小曼谷海鮮燒烤屋

营业中

休息中

就在宋皇臺MTR附近的泰菜館，食物種類多，味道正宗，價錢親民。是日天陰陰下起大雨，找個地方避雨，順便歎個下午茶。海鮮孖寶 Seafood Combo $238選擇了牛油蒜蓉燒蟶子皇3串及燒脆皮白鱔2串，2款都是平時大愛的海鮮類。白鱔無骨啖啖肉，鱔皮燒得煙韌微脆，略有魚油膠質感。蟶子皇基本上不會有伏，牛油蒜蓉更是不敗的調味，特別是還加入了小魚乾，令口感更加豐富。黃咖喱雞肉配原味烤薄餅Yellow Curry Chicken w/ Pancake $42下午茶餐比預期份量多，烤薄餅上桌酥脆熱辣辣，2大塊好有誠意。黃咖喱質感濃厚Creamy重椰香，深得我心，還帶有雞塊、薯仔和洋蔥的甜味。以薄餅沾上厚厚一層黃咖喱一口吃下去，美味滿足，價錢還只是$4x，值得大推！冬蔭雞肉炒公仔麵 Thai Fried Instant Noodles w/ Chicken $42賣相不怎麼樣，但勝在有不少蔬菜，公仔麵也炒得乾身不油膩。冬蔭公味濃郁，辣度適中夠惹味。餐飲半價轉椰皇，冰凍清甜透心涼。串燒(豬肉及雞肉) (各1串) Skewers (Pork & Chicken) $25下午茶餐加$25可以有Extra

一直都有聽聞九龍城的「小曼谷」很好吃今日終於有機會試一試啦！推介：「泰式鮮蝦炒金邊粉」必點的菜式！跟之前在泰國吃的沒分別！很地道和入味！ 下次有機會都一定會再吃！「芒果沙冰」很推薦！ 芒果味很濃很甜～可以中和菜式的辣味～但顧著喝，忘了拍照😂「串燒」只點了牛肉串和雞肉串都很滿意～ 尤其是牛肉串，很出色！ 牛的質感很嫩滑而且味道也好入味！ 讚！ 「生菜包」也很不錯！ 但後勁有點強，有點辣不吃得辣的要小心呀😣如果生菜可以無限添加就好了，哈～

4012椰青 $38個日叫左兩個 因都幾新鮮啲椰青 同埋啲肉好嫰滑 價錢比起其他泰國餐廳算係平☺️ 良心😍2706豬肉碎生菜包 $82生菜新鮮鮮甜 肉碎可以再辣啲同酸啲就prefect池啦～✨3108泰式鮮蝦炒金邊粉 $88酸酸甜甜既金邊粉 金邊粉唔會痴埋曬一舊舊👍🏻1002牛肉沙嗲串燒 $161006雞脾菇沙嗲串燒 $16串燒正常2606黃咖喱雞肉（走青）$88咖喱好香濃☺️ 好食 不過雞份量多多小小就滿足了🥰提提大家 個到有人會唱歌🎤 不過太嘈唔係太聽到個歌手唱咩😢

搵食行遠d今日黎到九龍城既小曼谷海鮮燒烤屋！因為疫情既關係每張台都設有隔離板，完全見唔到其他食客自然食得放心。講返d野食先！串燒雞肉：嫩滑，入味雞全翼：惹味，大大隻雞腎：極爽口牛舌：夠大塊，夠厚肉，肉質好林好好食冬蔭公湯：係泰國既味道呀！開頭飲覺得唔夠辣，點知飲到最後凍凍地就勁辣，2隻蝦勁大隻勁新鮮！青咖哩豬：偏甜既咖哩，香口又開胃泰式芝士烤薄餅：極出色！烤餅好鬆脆，芝士勁香，配埋d青咖哩真係超好食，極推薦！泰式木瓜絲沙律：前菜叫木瓜沙律實冇死！泰式飛天炒通菜：好食！夠辣！通菜好新鮮！香葉辣椒豬肉碎炒飯：普通泰式炒飯冇乜特別最後呢餐食左成8舊水，不過真係勁滿足，可以一戰再戰！

