢邊好多隱藏美食😋今次就同朋友嚟食木船～平日嘅夜晚人唔多 可以慢慢食慢慢傾😛晚市都有做定食！價錢都好實惠選擇都好多 由泰菜到港式茶記menu都有不過就無我食泰菜必叫嘅padthai🥲一上枱個陣嚇親 勁大碗！個碗有成個頭咁大 仲好足料幾欣賞冬蔭公湯底 辣度適中會想追住飲🤣啲蝦都幾鮮甜爽口 河粉入味得黎都唔會浸到好腍👍🏻仲有好多菇同肉碎做配料 都豐富咗個湯嘅味道都幾推薦呢個粉 而份量都真係大到可以兩個人食🤣主食以外 呢個套餐仲包咗三款小食 湯 同飲品湯我就揀咗肉丸扎肉鮮雞湯味道偏清淡 我會覺得冬蔭公出色啲😛小食佢就送咗雞卷 涼拌木耳 朱古力蛋糕雞卷幾好食 涼拌木耳正正可以開下胃朱古力蛋糕就一般🤣————————————————————————總結食物質素都唔錯👍🏻👍🏻而且價錢唔貴 份量又多 包埋小食仲免收加一！絕對係抵食之選🤤一定會再去支持💛🤣

今日行山前喺木船醫左肚先！叫左一個安格斯牛肉飯配溫泉蛋定食同招牌燒豚肉飯定食，另加小食庶蝦4件第一次食庶蝦，好鐘意！個蝦炸到好好味，入面既庶咬起上嚟仲好甜！😋定食配一碗湯（冬蔭公/肉丸扎肉雞湯）、三色小食同一杯飲品冬蔭公味道幾正宗👍🏻 肉丸扎肉都好爽口彈牙👍🏻三色小食有蛋沙律（不嬲都好鐘意食😋）、麻醬豆腐同2粒似炸春卷細粒版既野（好味👍🏻）原來招牌燒豚肉飯有好多青木瓜！正！好爽口！食哂青木瓜就會見到溫泉蛋同燒豚肉。整爆左粒溫泉蛋再撈d燒汁落d飯到真係一流！豚肉亦好入味，又易咬！推薦！🥳安格斯牛肉飯配溫泉蛋原來同燒豚肉飯好似樣，只係無青木瓜。但一樣都好好味，牛肉味都幾出！👍🏻食飽飽，滿足哂，就出發去行山了😆

今日嚟試嘅呢間泰國餐廳，嗌咗兩個餐，分別係滑蛋燒鰻魚大碗飯 同 招牌燒豚肉飯。嗌一個餐分別會有一個三色小食同一個餐湯，咁啱我嗌兩個餐就試晒兩款湯，冬陰功湯 同 肉丸扎肉鮮雞湯，另外再嗌左個 芝士蘑菇忌廉雞翼。首先，我覺得幾抵讚嘅一樣嘢就係個前菜。個前菜有酸辣鳳爪、蛋沙律同魚餅。出面平時食嘅前菜其實都整得比較Hea，意想不到嘅係，我食個魚餅嘅時候佢仲係熱嘅，真心抵讚。個蛋沙律有啲似七仔三文治嗰隻，但係個人覺得幾好食。至於嗰兩款湯，冬陰功湯算係幾好，而鮮雞湯就有少少可以改善嘅地方。冬陰功湯做得幾好嘅位在於佢個酸辣做得好平均，本身見佢奶白到呢隻色，諗住會好重奶味，但係飲落又唔會好覺，而個甜味都出到黎。個雞湯尚算不錯嘅，但係可能佢真係落得比較多雞，啲油有點多😂。至於主菜，我覺得個招牌燒豚肉飯尚算不錯，啲豚肉有啲似韓烤嗰種燒肉。滑蛋燒鰻魚個鰻魚中中挺挺，正常水準，但係個滑蛋可能煮耐左少少，冇想像中咁滑。同埋都食得出兩個飯底都係用泰國米，煮得比較乾身，個人覺得乾身嘅飯唔係好襯燒鰻魚飯，但係搭落燒豚肉飯都還可以。不過同行友人就覺得都幾夾，唔係太大影響。小食方面，整體上價錢都幾合理。而我嗌嗰個芝士雞翼

最近因為疫情，天時暑熱唔想煮嘢食嘅時候，喺餐廳外賣自取回家食都變成左大家嘅習慣。呢間泰國菜嘅外賣午餐都幾抵食，我哋今次叫咗三個餐回家食，我哋四個人都食得好飽好足夠。豚肉燒得好好味！好有泰式燒烤嘅感覺，好香口！以一份午餐來講肉嘅份量好多，啖啖肉好正！跟飯配嘅小食包括蛋沙律、中華沙律以及泰式魚餅，好豐富。另外仲加埋一個肉丸扎肉鮮雞湯，清清地都幾好。雞肉好多，唔會太油膩，感覺健康河粉幾滑，佢嘅湯底好似泰式船粉嗰啲有牛肉味的湯底，河粉連小小湯一齊食好夾牛肉好林好入味，肥瘦適中，啖啖肉！正！青咖喱加飯超好味！平時因為怕辣好少叫青咖喱，但係食落原來青咖喱感覺特別香，雖然有點辣但也一啖接一啖🤣我哋有跟餐餐飲，熱咖啡同埋熱薑蜜各加兩蚊，熱奶茶就唔使加錢。杯咖啡意料之外地香濃，好飲！薑蜜有埋薑絲在內，好夠味！奶茶都幾滑幾香濃。初頭以為佢嘅飲品都係普通餐飲，估唔到都質素幾高。我哋等外賣期間都見到呢間舖頭嘅客源源不絕，應該質素唔錯所以附近嘅人都經常光顧。的確佢哋嘅午餐都價錢合理又幾好味😊