唐宮小聚 (荃新天地)

营业中

休息中

食物加價，乳鴿縮水又唔入味，以前一開四，而家只能一開二，以前必食，一人一隻。最離譜係收銀處我排第二等比錢，排第三條友隊張單出嚟，收銀處另一阿姐(我入座時佢負責門口帶位)拎卡機出嚟幫佢埋單，我問阿姐係咪唔使排隊，阿姐咿咿哦哦就咁同排第三條友行左去。食飯途中因人手不足，已見幾個staffs嘈左幾句，”今日得幾多人返，成個後場得我一個，仲要指指點點”我係唐宮會員，疫情前已成日幫襯，而家價錢加同服務差，可入black list

荃灣特色中菜點心玩味十足嘅裝潢▫️乳鴿乳鴿即叫即炸，熱辣辣皮脆肉嫩，唔會燒到好乾唔會覺得油膩，又多汁仲好細心提供獨立包裝膠手套好味～ ▫️和牛啤梨🍐點心造型好可愛黑椒和牛鹹水角外脆內熱好濃嘅黑椒味 ▫️大肚婆炒飯蝦仁紅米炒飯🍤好足料有蟹肉、蝦、脆豆、粟米等除咗紅米仲有薑米啦炒得夠乾身香口 ▫️西蘭花苗西蘭花新鮮爽甜配上豬油渣炒得好夠味一齊食好香口 ▫️朝朝有餘剁椒魚蒸餃比較厚身嘅水晶皮包著剁碎煙燻辣椒、魚肉同海鮮餡味道微辣

今次想同朋友搵個地方食晚飯，可以傾偈坐耐啲疫情之下要10:00關門好多舖頭都有限時用餐咁啱朋友介紹依間無限時，環境又坐得舒服😌而且可以每樣餸細細碟咁樣叫嚟食又或者可以食點心添唔同一般酒樓一碟餸好大份呢度份量適中，可以試多幾個唔同嘅菜式-乳鴿我哋一行四個女仔，所以叫咗兩隻乳鴿每人半邊就啱啱好啦乳鴿唔會燒到好乾$39一隻來講，都算係唔錯啦黑金流沙包食嘅時候真係要小心心急咬落去嘅話 可能會比入邊嘅流沙焫親唯一美中不足嘅係流沙包一上枱嘅時候已經穿咗同埋包身有少少凹咗落去影響咗個賣相不過唔關衛生問題事，所以都冇特別要求換冰鎮咕嚕肉上枱嘅時候好有驚喜啲乾冰溶緊，然後成盤咕嚕肉好似出煙咁好有視覺效果，非常打卡able咕嚕肉冇咩肥肉啱晒我配埋唔同嘅生果，食落成個感覺好清新得意小豬見到幾乎每一台人都會叫！豬仔布甸上枱嘅時候震騰騰，真係好得意呀！布甸質地偏向實淨，味道唔會好甜小豬係極度打卡able之選

晚上一行4人6時30分到達唐宮小聚，不用等候便可入座（可是後來不久便坐滿了，可見餐廳人氣滿滿！）由於是乳鴿買一送一優惠的最後一天，我們點了6隻乳鴿（開成12邊），確保每個人都吃得非常滿足，一大盤乳鴿上檯，光毛乳鴿的色澤已食指大動，這裡的乳鴿真的超好吃，不只口質酥脆，肉質肥美又夠入味，連骨頭都有味，啖啖咬下去充滿滿足感；由於吃了很多乳鴿，其他菜點不多，試了肉鬆抓餅，味道也很不錯，餅皮是蔥油餅口感，很香很脆，咬下去滿口肉鬆和酥餅，卻不會太油膩：甜品叫了小豬奶凍，捨不得食小豬哦！當然拍完照還是吃下去，不只精緻，味道也很棒，整頓晚餐吃得很飽足！

唐宮小聚係尖沙咀就食過好多次，荃新天地1期依間就第一次幫襯，原來鋪面面積幾大，而且環境裝修比尖沙咀更好。呢間新派中菜，最出名食創意野。今晚又試下叫d特別野。肥牛叉燒：將安格斯牛柳配上蜜汁燒到5成熟medium rare，用香草墊底。相當唔錯。個邊燒到微脆口感，裡面肉質鮮嫩柔軟。如果話係fusion菜，我覺得係70%West 30% East，因為唯一中式元素就係蜜汁。肉鬆抓餅：台灣抓餅，中間夾肉鬆。口感與其話似蔥油餅，不如話似印度菜既nan，質感比較柔軟煙韌，有層次，同帶有油香。個人覺得抓餅做得好好，但唔太夾肉鬆，因為後者偏甜。如果抓餅中間夾半肥瘦豬肉碎或者滷肉，應該會更好食。白玉乳鴿：全場最抵食，就係招牌乳鴿，全隻都係$38，又有一次 性膠 手套用，唔駛驚成手油。乳鴿係做到水準。最重要既indicator係，除左皮脆呢d基本野之外，要保存到肉汁同油份，令到所有部位既肉質都咁嫩滑。呢點佢就做到了

