德美壽司

搬來大埔住了一個多月，發現周邊好多餐廳都沒試過，尤其經常經過翠和里巷仔見到呢間門外掛了很多燈籠的德美壽司，今晚一於入黎吃下晚飯。餐廳面積不算大，但座位寬敞，坐得都幾舒服，不論門外門內都有濃厚的日式居酒屋佈置。餐廳品牌都有相當規模，包括大埔這家店，總共有六家。餐牌食物種類亦相當豐富，壽司、刺身、鍋物任君選擇，還有多種清酒可選。今次點了︰1) 上壽司拼盤A ($238)這個拼盤共有九款壽司、兩件寫上"德"和"美"的玉子燒，魚生刺身，包括吞拿魚、三文魚、帶子等都是厚切大塊的，與壽司飯合在一起比例匹配，顯得飽滿。壽司飯是手握，米飯夠粘，不會一夾就散，味道新鮮。熟食方面，鰻魚壽司也不俗，鰻魚充滿香濃醬汁，肥而不膩。2) 三色魚生丼 ($130)這個丼是附送味噌湯和沙律的，飯前吃這兩個特別開胃。至於這個三色魚生丼相當足料，三文魚、吞拿魚、帶子都是厚切的，非常鮮甜，飯旁還有一隻溫泉蛋，混在飯裡，特別滋味!!3) 牛油果軟殼蟹卷 ($85)每次吃壽司必點的一道菜，軟殼蟹炸得恰當脆而鬆化，加上軟軟帶清香的牛油果，口感相當豐富又脆又淋。兩個人吃這三道菜都足夠了! 相當滿足。…查看更多

今日難得day off去左大埔踩單車，消耗左咁多卡路里，姐係有多左好多quota可以食啦！經過黎到呢間裝修好傳統既日式餐廳，決定入去試一試佢。門口同入面都好傳統，唔係常見既minimal style，因為黎得早，剛剛開門，唔洗等就有得食啦！一個人食所以都係係丼飯同壽司當中做決擇，最後懶得諗，叫個拼盤樣樣試齊。今日叫左個 上壽司拼盤($228)呢個拼盤都幾大份呀，足足9款壽司！包括呑拿魚壽司、三文魚壽司、池魚壽司、油甘魚壽司、帆立貝壽司、熟花竹蝦壽司、三文魚籽壽司、北寄貝壽司同沢庵卷，另加兩粒徳美招牌玉子。魚類方面都好新鮮，厚切無腥味，油甘魚同呑拿魚特別肥美。三文魚籽軍艦魚籽好多，食落啪啪聲，魚油味滲透全個口，好滿足。飯壓得不會太實，亦唔會一夾就散，入口溫度微暖，帶有微微醋香，所有野都剛剛好。玉子甜甜的作個結尾，令人非常滿足。之後仲有個芒果醬布甸甜品送呀，好滑身，幾香，好食！總結黎講，好開心食到一間服務好，又滿足既餐廳，埋單二百五十蚊，以日本野黎講，唔算貴，而且係好味既，補充反哂今日失去既卡路里，為假期橫上完美句號！p.s 6:30pm 開始餐廳都好滿場，無booking嘅都要等幾耐下，建議預先訂定枱！…查看更多