鐵花村 (愛群商業中心)

营业中

休息中

九份芋圓（溫）賣相：🐧🐧🐧🐧🐧味道：🐧🐧🐧🐧🐧芋圓色彩鮮豔奪目，圓潤有光澤，十分誘人。咬落口感煙韌軟糯，帶有淡淡的芋頭香氣，配合溫熱的甜湯一起食用，甜蜜滿分，令人食指大動。隨湯附有珍珠、紅豆、仙草等配料，令整體味道口感更豐盈，滋味更佳。🐧❣️芋圓亦可選擇凍食，同樣美味又出色🥴 南瓜起司蛋餅賣相：🐧🐧🐧🐧🐧味道：🐧🐧🐧🐧🐧餐廳創新之作，少見地採用新鮮南瓜和起司作為內餡。南瓜的甘甜滋味意外地與芝士的鹹香十分契合，食落味道既濃郁又鮮甜，輕盈不膩，加上蛋餅的蔥蛋香味，更是惹味非常，驚喜之選。台東米苔目賣相：🐧🐧🐧🐧味道：🐧🐧🐧🐧🐧由於食材運送有限制，餐廳採用口感類近的銀針粉取代米苔目，但食落同樣地道出眾。米苔目湯頭充滿濃濃的柴魚香氣與肉燥，再加上清爽脆口的豆芽菜、韭菜，滿滿一碗非常饜足😋 炸花枝丸賣相：🐧🐧🐧🐧🐧味道：🐧🐧🐧🐧🐧花枝丸大大粒十分足秤，火喉控制極佳，炸得金黃酥脆，內裡丸肉扎實爽彈，嚼勁十足，鮮美甘香，油而不膩，令人回味無窮，邪惡滋味小食必點。百香果紅茶配芒果星星蜂蜜鮮檸烏龍賣相：🐧🐧🐧🐧味道：🐧🐧🐧🐧🐧果茶們少見地不採用果味糖漿，反而選擇新鮮台灣果汁加入茶中作調味，令果茶的甜味更自

行經北角，發現這間裝修非常別致嘅小店十分吸引。入內後發現原來係食台灣菜。老闆來自台東，來港開食店更推廣台東旅遊文化及特色美食。四周都有手繪壁畫，台東旅遊地圖及名勝介紹，尤如去了一趟台東旅行🧳 感覺好文青好休閒~食物方面選擇甚多當然少不了各款台東地道小吃😋價錢亦相當實惠，餐廳仲不設加一。馬告酥炸魷魚鬚 $40份量好多，魷魚鬚每條都有手指咁粗👍🏻炸粉唔會好厚有鹽酥嘅鹹味，香口惹味。蚵仔麵線$40麵線糊濃稠適中，感覺係湯羹而唔會係開粉黏口的糊。麵線幼細滑溜溜 ，加入許多新鮮肥美嘅蠔肉，差不多有10多隻，每一啖都吃到蠔肉，美味超爽！蚵仔煎$40以往喺台灣食嘅蚵仔煎都係炒成一堆，這裏賣相相對份外精緻，像塊小型pizza，薯粉同蛋嘅比例啱啱好，仲有銀芽和許多蔬菜，特別爽口清甜。撈勻醬汁更加美味!九份芋圓(溫）$35分量十足，三色芋圓勁Q 彈並帶點粉糯，伴以紅豆、珍珠、仙草凍，灑上桂花更散發一點清香，味道超正，二人share亦啱啱好😋👍🏻蜂蜜鮮檸紅茶$25紅茶味道濃郁，加上蜂蜜鮮檸清新解油膩。大部份食材都由台灣直送，製作出巧手台東美食，價格實惠讓人想一再光顧😍

📌 鐵花村 (愛群商業中心)📍 北角丹拿道18號愛群商業中心地下6號舖☎️ 28612468*☼*―――*☼*―――*☼*―――*☼*―――*☼*中午途經北角丹拿道， 見到一間台式小店，在門外抬頭望見連門牌呢個細位都用上台灣style，好特別。進入食店時聽到店員都係講台灣口音嘅國語，店內天花掛咗好多孔明燈，好有🛫飛咗去台灣嘅感覺。💫肉鬆起司蛋餅（$35）蛋味香濃，蛋餅皮乾身，煙靭得黎有彈性，厚薄適中。包著嘅肉鬆分量亦不少，上枱熱辣辣即刻食，起司喺蛋餅入面半溶，濃郁起司夾埋秘製醬汁，咸度啱啱好，我有信心講係我喺香港食過最好味嘅蛋餅！同友人分享完後都仲想自己再啪一條！！💫酥炸魷魚鬚（$40）魷魚鬚 軟而彈牙，好爽好有咬口，一食就知非常新鮮！外層炸粉白白淨淨，一定唔係用千年油。薄薄地唔厚粉，非常乾身唔油膩！好脆口！食晒都無熱氣嘅感覺。正！💫蒜味台灣香腸（$35）腸肉肥瘦適中，蒜同腸切成薄片，夾埋一齊食，一口腸一口蒜，少少辣味再加強吊出香腸嘅鹹甜香。💫蚵仔麵線（$40）賣相好開胃，啜一口湯羹，入口好正宗，好似身處台灣食麵線咁！麵線條條分明唔稀爛！蚵仔圓卜卜好飽滿唔腥。另外入面切咗少許紅蘿蔔絲，食

台灣俾人嘅印象一直都係滿滿的人情味（和美食！）。最近屋企附近開咗間來自台東嘅小店，以台東景點鐵花村命名，店內有好靚嘅彩繪熱氣球燈、手繪牆畫同台東旅遊景點介紹，加上熱情嘅店主招待，令人感覺好親切，食完更加掛住台灣啊～下午茶時段嚟到有抵食茶餐，有多款台式小食揀仲附送指定手搖飲品（其他飲料有半價優惠）。滷肉飯嘅半肥瘦豬肉滷得入味，入口即化，拌飯一流！依度嘅滷肉飯特別在加咗台灣肉鬆，米飯以珍珠米混合紅藜，香口得嚟更有營養價值。肉鬆起司蛋餅餅皮厚薄適中口感軟Q，配上簡單嘅餡料，熱辣辣食特別好味～店主亦推介咗兩款小吃－五味醬白肉甜甜辣辣幾開胃，薄片白肉配上秘製醬汁一啲都唔覺肥膩。臭豆腐係夜市嘅味道（好懷念！），豆腐由台灣入口，炸出嚟金黃酥脆，醬汁唔落太多，配埋台式泡菜，十分回味。手搖飲料走健康路線，味道天然甜度易接受－鳳梨奶蓋烏龍嘅甜味嚟自鳳梨汁，奶蓋輕盈絲滑帶奶香，珍珠奶茶都係回憶中嘅味道。最後唔少得一份九份芋圓－芋圓地瓜圓Q彈軟糯，配搭粉圓、仙草、紅豆，淡淡嘅甜味加上桂花點綴，賣相更靚。店主話夏天會推出剉冰，好期待呢！