蘇媽.蘇媽馬來西亞茶餐室 (已結業)

之前自己食過幾次，今日諗住帶埋屋企人試吓環境 4/5地方闊落，可能因為生意唔多，所以都坐咗張8人大枱服務 3/5 用QR code落單，無主動提供水，都無熱水提供食物 3.5/51. 辣死你嗎配牛肉舖頭其中一樣招牌菜，可以跟唔同嘅肉類。個飯係用斑斕一齊去煮，所以睇落係綠色，都幾有趣。牛腩煮得軟腍入味，份量都唔少。2. 砂鍋老鼠粉其實個質感係銀針粉，用砂鍋上熱到好夠，自己攪拌嚟食，配料都唔少，但如果有啲肉類喺面會更好3. 雜錦串燒最欣賞係可以自己Mix and match，要咗兩牛一雞。沙嗲醬調得偏甜，啱晒啲唔食得辣嘅朋友，火喉同肉質都算唔錯4. 班蘭咖央多士呢樣係我本身幾鍾意食嘅小食，麵包夠脆，如果加埋厚身牛油會更加好味邪惡5. 肉骨茶揀咗豬腳彎，肉質軟腍，湯底可以更加重藥材味，如果再有胡椒味就更好整體 3.8/5

今日下午出開尖咀，經過見到啲間蘇媽蘇媽個門面都幾有特色，就入去試吓。其實之前都聽過啲間店，出名食馬來西亞菜，而且個肉骨茶都幾出名。一入去右邊係一個西餐酒吧嘅格局（之後先知原來係另一間店叫蘇爸，唔通係兩公婆開嘅？😂）再行入去，就即刻好有馬來西亞店嘅風味，好有特色。佢個lunch set都幾抵食，由$62-88不等，比單單菜單係平左不少，而且包一杯飲品，仲可以加$38多個小食。我哋一行二人叫左個一字骨肉骨茶，一個椰香飯烤雞脾，加左3串串燒。辣死你嗎配烤雞脾 （$68）👍🏻👍🏻👍🏻👍🏻雞脾好嫩，皮夠脆，而且有一陣玫瑰酒（應該係🤔）嘅味，幾有特色。另外佢個斑斕椰香飯都係出色的，淡淡嘅斑斕帶點椰香，好清新，再加埋佢個秘制醬汁非常配搭。整體唔會好濃味or好油膩，我覺得幾適合女士。細肉骨茶一字骨（跟白飯）（$88）👍🏻👍🏻👍🏻👍🏻雖然lunch set係細份，但份量都唔算少。佢會先黎一碗肉骨茶湯，甜甜地好有藥材嘅味道（當歸），跟住會有一煲肉骨茶，有2大舊一字骨。肉好淋好入味，再配合秘制醬汁好好食。另外湯係可以添加的，值得一讚。美中不足係佢個湯本身唔太熱，再加上冷氣大，個湯好快已經凍左。個人覺得湯係熱

喺蘇媽蘇媽嘅一個下午，感覺好似去左馬來西亞旅行，除左佢裝修好有feel之外，佢當中有部分餐點，我覺得都值得一試。咖央多士平日我係唔食咖央多士，但哩個值得一食。佢特別嘅地方在於加咗斑蘭，令到成塊多士都好香，唔會得個甜字，而且多士烤得非常香脆，黎到一定要試下。馬來黑叉燒馬來黑叉燒食落甜甜地，燒得幾香，而且叉燒偏瘦，如果平日唔鍾意食太肥叉燒嘅可以試試，整體都唔錯。馬來西亞拉茶奶茶有香料嘅味道，幾特別，飲落唔會太甜。招牌砂煲老鼠粉老鼠粉上面再撈左啲魚乾、肉碎，仲有一隻半生熟雞蛋，食落普普通通冇咩驚喜。串燒串燒冇特別燒得香口，配埋沙爹醬，味道都係正正常常。玻璃魷魚配通菜通菜配左辣醬，上面放左灼熟左嘅魷魚，少少辣。