十二味 (山市樓) (已結業)

一向我都好喜歡吃川菜，麻辣酸辣我都啱，今次與老友到位於西環堅尼地城的十二味， 就是為了一齊去吃辣的！ 兩個女仔食唔到好多嘢，我們點了一個經典香辣鍋$38，鍋料選了寬粉$22，花菜$22，台灣魚腐$48，嫩牛肉$48，鮮魷$38，還有叫了一碟乾煸四季豆$68， 加多寶$20和椰青水$20。前菜 ~ 酸酸辣辣的幾開胃。經典香辣鍋 ~ 用了花椒，辣椒，大紅袍辣椒，乾椒煮成的香鍋。 配料可以自己選擇，今次點了寬粉，花菜，台灣魚腐，嫩牛肉，鮮魷。我們點了小辣，啱曬我哋口味。寬粉絕對可以吸曬香煱的味道，辣味有層次感， 越食越想食。乾煸四季豆 ~ 這道菜我們點了不辣的，炒得夠乾身非常有火喉！一路食辣一路要飲住椰青水和加多寶來解渴很喜歡十二味古色古香的裝修風格，大紅燈籠高高掛很有格調。 這裏的川菜味道也正宗，店員的服務也很好，如果喜歡吃辣的朋友可以來試一試。

尋晚同男友嚟咗堅尼地城呢頭打羽毛球， 一早決定咗要食呢間麻辣餐廳，因為openrice見到佢既門面裝修好吸引😍我哋叫咗個酸菜魚少辣，乾扁四季豆少辣， 桂花冰釀，冰粉同兩個飯裝住桂花冰釀個器皿幾靚😂 佢係雪凍左但唔會加冰，飲落去有好清香既桂花味，又有少少粒粒既口感，滿意😁😁乾扁四季豆整得幾乾身，佢default既辣度對我呢啲唔算食得辣既人黎講剛剛好， 食到底都唔覺得好油，推薦👏個酸菜魚啲魚全部都冇骨，仲要勁滑！😮😮佢配有酸菜，萵荀，同埋類似雞脾菇既菇萵筍嘅硬度啱啱好，夠爽口😀酸菜唔會太酸或者太鹹，要黎送飯perfect！👏😋而個冰粉岩晒我呢啲唔中意食太冰凍既人，冰粉好滑，甜度剛剛好，好味道😳其實我地食食下愈黎愈多人排隊，好彩我地早左去食完之後完全明白點解呢間餐廳會咁多人排， 佢係香港其中一間好有水準嘅辣嘢， 仲要坐得舒服，裝修又靚，服務態度又唔錯，讚！👍👍👍

第一次幫襯「十二味」餐飲集團應該就是銅鑼灣謝斐道的「十二味貴陽牛肉粉」，印象味道相當不錯（先決條件要嗜辣）、又充滿特色。才不過兩年多光景，「貴陽牛肉粉」已經由一間又窄又小的舖位，擴展成面積相當大的粉麵店。更加估唔到嘅，就係「十二味」已經發展成為一個小型飲食集團，而且以四川麻辣菜式為主。雖然近年川菜熱潮在香港也相當受歡迎，但始終屬於少數口味，「十二味」竟然夠膽以川菜為主角，實在相當有膽識。最新一間分店就開在屋企附近，一於帶埋媽打試試。集團定位偏向大眾化、價錢親民，但又不是國內那種平民版鄉村農家風味餐廳的風格，所以室內環境算相當舒適。印象中，「十二味貴陽牛肉粉」的裝修沒有明顯四川風味（擴充後的新店尚未有機會光顧，所以不知道有沒有變化），但西環這間新店就有相當明顯的中式風格：紅燈籠、藍綠色木屏風、模仿農村茅屋木橫樑的天花裝飾；既然係四川菜，當然少不了中國國寶熊貓。埋單找數櫃檯的設計更特別，橫匾用了「通寶銀莊」四個大字，表明錢銀交易在此解決，很有意思！只可惜裝修較簡陋，「通寶銀莊」的後方竟然兼賣充滿中國特色的紀念品及衣飾，有點格格不入。自選餐牌就是一張前後兩面印刷的 A3 紙。招牌自選香鍋鍋底