筷子記

营业中

休息中

呢間係食澳門野嘅，下午茶由1400-2200，晚餐嚟食個三餸麵都係$33，中環黎講都算平到絕。三餸麵兩碗 $33+$33(馬交魚羹、澳門包心卷、 墨魚丸、澳門魚腐、冬菇、澳門魚片頭)(沙茶, 豉油)(粗麵)配菜挺有澳門特色，平日少見的魚羹和包心卷都有，最好吃的也是這兩樣，其他就普通正常。撈麵醬汁最好吃是沙茶醬，沙茶醬夠濃不會太鹹，來到記得試撈麵。豉油甜甜的也不錯，但比較普通。

筷子記可以話係我地一直以泥係中環既食堂🥢 平日行街定係今年去AIA玩之前我地都會去食 佢地係一間澳門招牌平民麵檔 真係要用平靚正去形容佢地😋我地多數都會食佢既3餸麵 因為非下午茶時間既3餸麵都係$36😍 我地2個就鐘情於佢地既撈米線 好似我咁我咁無咁重口味就推薦洋蔥汁 撈起泥少少甜甜地既洋蔥味 勁夾🤩 如果似👦🏻咁比較重口味就可以揀沙茶醬撈 食落少少辣 不過就更惹味啦😚 唔夠辣嘅話仲可以加辣 不過要留意番佢哋個辣醬都幾辣㗎💥餸方面我地就最推薦澳門包心卷 瑞士雞翼 青春魚肉腐皮卷 豬腩肉同麻辣豬頸肉啦👅 包心卷其實係魚肉包豬肉 澳門獨有 食落就係比較特別嘅魚蛋👍🏻 瑞士雞翼 豬腩肉同麻辣豬頸肉都腌得非常入味 好淋好好食😋 腐皮卷亦即係炸春卷 比較實身 但係撈埋啲汁食好惹味👍🏻😍最後就要講下佢哋嘅飲品 我最鍾意就係佢哋特飲都只係加$3 冷熱同價 加$3就可以飲到fruit punch 真係好開心 另外仲有好多飲品可以揀 包有一款合你心水😆

中環有好幾間出名的港式食店，筷子記就是其中一間家人嚐過招牌澳門平民車仔麵，定價份量。這天忙碌一番後身軀疲憊，寧願速速解決晚餐也不想捱著餓回家。店內格局狹小，唯保留著六、七十年代的裝潢，牆上貼了報刊雜誌的餐廳介紹。我們到達店鋪時，儘管已經是晚上八時半，沒有中午時段的座無虛席和長長的人龍，但依然是下午茶時段。 我點的三拼麵是小辣湯米線。由於不想晚上吃太油膩，撈麵便留待下回。有幾款配菜也是具澳門特色的，其中一款就選了配澳門包心卷，以魚肉包豬肉，其餘我就挑了咖哩魚蛋和冬菇，另外熱飲檸檬水再加三元（$ 37）。六粒魚蛋爽口有嚼勁，辣度十足，令原本比想像中辣的小辣湯底更濃。包心卷跟魚肉腸味道相似但比較天然。米線份量軟硬適中。冬菇也燜得夠軟和入味。口中麻辣由開始吃麵到吃完仍揮之不去，心中很需要杯冷甜飲。筷子記的車仔麵不算是很驚豔，但以中環區地段來說，可作為便宜又帶點特色的一餐。

揾食途中，見到個名幾得意，筷子記。個名都好澳門下，睇餐牌此餐廳提供澳門美食同車仔麵。價錢以中環地段來講又不算貴，就試一試好難唔好食嘅車仔麵啦。未食先興奮，下午茶時間2:00-10:00？張點車仔麵的餐單都幾搞笑，叫左個青春（蔥？）魚肉腐皮卷、咖哩豬皮羅白（蘿蔔）、沙茶醬魷魚加粗麵，另叫特飲熱羅漢果茶。＊青春look，其實咪就係一條炸春卷。蘿蔔夠甜加腍，豬皮亦入味，魷魚爽加沙茶醬味濃，青春好普通，整體車仔麵多料而味道唔錯，但個羅漢果茶太甜。結賬：$37 有點奇怪，個牌寫$33，加特飲$3，點解收多一蚊？原來姐姐講麵要加$1。

在中環要找個平平地而輕巧的晚餐，其實並非太難，但要早，因為很多茶記都晚上9點或更早時間收檔，一旦夜了，便要被迫捱貴餐。中環威靈頓街，可以一分為二，蘭桂坊那邊是高檔食肆和酒吧的集中地，而過了自動電梯後又是另一世界，有不少大排檔和小吃店，就好像這間澳門式小店，以賣簡餐例如車仔麵和豬扒包馳名，不過，晚上8點便關門，所以我經常都與之緣慳一面。今天早了點收工，沒有特別節目，準備吃些簡單東西，然後去做Gym。七點幾鐘，肚子不太餓，就來筷子記吃碗麵吧。這裡用紙仔點菜，三餸麵只賣$29，在中環來說，實在超便宜，恰巧店裡不停地播著林子祥的「最愛是誰」，實在有種時光倒流的感覺。澳門式車仔麵自然有澳門小食，我的三餸選擇亦是澳門嘢為主: 馬交魚羮、沙茶醬魷魚、瑞士雞翼，麵則揀了油麵(加$1)，而湯可選大中小辣，我選小辣。小辣的湯底其實很輕型，不吃辣的也易接受的，香料濃郁，又加了點咖哩，份外香濃。油麵質地很彈牙爽口，且很有實在感。餸方面，我認為以沙茶醬魷魚最好味，很爽滑，韌度也算幾好，不會過份地硬，且沙茶醬浸進湯內，令湯很惹味。而馬交魚羹和瑞士雞翼則一般貨色，未見突出。以$30來說，還想要求什麼呢，快快地吃完一