約了早前去外地旅遊時認識的朋友相約今晚食飯，本身諗住去旺角食放題，怕塞車，所以最後揀咗去九龍城食小曼谷呢間泰國菜。小曼谷門面非常之吸引而且有吹氣公仔好得意招手招客人入去食野🤣我哋三個人入到去就拎起餐牌快啲叫嘢食，因為八點幾已經好肚餓了。餐牌內容非常之豐富簡直眼花凌亂，最後叫了馬拉盞炒通菜，泰式生菜包，泰式生蝦刺身，炸蝦餅（小的有3件），仲有叫咗雞肉串、雞軟骨串、燒魷魚鬚各三串。馬拉盞炒通菜唔太鹹唔太辣味道適中，非常之好味小曼谷嘅泰式生蝦刺身簡直係冇得彈，因為虎蝦肉質爽滑，配埋店內嘅泰式辣醬真係好好好味，每人食完都好想再食多次碟🤣生菜包就正正常常，個生菜份量略嫌有D少，但豬肉就好多份量。炸蝦餅啖啖肉，外脆內熱，雖然熱氣咗啲但真係食到舔舔脷，亦都係值得encore嘅一道菜雞肉串，雞軟骨串，燒魷魚鬚串，三者味道都非常之好，其中以魷魚鬚最為惹味，所以我哋三個人最後叫多咗三串燒魷魚鬚同埋試多個燒墨魚咀，冇計啦！真係好食所以唯有encore。飲品方面我就叫咗個好鮮甜嘅椰青飲最後仲叫埋個芒果糯米飯食，芒果好鮮甜糯米飯好熱辣辣，配埋食真係一流，非常好味！總結3個人食了$1076 但食得非常之開心 環境

今日要去附近醫院探媽咪，有少少餓，一落車就係小曼谷，前幾日買咗3張團購優惠券，$60可以當$100用，既然都到啦就用返張當然要食返必食嘅蒜蓉包，因為呢度嘅蒜蓉包的確做得幾出色，牛油同蒜蓉味都好香，麵包又烘得好脆，$30有4塊由於之後仲要食飯，所以唔敢食太飽叫左3串串燒，分別係雞全翼，牛舌同牛肉牛舌個味同我平時食開既唔同，呢隻較腍身，食落個味似牛楠，好難咬得開，我個人唔太鍾意呢個味，跟住就係雞翼，味道普通牛肉串味道加埋個沙嗲醬都ok，串燒味道整體合格埋單加埋一係101.2，原來起初我計錯數，加埋只係$92，但優惠卷係$100既，咁我問店員我係咪可以用埋果$8，佢話我唔知，總之你而家補返$10加一錢，我話咁我叫多樣野，佢話你自己鍾意，你叫多樣野都係要收加一，咪比多d錢囉，仲要勁大聲，搞到我好似比人鬧咁！真係好後悔買左3張優惠卷，而家仲有2張，希望下次唔會再係咁雖然話係$60買$100，要按原價加一，其實變相係7折，同埋餐廳食品既定價都唔低，所以都唔係叫到好多野食小Tips: 買左團購既朋友如果真係想食得抵既就唔好超出優惠卷價錢太多，計一計總數先落單😃

Hi 因為兩個月前買咗團購由於買完要三個月內用所以其實都差唔多到期啦 要搵個時間用咗佢所以今日特突去到九龍城食呢間小曼谷海鮮燒烤屋我仲特突打電話去確認下係咪用得啦當然話book位 佢就答我兩位唔駛book walkin可以咁我地大約七點半去到呢間嘢門口叫我等一陣 唔駛五分鐘就有位坐啦但係坐出面嘅咁今日唔熱 坐出面所以都冇所謂咁望下餐牌食咩 大致上係有串燒 海鮮 咖哩 飯 粉 嘢飲咁我地諗咗一諗決定食個鮮芒海鮮炒飯同睾金邊粉 仲點咗三串串燒 再加珍多冰同埋青檸梳打等咗一陣好快黎咗碟鮮芒海鮮炒飯比我想像中仲要濕 有啲濕過頭所以口感唔太好其實跟住就黎碟泰式鮮蝦炒金邊粉呢碟嘢冇砂糖嘅食咗都淡淡地 味道唔夠 冇乜火喉唔太出色跟住就黎咗兩杯嘢飲青檸梳打冇乜味唔知點解好淡嘅感覺連粒青檸都冇味最慘烈係珍多冰好酸 酸過酸奶好似變咗咁嘅味 好難飲最後黎碟串燒燒墨魚丸好食帶子普通 好似冇燒烤個陣風味雞臀唔掂 完全唔爽 好靭 完全唔好食 又難咬蠟腸一般般 都算ok嘅另外有人現唱唱歌既有人唱LIVE 叫有歌聽下感覺都好OK只係食物覺得唔太掂原價390蚊用咗團購實際190但團購都要比錢嘅所以人均消費為165蚊我覺