味一番

营业中

休息中

同朋友去咗間高級料理可以食omakase但我見佢個à la carte Menu都超吸引，所以我就散嗌嗌咗個日本冰菜拼蕃茄沙津冰菜唔係雪凍咗有冰碎喺面所以叫冰菜而係佢本身葉表面嘅氣泡睇落好似雪過咁食落口除咗感覺脆仲食到佢充滿水份、配上薄淡麻醬味 真係好正嘅開胃菜！串燒方面我嗌咗燒荔枝卷薄切豚肉被荔枝味覆蓋好juicy，荔枝真係爆汁😱甜到會心微笑燒豬大腸以超薄切上第一次見豬大腸可以咁切十分脆口，一啲肥肉都無係超值得試！串燒牛舌十分厚肉牛肉味超濃 係超濃😭超咬越有嚼頭 係令人感動嘅味道估唔到會有燒白鱔佢起咗骨 層皮燒到勁脆口白鱔味道真係愛白鱔者先會明嗰份油香真係無第二種魚可取代🤩試咗店員推介嘅自家製雞肉棒肉棒下層墊日本蛋蛋黃 和醬油打勻食融和到我想連個醬油飲埋😭舞茸天婦羅一點都不油膩舞茸原產日本，含有非常高蛋白質，屬低脂肪高營養的珍貴菇類，用嚟炸真係一絕十分能保存舞茸菇嘅juicy唔係度度有得食😭再唔係都要去日本先有我見朋友嘅omakase連拼盤都係逐件上單望住師傅刀功細作已是一種藝術哩餐真係食得我超滿意！

好耐冇見既美容師妹妹生日,當然要同佢食番餐啦! 原來佢想食秋刀魚,可惜季節已過,冇得食喇! 但我地都係依然去番我地相熟既味一番,起碼開瓶唔收又有折頭!! 英氏兩兄弟依舊熱情款待,好有親切感. 當然食物質素得,服務又得,點可以唔去幫襯呢!!!BB油甘魚刺身 - 好特別未食過. 原來肉質好嫩,好滑,不過味道淡過平常食既油甘魚. 但肉質細緻感覺係冇食過.鮟鱇魚肝 - 係自家製,師傅蒸熟魚肝再醃製. 果然係有鮮味,冇一般醃味過濃. 赤貝刺身 - 好爽口又有鮮味!島池魚 - 即深海池魚. 呢個厚切口感十分好,而且肉味濃,比起一般薄切池魚只靠個汁醬好食好多!!酢鯖魚壽司 - 又係自家製. 醋味唔過濃,完全食到魚鮮味. 起初都好老實話佢知只覺得新大壽最好食,原來呢個魚味更出,間直一絕!!! 另外飯粒亦軟硬適中. 難怪老闆話李思捷黎親都要食起碼半條!!串燒牛舌 - 見過咁厚既牛舌味!!! 燒得剛剛好,中間仲係少少粉紅色架!! 哎落十分爽口. 真係每次食都咁有水準.炸蠔 - 全晚最失水準. 問問老闆原來係新廚負責整. 冇用吉列炸漿唔脆. 蠔本身亦唔夠鮮甜. 我地一人食一隻後,同老闆講,佢就取消左喇.燒銀

第一次偶遇係再對上一次八號風球,因為做完facial要食埋先返屋企. 去到門口問問收未,佢地話可以. 咁就入去係八號風球下咗呢度第一餐. 呢度已經係每星期光顧,唔兩次都起碼有一次. 當然因為食物質素唔錯,再加上熱情老闆免開瓶啦!! 食到而家,覺得唔可以唔為佢地寫番篇食評讚讚佢!!螢光魷魚 - 極之肥美! 食過最肥美多汁嘅螢光魷魚!炸無骨雞翼 - 冇骨,味道唔錯,簡單,美味!蒜片炒雞腎 - 腎片爽口又有蒜香,送酒一流!!!吉列炸蠔 - 外皮薄又脆,雖然唔係每隻蠔都肥美,都已經唔錯.串燒雞皮 - 脆香,正!!!串燒牛舌 - 又厚又爽,非常唔錯!鹽燒美國牛小排 - 好嫩又有牛味,超水準!!燒雞肉軟骨棒 - 味道,口感都好正!! 值得推介!串燒鰻魚 - 魚皮焦脆,魚肉甘香,不過份量太少喇!!鹽燒鯖魚 - 燒得香口又有油脂,美味!!因為食物唔錯,已經係上星期同友人係呢度搞生日會. 有獨立房間,師傅為我地寫菜,十分滿意!! 努力!!