好德來小籠包店 (已結業)

好少上海鋪嘅服務態度會咁好：嗰日落雨，我哋一入到鋪頭，啲服務員就幫手收傘，然後放喺特定位置，唔使我哋整濕對手；走嘅時候，又幫手拎返把遮俾我哋！我哋慢慢睇菜牌，雖然係繁忙嘅午市時間，佢哋又唔會催我哋，服務一流！係員工嘅服務態度同鋪頭嘅裝修，睇得出老闆係待客之道同呢啲細節上，都好注重！今次同朋友一齊試咗好多唔同嘅菜式（見圖片），印象比較深刻係佢嘅招牌小籠包， $44一籠（有四個），價錢黎講算係偏貴，不過黎到冇理由唔試吓佢嘅招牌。至於抵唔抵試，就見仁見智啦！如果要我揀，我覺得值得推介嘅係佢嘅「排骨湯麵」（抵食又好味之選！ ！），$65嘅排骨湯麵，竟然係用大大塊嘅豬扒黎炸，啖啖豬肉，而且豬肉嘅肥瘦適中！佢炸得均勻脆口得黎，肉身仲可以保持彈牙口感，10分難得！

自從舊舖搬到新舖之後，其實只是街尾搬到街頭，就是不一樣，唔知點解，舊舖迫迫哋，反而有人氣，新舖，大了、好坐了，但就覺得冷清了⋯⋯今日中午帶朋友過來用膳，可能落大雨，只是得三數枱客⋯⋯看到點菜單，其實我每次都係叫嗰幾樣，總之久不久想食小籠包，就會過來拜會一吓先嚟個鱔糊湯麵⋯⋯一上枱，就知道鱔糊一定好貴，真係好細碟，而且好杰身，相信豆粉水落得太多上海粗炒每次想食小籠包嘅我，總會過來，因為香港真係冇乜幾間做得出色，好徳來嘅小籠包，確實唔錯雪菜肉絲炒年糕上海春卷，就是喜歡它炸得嚟唔算油膩另外必食鍋貼，水準不及從前最後是排骨湯麵，如果想食這排骨的話，一定要叫排骨湯麵，否則另加$40 ，好貴

呢晚離到佐敦搵食，對於本身係上海菜迷既我離講 有得食上海菜就開心，呢間係第一次食，幾期待7點前到步唔使等位，一行五人點左唔算多野食，同大家介紹下:小籠包食上海菜必點之選。大大隻好足料(肉同湯都係)!手拍青瓜呢個應該點都整得好味..哈哈! 不過半份又真係幾少 唔夠喉花雕醉雞又係上海菜必點之一。肉實、好入味!上海粗炒唔會炒得好油，熱辣辣幾好味!鮮肉小雲吞呢個好好味啊!雲吞好足料好香!蘿蔔絲酥餅呢個必須要試!!!好好味!!皮好酥脆，入面好多餡，熱辣辣超級好味!!銀芽鱔糊($138)呢個忘記影相就食左 哈哈!份量都多，炒得好香好夠味!糖醋排骨(半份 $35)都系吾記得影相!排骨好入味啊!不過..半份得每人一舊,又係唔多夠喉新嘗試，呢餐都幾滿足! p.s. 8點幾開始好多好多人等位啦，所以都開始明顯催我地走，不過服務員都好客氣有禮貌!