鳥羽名古屋料理 (已結業)

衝住佢個鰻魚飯有三食先嚟，見評價好似唔錯，所以對個鰻魚飯好大期望。諗住早啲去，唔洗book檯，點知去到淨翻吧檯位，其他檯都book曬。由於時間尚早，加埋我哋得三檯客，一店員遞咗餐牌後，幾個店員一字排開企曬我哋隔離，感覺好怪，好似有好多對眼望住咁😑。最主要為咗個鰻魚飯三食而嚟，所以唔諗住再叫其他嘢食，兩客燒鰻魚飯 + 一份串燒牛舌就夠啦。後來先知lunch time個鰻魚飯先$198，抵食好多。- 串燒牛舌（$58）店員遞上牛舌，香味撲鼻，燒得啱啱好。牛舌肉質厚身，而且juicy，仲有好濃郁嘅牛味。正！！！- 名古屋特製燒鰻魚飯（$288）店員遞上鰻魚飯後會目無表情咁「快速」講解食法後就即刻走咗去，咁嘅服務態度？鰻魚肉質新鮮肥美，飯有飯香，配合燒汁一齊食，口味不過不失，但無想像中咁好味。嘗試三種食法後，個人覺得第一種原始食法會更好帶出鰻魚、米飯、燒汁本身的味道。Ummm... 覺得唔抵食同埋咁嘅價錢唔值。服務態度真係有待改進。

一行十數人相約到銅鑼灣敘舊，友人經已預先做了資料搜集，從駱克駅雲雲的特色食肆中，鎖定了鳥羽名古屋料理(Toba)。Toba樓面不算大，想不到從木樓梯往下層走原來別有洞天，正好為我們安排到一個榻榻米style廂房。廂房佈置得非常雅緻，私隱度又高，有如private dining般的感覺。 上級什錦刺身 (Grade: 3.5/5)二話不說，先來一道上級什錦刺身，試試名古屋的刺身有什麽不同。或許大家實在太肚餓，亦可能是刺身實在太味美，因此短暫的數分鐘只有靜默，大家都不作一聲只集中專注力將兩個order的什錦刺身吞噬。 炸腐皮温泉蛋 (Grade: 4/5)招牌菜當然要細心品嚐，軟綿綿的日式腐皮，包着温泉蛋炸至金黄，再中間切開上碟。腐皮炸過後不油不膩，似海綿仍富彈性，而温泉蛋依然流心，混合一起入口軟滑而具層次感。 串燒豆腐 (Grade: 3.5/5)比較少吃這般大塊的串燒豆腐，這份量足足等於平常的四倍! 豆腐皮炸得金黃香脆之餘，還有些少煙靱的口感。 秘製手羽先 (Grade: 5/5)秘製手羽先是Toba另一道招牌菜，食神坦言是個雞翼痴，自然愛不惜手，入口的感覺果然很新鮮，新鮮皆因雞肉醃得

知道呢間鳥羽名古屋料理餐廳已有一段日子，但遲遲都未有機會試到，但試完之後竟有一種相逢恨晚嘅感覺！唯一可惜今次午市到來，下次晚餐到來時一定要再嚟呢間居酒屋狂食串燒豪飲清酒！餐廳裝修係一般居酒屋格局，由於樓層面積細，所以分左上下兩層。上層係一般堂座座位同廚房吧位，而下層就係獨立廂房同塌塌米。而上層嘅牆架上放滿左330毫升瓶裝清酒牆，如果大家睇中有心水就咁拎落黎就得，每支盛惠$78。名古屋秘製手羽先唐揚($48/5隻)，有分原味，中辣同大辣三款。今次叫左中辣試，辣度適中係我還可接受嘅程度。我之前睇過唔少關於呢味炸雞翼評價，絕對係毀譽參半，因為佢唔係肥大肉厚，啖啖雞味果種，而係燒得乾身惹味果種，最適合佐酒。其實雞翼本身用左咩醬料烹調我唔打算去理，味道係點心裡有數，總之我食得開心過癮就夠...串燒牛舌($28) - 牛舌質素其實唔係一般貨色，但勝在師傅功夫到家，燒出黎嘅牛舌幾有水準，而且竟可以燒到Medium Rare，實在有啲意外驚喜！砂肝唐揚($38) - 酥炸雞腎是也！炸得火喉啱啱好，入口唔會太乾，咬落亦唔韌，絕對係一級佐酒小食！串燒廣島蠔($28) - 外型上其實真係幾肉酸，好似隻蠔火災