慶祝屋企人生日，他選擇了這間餐廳，經常經過我都好想試一試，入面裝修唔錯，地方很大， 看看menu，點心及小菜也很特別。我們點了乳鴿$33- 推介必點👍價錢來說很便宜, 乳鴿炸得剛剛好，還有肉汁，不會干干的，真想再叫多一隻。小蠔煎餅$79- 很久沒有食過煎蠔餅，這裏煎得很鬆脆 ，蠔也挺多，配上酸甜醬，開胃野味。雲吞湯麵$49- 以這個價錢來說很抵食， 雲吞入面滿滿的蝦肉，不過麵有點梘水味，我自己不太喜歡。香草羊架$149- 我很喜愛羶味，這裏略嫌不夠，不過肉質也算淋。鳳尾金卷$49 - 炸春卷連上蝦尾，很脆口，感覺上有點油。得意小豬$39- 賣相很靚很可愛🥰 好唔想整爛佢，它是用奶凍做成的， 配上花奶，不會太甜😚總括來說， 這餐生日飯不過不失，還有很多特別的菜式，有機會也會再試。

第一次來是為了吃胡椒蟹但因蟹身不夠鮮而失望了不過發現了美味的乳鴿所以今日再encore🤣時隔數月今天的乳鴿無上次咁熱（唔係唔熱 但無鮮炸既咁覺）有少少扣分但味道依然ok👍🏻唔用鹽都好夠味其他食物有冰鎮咕嚕肉因為有冰所以擺一陣之後係凍食的個人prefer熱既多d另外椰子雞湯都唔錯有淡淡的藥材味薰蛋配煙三文魚都好味其他食物就不過不失其實上次都有食其他野但都唔太記得了結論係 都係會為乳鴿泥食😝😝到時再試其他😋

一直都好想一嚐呢間餐廳見荃灣冇乜人就黎試下啦首先點左33蚊1隻乳鴿好貼心咁有膠手套 檯面仲會有個兜係俾你放骨乳鴿好入味 好好食 唔夠喉 下次可以叫多隻至於我大愛既雞絲粉皮 都算唔錯架喇因為有好多餐廳都會冇乜配料但呢間又4x蚊 有一碟略嫌米酒落多左少少 個味好突出至於呢碗雲吞擔擔麵就咁睇樣都睇到個味精湯底仲加左好多麻辣 不過雲吞都幾唔錯呢店名堂”無咁簡蛋”雖然幾有gimmick個蛋係芒果sauce 店員上檯果時話“可以用黎點雞食 唔點既話可以當飯後甜品食架!!!!”聽落新鮮感十足 即刻點一啖黎食仲要整到好似蛋黃 真係要吉先穿賣相真係好好點知！！！個芒果醬極咸...完完全全幻滅左我既想像既味道至於個雞。。。超級無敵。。。咸。。。每食一啖都要狂飲茶仲話點醬食 根本冇可能只會咸上加咸

今日Off即刻同fd子去荃灣lunch, 之前食過尖沙咀嗰間唐宮小聚已經想再食, 難得夾啱時間又黎過yeah! 裝修好新好特別呢, 竟有張真係坐低食飯嘅同倒轉的乒乓波枱. Menu就好似平時酒樓點心紙嘅設計, 菜式嘅名都幾得意^^ 話梅石榴 (HKD49) 係台灣食開嘅芭樂呀, 挖走中間較硬嘅心, 每片蕃石榴都滲透哂話梅汁嘅甜味, 入口好fresh. 話梅真係好開胃, 連面頭都灑滿話梅粉, 令整體味道更強(同生果加鹽一樣道理). 小小蘋果 (HKD39) 綠色造型嘅食材好容易令人聯想到綠茶粉, li幾隻”青蘋果”又唔似啊. 聞下有陣好微嘅斑闌味, 就係個皮顏色嘅來源. 一咬, 只見釀滿粒粒蘋果肉, 係蘋果批嘅中式version, 甜味天然. 酒酿圓子 (HKD29) 好大粒!平時食開上海鋪都係一碗細細粒以糖水方式上枱. 一碟4大粒都係第一次見, 每粒都有朵食得嘅花, 夾埋桂花, 酒酿一口食, 清幽桂花香, 甜甜酒酿, 軟糯湯圓, 正. 腐乳蟶子 (HKD99) 超肥美嘅蟶子, 每隻蟶子肉都迫爆件衫(個殻)的. “掛”滿腐乳整成嘅醬, 啖啖肉, 估唔到咁夾. 翡翠鮮蝦

