太元樓

营业中

休息中

兩條友唔知食咩好，疫症下更加少選擇，心理作用下都係要揀番間乾淨企理的，路過北角...被光亮的店面吸引，入嚟試下，地方整潔試左幾樣餸，好似每樣都出色的，下次值得再去

係北角城市花園附近收工，呢頭都有唔少價錢相宜既餐廳，行過見到有大大塊牌寫住$28乳鴿🤤🤤就吸引左入去啦。晚上八點多去到，full晒，好多一家大細，等左半個鐘入坐。菜單得兩頁紙，但都幾多選擇，價錢都係正常小菜價。一行二人，叫左小籠包4粒（$38）一隻乳鴿($28), 紅油抄手 ($58), 咕嚕肉（$88），高力豆沙（$16）同白飯一碗（$12）等左十分鐘，首先上左小籠包同抄手。小籠包皮夠薄，同埋湯汁都好夠，但唔會一夾就穿，推薦。抄手不過不失，但發現佢有加香蔥同蒜蓉，少見。重點乳鴿，真係好抵食，因為好多人叫（隔離枱人頭一隻）所以佢地都係新鮮整起。皮脆，唔會太油，肉質嫩滑，如果唔係太飽我都想叫多隻。外脆內軟既咕嚕肉，因為用既係豬頸肉，所以肉質爽口，送飯一流。最後食個甜品，入面包住紅豆蓉同香蕉，食得出又係即炸，滿意。仲想提下當日雖然好忙好多人，但侍應服務態度良好，細心，值得一讚。

好耐無食上海嘢，今晚就約左屋企人去北角太元樓到食新嘢🤟🏻我地叫左膳糊、小籠包、乳鴿、高湯白菜仔、炸銀絲卷、馳名乳鴿、太元招牌海鮮炒飯以及淆肉。小籠包皮薄餡靚👍🏻內裡嘅湯汁又好食甜同好澎湃🤤得四隻真係唔夠喉。乳鴿外脆內軟，肉質軟滑唔會話鞋颯颯好難食😖。連屋企最鍾意食乳鴿果個都話正👍🏻淆肉同太元招牌海鮮炒飯更加係我最鍾意食嘅嘢，淆肉嘅上層同肉係肉質分明，上層位更加係晶瑩剔透👍🏻食落口好似啫喱咁🥄太元招牌海鮮炒飯👍🏻👍🏻👍🏻👍🏻有好多材料有蟹柳、芥蘭、元貝、蛋同蟹籽。款式新穎味道多種層次一流！

今天忙裡偷閒，搭幾個站黎到北角太元樓食飯～睇門口格局好有派頭😆入面裝修得體 坐得舒服～坐低先來兩隻乳鴿 上碟熱辣辣😍咬落去肉嫩口又多汁 大大隻 夠惹味😋（聽聞之前好快賣晒，好彩今次食到😆）最愛吃的小籠包 皮夠薄 摺夠多 入面足湯足料 小心燙口😆雞絲粉皮 份量充足 麻醬夠 粉皮夠彈牙 入口好香口好爽滑～高湯浸豆苗 豆苗新鮮～上湯浸簡簡單單夠清淡 突出新鮮食材 夠健康～醬炒大蝦年糕 夠晒大碟 甜甜地 年糕夠彈牙唔會炒到好乾 正～搭多兩個站可以用平民d既價錢食到好野（中午黎果陣張單無加一😍😍 唔知晚上係咪都咁抵🤔） 又無核心商業區咁逼～抵食😋

晚上去了城市花園探朋友, 談了很久都餓了要下去找餐廳吃, 本來打算吃添好運, 看到旁邊有間裝修不錯的中菜館, 在openrice看到應該是新開張的。門口的菜單有幾款吸引的上海菜, 價錢合理, 即刻狗衝入去食啦~最最最吸引是每位可以$28點一隻乳鴿!! 抵!! 乳鴿不肥膩又皮脆肉嫩!份量也不少!讓我進入餐廳的另外原因是我看到有三鮮鍋巴, 真的很少中菜館會有, 除非去上海菜館才遇到呢~鍋巴是即炸的, 一放在湯汁上就是快點拿出來, 才會又脆又好吃!! 放太久有機會會散掉少許~乾煸四季豆也是我經常點的菜, 今天這個炸得不會太乾, 微辣, 而且肉碎很多, 可以配白飯是絕配了~最後是上海排骨菜飯, 排骨根本是豬排吧?! 又大又厚! 很喜歡菜飯不會太濕太淋, 乾身的, 口感很好!看到這個中菜館的裝潢以為很貴的一餐, 想不到跟平常食晚飯的價錢差不多, 性價比高哦!