二悅

营业中

休息中

元朗搵食不過冇做足功課～所以用個簡單又有效嘅方法～邊間多人排隊就排邊間😂😂真係好得閒就行咗入後街，試吓呢間二悅Moon Moon二悅濃湯牛肉麵 $68可以兩食，麵底係蔥油乾伴麵，有兩件牛鍵、兩件牛肚，先食伴麵，茶壺濃牛湯可以就咁飲或者食倒落去湯麵食法！好好味😋蔥油伴麵好彈牙，牛鍵好腍好入味，牛濃湯好清香 手工肉燥乾伴麵定食$62揀咗雞翼、炸花枝丸，另外跟個通菜。雞翼好香脆😋花枝丸就一般，唔彈牙，又有咩花枝，一舊粉咁！肉燥乾伴麵有蔥油咁香，但都唔錯！菠蘿青檸蜜 $18好清新，好好飲，好解渴👍🏻

二悅。真係唔知這間小店有什麼魔力，晚市一到，六時正立刻排隊，結果花了足足兩個小時，七時五十五分才可入座，而且在未到八時，已經截龍。這店子小小，約只有十個座位。裝修簡潔的現代風格，空間狹小，有點兒肩並肩坐的感覺。二悅供應就只是牛肉麵，分別有紅燒或濃湯麵、肉燥乾拌麵同蔥油乾拌麵，價錢由$58-$62. 除牛肉麵外，還設有十款簡單小吃,有花枝丸、肉燥青菜、茄子同雞翼等等，全是台式風味。二悅紅燒牛肉麵$68這個牛肉麵賣相吸引，麵上有大大件的牛腱及牛肚，湯以茶壼盛着，分開上。這樣的安排，可按個人口味吃拌麵或把麵放湯，一麵兩吃。牛𦟌厚度十足，帶肉香，炆得軟腍入味；牛肚也唔差，帶一點咬感又唔會韌。麵條是幼身的，口感軟滑又帶點醬油味，其實乾拌麵條的味道已經唔錯。這個紅燒牛湯味道濃香，用上兩小時熬製，牛骨味濃，帶一點豆辧醬的辛香，又唔油膩，配上麵條，十分惹味可口。二悅濃湯牛肉麵$68相對紅燒牛肉麵，這個濃湯有點兒比下去。牛𦟌沒有紅燒汁的調味，顯然清淡。牛肚本身有調味，帶一點嚼勁。清湯味道清淡，帶點牛骨的鮮同蔬菜的甜味。若是單飲，味道唔錯，但當拌麵遇上清湯，味道就淡淡然的，沒有紅燒湯咁惹味。手工肉燥燙青菜

難得放三日假，同朋友來個元朗快閃遊，朋友提議去D間新開的台灣牛肉麵，所以第一站就去二悅試下啦!我地大約12:40到，但估唔到因為人手不足，要等到1點先開門。店舖入面得10個位左右，如果遲左真係冇咩機會試啦~餐牌選擇唔多，叫左最招牌的手工肉燥同牛肉麵試下!手工肉燥茄子 - 先來個小食手工肉燥茄子，肉燥分量唔多，茄子好Fresh好清新，味道唔錯。手工肉燥乾拌麵定食 - 都係個句，肉燥分量唔多，配左花枝丸同糖心蛋，花枝丸比較一般，糖心蛋係夏天凍食一流啊! 二悅濃湯牛肉麵 - 牛腱同牛肚，牛肚比較有咬口，牛腱燘得好淋好入味，強烈推薦叫牛腱! 牛湯清香，唔係味精湯的味道!!兩個麵的麵質都好有口感，淨係食個麵+湯已經好好味!整體而言，二悅係有誠意的用心小店，性價比夠高，絕對值得支持，唯一美中不足係坐位太少，好大機會要等位架!