鳥羽名古屋料理 (已結業)

係同事既推薦下,一行六人黎左呢間以鳥羽,即係雞翼出名既日本餐廳黎食晚餐聽同事講原來佢係日本真係有營運架係香港第一間專做名古屋料理的日式餐廳我地係閒日既7pm黎到,店入面人唔係好多係訂左位既情況之下,餐廳準備左一間和風既小房間俾我地,太好了,傾計可以好大聲~哈哈地方係乾淨舒服既入房之前要先除鞋因為人多既關係可以試好多款式既野食,很快就上菜了 ~~開胃前菜篇~~ 牛油雜菌:算整得幾香滑,有金菇亦有冬菇炸腐皮溫泉蛋:十分好食+有特色既一個菜, 腐皮炸得香脆,薄薄既一層入面既溫泉蛋有熔漿既感覺,好食呢個後黎有encore一碟有4個,可加至6個為一碟 ~~雞翼篇~~一分有12隻,亦可有少啲既分量手羽光唐揚(甜味):雞翼望落好細隻,燒得好乾身下再淋上一點點醬汁,灑上一點點芝麻味道冇咩大驚喜,入面既肉亦燒得比較乾手羽光唐揚(小辣): 一拎到黎既時候有一股好重既胡椒味,同事話食落最好用黎形容啲味粉既係- 媽咪公仔麵味其實又真係好似....

這餐廳幫襯了三次, 這是第二次來幫襯的食評---今次四人來到, 開飯 Lu ! 餐廳裝修係一般居酒屋格局, 分左上下兩層,.上層係一般堂座座位同廚房吧位，而下層就係獨立廂房同塌塌米, 而上層嘅牆架上放滿左瓶裝清酒牆, 都好有趣, 餐廳燈光較暗, 枱與枱位之間的空間適中, 不會太迫, 地方不算大, 感覺舒適. 起新以為 此餐廳賣雞翼及名古屋食物為主打, 但反而其實感覺上以賣清酒為主打, 因為款式好多, 侍應可以專業地介紹每款酒的特色, 實在小見 , 讚首先自動來了個前菜- 鴨胸 , 味道一般 , 無什麼特別 ! 之後叫了杯鬼太郎系列-呤釀, 正, 易入口, 又香又純, 飲完想再飲, 原來鬼太郎系列共有3款, 飲完後可幫顧客包好, 拎回家收藏 ! 果然服務週到 ! 讚隨後叫了--秘製名古屋炸雞翼： 餐廳主打菜當然係雞翼啦 。我地叫左辣及唔辣黎試。辣的表面有胡椒粉, 幾香口, 不會覺得油膩 , 可惜雞翼內裏較乾身, 肉也不夠厚 , 如果改用較厚肉再加上保留到翼內的汁就非常好 ! 如炭燒就更正啦 !池魚薄切及平政魚薄切：池魚切得真係夠薄，賣相非常得。魚肉鮮甜，一d都唔腥；酸汁都教得好好，唔錯

環境：（全晚播放住平井堅既歌，好啱我口味。）1)　兩層式設計：上層為散枱式，下層為私人房間式。概念好，不過有一點唔係好明，雖然有升降機，不過所有下層既顧客出入都必須經過上層上落樓梯，好似唔係好歡迎年紀大或行動唔方便既人士。（環境分被扣既主要原因）2)　上層個＂酒牆＂，如食評們post 嗰 d 相般咁靚。室內裝修以木為主，加上光線柔和，簡單得黎唔會老套，感覺好舒服。3)　我地一行七人，自知說話音量頗大，所以訂坐時要求有私人空間。我地被安排坐下層一間tatami房：雖然係唔洗跪嗰隻，不過我地係要爬入去既，同行既大部分為花甲長者，而且身材有返咁上下，所以坐得唔係好自然，更可以話係唔舒服。　4)　我地所有人都好欣賞個男女共用既洗手間，因為夠大，同埋個門鎖實在太別緻。相中係洗手間內嗰個門鎖，按紅鈕時門會自動鎖上，再按一下會解鎖，只要按下面既門制門就會自動打開，非常衛生方便。唯一問題係抽氣做得唔夠，越夜越焗，除左洗手間味，重有勁油煙味。（衛生分被扣原因）服務：態度誠懇有禮，唯獨人手及經驗不足。1)　下層伙計數目最多三位，好多時想加野食都搵唔到人。2)　因為當晚有位客人係敏感日本米酒既，所以喺電話訂