今日適逢一家人放假順道補祝母親節同預早食父親節飯，姐夫一早已經黎過呢間餐廳，大讚呢度嘅乳鴿是暫時來說最好吃，要再食，所以今次就一行六人試試呢間餐廳小聚一下。店舖門面裝潢幾好，好有清新感，好大嘅舖面，都坐得幾舒服！是日係一家人食飯， 所以都叫左好多野食，整體黎講啲野都幾好食，賣相都好得意，幾有心思，不過叫得太多野食，我都唔係全部試哂，我試左菠蘿牛腩，感覺幾新穎，但味道我就覺得一般，乳鴿一人限食一隻，無得叫多，幾脆口，幾入味，係我暫時覺得最好嘅乳鴿，之後仲有芝士炸雲吞，我覺得呢個好食，但如果佢有個醬點下就更好。炸魷魚鬚就普普通通，唔係話超班，不過如果一家人黎食，其實呢間都唔錯，泊車又方便👍🏻👍🏻

點心精美，最喜愛食非常山竹外面個皮似咸水角，內裏就係龍蝦仔加濃湯！味道濃郁！出名的乳鴿，亦都香口，一人限叫一隻，抵食仲食左炸𤐶餅，好脆好香口，大份亦有唔少既蠔！外表似粒冬菇既包，嗯。。。個人並有不太欣賞，菇味係濃，不過略嫌有d 苦。

之前食過晚飯，今次試下全部都食點心果然冇失望😋😋😋食物鬼馬，大人細路都食得好開心喇沙小籠包、麻辣燒賣...完全係食落口你先feel到個感覺係乜流沙包👍🏻👍🏻必叫乳鴿...皮脆肉嫩烏龜菠蘿包原來係叉燒包既內容肉鬆夾餅就冇乜驚喜雲吞面...一般黎呢度食緊係叫得意野食，一定有驚喜！但佢最差就係冇時冇刻都咁多人等位，要食就早少少去拎票等位仲有佢既坐位就一般般，唔係咁好坐...如果你買左好多野又一袋二袋就簡另一間食好啦

媽媽生日飯，打去訂位話滿座，但家人極力推介乳鴿，試下walkin等位，8位等45分鐘，我知而家除酒樓外，想訂多人枱會比較少選擇，所以其實45分鐘尚可接受。食物質素不賴，但服務態度仲有好大空間改善。乳鴿入味，蛋黃魚皮夠香脆，荷葉飯夠香。完。服務態度真係好有需要改善，十五分鐘上哂大部分菜，仲有兩個菜同飲品未到，同侍應講追單，飲品(豆漿)話唔知我地要凍/熱，所以落左單但無黎，明明落單紙上寫得清清楚楚，幾多杯熱幾多杯凍都話唔知？無用心去睇客人落咩單？兩個未上嘅菜十五分鐘內追左三次，同唔同侍應講，最後等多半個鐘先到，重點係三個唔同嘅侍應之間完全無任何溝通，無人幫手認真跟進過，每次都係見我地好似食完過黎問可唔可以收碟先可以搵到人去追單。而家飲食業真係咁難做？我本身都做服務業，所以都無諗住要去為難打工嘅一群，只希望有老闆可以睇下，檢討一下係咪管理/待遇方面有問題，令員工工作唔投入。最後，強烈建議換過所有碗碟，除部都係烏蠅/螞蟻等嘅印花，有無諗過做食肆用咁嘅碗碟係非常趕客的？

想去尖咀或中環嘅唐宫小聚好耐，但一直未成行。最近聽朋友講荃灣citywalk開左就立刻想去試試，都算就腳所以帶埋老人家（有輪椅）去。由於無得訂枱所以都等左好耐下，成一個鐘...不過帶位service好好，過黎關心老人家驚佢等得耐，服務態度嘉玲一。由於等嘅時候已經劃好食乜，好快已有得食。兩個大人一個老人叫左7樣野，每一樣都好nice presented。荷葉飯:份量充足、可以3-4人每人一碗。料適中，飯香而不膩。29蚊一隻乳鴿： 叫左兩仔，好juicy、肥瘦適中。招牌黑金流沙包：包軟熟密度啱啱好有咬口、奶皇流沙夠哂滑無渣。蟹肉煎堆：入面有少少湯，蟹肉口感個豬肉，炸得好挺身，唔知係咪即叫即炸。味道都quite good! 葱油樹雞: 唯一冷盤，葱油雞無葱反而好多蒜。唔會太凍，有啲冷盤會凍到敏感牙齒發作。但味道不是太出色，早知叫酒埕醉雞。肉骨茶： 49蚊都幾大盅，辣味足夠，飲落夠燥，贊！ 椰子燉雞： 飲落好似無味精，較清新唔會燥。餐牌同yumcha異曲同工，唔知係咪有“la lun”，可能同一f&b公司operate。唐宫較多點心同偏粤式, yumcha係更廣泛嘅中菜帶少少fusion，但個